影片
今日放假同老公同仔仔揾间cafe食去咗近观塘海滨既呢间cafe拣咗一个大喜乐早餐同埋一个忌廉烟三文鱼意粉～野食嚟到之后好surprise！先讲下个大喜乐早餐（All Day Breakfast）碟上面全部野都好好食，哈哈最特别系个薯饼，好大块，大块过又好食过平时M记𠮶块好多！仲有个英式Muffin包包，好软熟，好食，仔仔都好中意。炒蛋啱啱好！成个入量都好多，唔会唔够饱！：P老公叫咗个忌廉烟三文鱼意粉～我同佢都觉得好食：P烟三文鱼份量好多，食到最后都仲有 唔会好似出面有D餐厅得好细块。。。忌廉汁唔会太杰同太漏，对我嚟讲啱啱好个汁调味几特别，出面冇乜食过呢只味！另外仲叫咗个matcha latte,见到杯野呆咗，好有heart呀！好靓，可以用嚟打卡，哈哈哈！后来店主话比我知，原来雪糕系Movenpick，好抵饮：DMatcha Latte 本身茶味好够，但唔会苦，本身自己好怕甜，不过佢加埋雪糕都唔会觉得太甜太heavy!后来再加多咗个banana cake比仔仔！足料～好香～佢地会整返热先比你的上碟面头脆脆，热热地，入面湿润软熟，食到香蕉粒粒，香蕉味好真，应该唔系就咁落香精仔仔清晒！哈哈！总括呢间野都几好，worth the price！值得试！
继续阅读
疫情舒缓后再次来到nations coffee。隔离期间一直想念这里的意粉。意粉款色选择都算多，尤其喜欢日本带子黑松露忌廉扁意粉，使用了原粒日本带子，煎得微金黄的表面包裹著juicy的带子，又多汁又大粒。黑松露食得出系用靓野，温和且特出嘅香气配搭忌廉恰到好处！意粉嘅量仲要系十分足够，绝对对得住价钱！咖啡就更加不得不提，全店都弥漫著咖啡嘅香气，浅炒豆嘅果香味令人心旷神怡。今次点了热latté，奶泡棉滑，奶啡混合得宜，两者味道平冲，口感丰盈。听讲系用左英国烘豆商嘅高质靓豆出shot先有咁好效果。店内仲提供好多唔同冲法嘅咖啡，手冲、冰滴同黑咖啡都好似好正咁，下次黎必定继续试下唔同嘅靓啡！
继续阅读
黎左呢栋野食lunch，同事拣左呢间叫左个蕃茄忌廉蟹肉龙粉好难食，个味好怪，又唔蕃茄又唔忌廉，蟹肉就一定唔会新鲜，个怪味可能系黎自罐头蟹肉既汁…阵味有d腥，食左少少已经无勇气再食落去。唯一可以赞既系杯茶..完。
继续阅读
好多年前已经好兴上楼嘅cafe, 话就话系cafe好多时候都系啲青少年聚脚玩board game嘅地方, 呢间喺牛头角附近嘅上楼cafe, 系一间有heart对咖啡有要求对食物质素 有好高水准嘅一间, 点解我咁讲? 因为我认识呢间嘢嘅时候, 系喺德福商场嘅一个小摊位度 见到佢买咖啡豆同埋饮品, 然后就上咗嚟 食lunch, 再见埋个装修墙上面𠮶幅画 系店主亲手画嘅。好特别呀!!鲜茄鸡肉意粉, 酸酸地好开胃, 重点系鸡肉好弹, 用咗你你鸡肉所以唔会梅, 意粉又弹口, 唔系惊为天人不过食得出用才系好嘢。呢个真系好好食, 黑松露带子意大利粉, 我谂我之后呢都系要叫呢个 ,份人专一饮品要咗杯冻mocha, 咖啡一定唔会令你失望埋单二百几蚊, 绝对对得起呢一个价钱
继续阅读
今日约牛头角工作的朋友见面，佢介绍牛头角citibank对面，有几间好餐厅，最后我哋选择了这间咖啡店，来一个午餐小聚。 餐厅位于一座食肆大厦，乘电梯上去。一入餐厅感觉舒服，可能有宗教故事为名，装饰主题有彩虹、有各种动物、有草原等等，感觉peaceful 又色彩缤纷，布置用心。我点了一个意粉加一杯咖啡，特别要提咖啡质素高，主打精品咖啡类，因此咖啡豆会定期转换不同产地口味，而且店员很乐意介绍，服务很好。 =蕃茄忌廉蟹肉扁意粉=蟹肉的份量多，每口都吃到蟹肉丝，酱汁以蕃茄蓉和忌廉混和，意粉属正宗发挥，口味唔会太干身，调味微咸，整体质素平均。 =Flat White=口味偏Nutty，欣赏咖啡的奶泡表现稳定，唔会消泡，打得够滑，饮完有咖啡挂在杯身，啡奶比例刚好，不错的咖啡。
继续阅读