NabeGo

营业中

休息中

尋日行開街突然好肚餓就沖左入去食一共叫咗兩個餐再追加咗兩種牛結果喺全部牛肉我都只係食到好淡嘅牛肉味就連個湯底都淡到好似水咁打邊爐之前飲咗湯底兩啖真係有啲覺得自己喺度飲水。。。我叫嘅係鰹魚湯底，我男朋友叫嘅係豬骨湯底，佢個豬骨湯底就好濃味不過如果用嚟烚牛肉嘅話會完全遮蓋晒所有嘅牛肉味。。。款式唔算多，可以揀嘅都好少而且無論係啲牛肉定係啲蔬菜我都覺得有啲碎砌得又好似唔係幾好，我扯其中一條出嚟成抽油麥菜就跌晒出嚟😑😑食過一次之後未必會想有第二次。。。

入到去環境唔錯，坐得舒服。但係啲侍應姐姐全部都係用啲唔咸唔淡嘅廣東話，都唔緊要。呢度係要落單俾埋錢先會送餐，比信用卡個system係要入卡number，成件事又好麻煩。啲嘢食中規中矩，不過啲菜係完全冇味道，又剪到好碎，隔籬枱啲菜竟然有小強😰即刻望清楚我個盤啲菜有冇事先至放落去個煲度烚。問吓有冇得加湯，啲侍應姐姐淨係講咗句自己加啦，指咗佢擺湯refill嘅位置，同埋諗住斟水飲，斟完見到啲杯面浮咗層油，仲要斟咗幾杯都係一樣嘅情況，如果真係要食嘅話，就焗住嗌嘢飲。總括而言，唔會有下次。

幾次經過都見到好多人排隊難得見到今日可以直入咪諗住試下點知攞完飛冇人叫飛（全埸得幾台）到有人理我個陣 佢居然係唔識講廣東話係講普通話坐低同我講要自助落單喺入面俾埋錢咁都冇乜所謂咪自己黎 點知到落枱個下態度勁差 一路教個新人一路落枱我淨係坐喺度乜都冇做 冇啦啦喝我叫我唔好搞我R哂頭 之後一路食一路聽住佢地大大聲喺度鬧人 成個場四個人得一個人做野其他人喺度發夢咁不過最重點係已經係嗌最貴個兩個餐但係所有野都好似廚餘咁啲菜八成爛 啲肉全部碎濕濕 個壽喜燒湯底唔知點解一大陣腥味埋單2個人差唔多五百但一啲都唔飽真係唔會再有下次

店員講普通話，態度一開始已經麻麻，俾可樂唔俾飲管要自己出去攞都算，想加湯個時直接勁唔客氣指住出面叫我地自己去攞湯加，仲要完全唔識廣東話，搞笑野食就算係甘，嗌左一個貴一個平嘅餐，feel到貴個款肉質係靚啲，但服務態度令人失望，唔會再嚟

食火鍋唔想食放題咁多，一人一鍋定量最適合，上次來見等位人多冇等，今日五點嚟到即有位真好。點咗200g牛豚盛合套餐，包括牛五花、豬梅肉各100g、野菜盛盒，揀咗昆布鰹魚湯、三色沙拉、珍珠飯，加咗玫瑰茘枝冷泡茶、2件日本豆腐，好豐富，足夠飽，食材湯底醬料質素都不錯，座位舒服，同埋不收加一。因為我用餐券需要服務員下單，但係兌換時App有點問題而阻延，服務員表現有禮貌，態度好。總括而言，性價比高，值得再來光顧

經開荃灣👣見到間日式一人一鍋🍲選擇菜式都算多🤩性價比好高喔👍🏻湯底🈶壽喜燒湯、鰹魚昆布湯、黑蒜豚骨湯選擇🍲日本北海道國產牛肉眼套餐北海道十勝牛🐮油花滿滿✨肉質軟嫩～壽喜燒湯底🔥沾上蛋漿拌飯🍚最高だった😋🍲極上南非和牛套餐南非和牛系列🐮油花較低～肉質感較重且牛肉味濃郁

見到社交平台荃灣新開左一這間一人一鍋，見到圖片幾吸引老遠都去試一試，點知有意外驚喜，和圖片一樣咁好食，以為得個樣，估唔到蔬菜和肉都很新鮮～南瓜很甜，冬菇也很鮮味💓要讚一讚佢個湯底，😋十分足料又夠濃，忍唔住飲左十幾啖湯底，真係好正好濃郁蕃茄味❤️火鍋最緊要個湯底，佢竟然做得幾好，有機會過荃灣會再試一試湯底其他味道🙂另外場地幾整潔，裝修有D日式feel，服務態度都唔錯👍🏻今日放工時間我都係等咗5分鐘就有位

真的要試一下蕃茄湯，將所有蔬菜放落去後，可以喝一啖蕃茄湯🤣不酸不甜剛剛好，南瓜好似栗子味，紅色的蔬菜不知是什麼但是第一次嘗試很好味，豬肉淥耐咗之後唔會韌，如果選擇烏冬就Perfect了🌸要讚一讚醬汁🙈胡麻醬濃味沒有溝水 點牛肉一流🤤秘製醬汁就冇嘗試啦留返下次試，另外免費添加既麥茶非常香 所以沒有點飲品了🤣不喝茶的話，另外也有冰水提供🥳今日繁忙時間去，服務態度有問必搵到人，勝在店舖人手夠多🥰

🍖 【荃灣火鍋の超抵食推介】大量肉盤套餐任你揀！ 🔥話說最近發現荃新天地地庫有間新開嘅火鍋店 NabeGo，個價位同份量都幾吸引！今次特登去試咗三個套餐，等我同大家分享吓～ 🤤最正一定係佢嘅肉盤品質！全部都係日本直送嘅新鮮肉類，無論係美國牛五花定係豚肉都肥瘦適中，入口即溶！ 👍🏻三個套餐都有齊個人必備嘅配料：🥬 新鮮蔬菜盤🍚 白飯🥘 個人小火鍋湯底🥢 醬料推介必試套餐價錢：💕 NabeGo套餐 $115 💕 美國牛五花套餐 $89💕 牛豚盛合套餐 $89最啱一個人嚟食！唔使再怕約唔到朋友食火鍋喇～店舖個人位設計舒適，啱晒打工仔lunch break 或者收工食完先返屋企！😋個個套餐份量都幾足，建議大家可以揀自己鍾意嘅肉類款式，慢慢享受個人火鍋時光～ 🙌🏻

🔥屋企附近又開左間新野😍見佢裝修得好靚呀😚🐃Nabego套餐：我揀咗呢個套餐👍因為佢已經有幾款我想食嘅款式🥢有牛五花🐃牛板腱🐃薄和牛舌🐃豬腩肉🐽最偏愛食牛舌😍所以特別喜歡和牛舌✅薄薄地灼佢兩下就最爽口咯👍湯底有3款可以揀😚我係壽喜燒湯超級粉絲😋梗係揀佢啦☺️yummy💯🐂美國牛五花套餐350g : 另一個就揀咗牛五花🐂呢個部份質地比較口感柔軟✅油脂分布平均❤️望落去好多花紋好靚👍呢個就揀咗鰹魚昆布湯🥢我覺得咁樣都好夾好好味道🤤🍒荔枝玫瑰烏龍茶🍑白桃烏龍茶🍋鴨屎香鳳凰單叢茶

如果想吃一人火煱，不想到快餐店，坐得較為舒服，又有人把食物送到桌上，NabeGo好像滿足都到以上幾點。就這樣，週末中午就吃了個一人火鍋。美國牛五花套餐350g 鰹魚昆布湯 $109 牛五花油花十足，喜歡油膩感的朋友不容錯過。蔬菜盤有南瓜、冬菇、秀珍菇、雜菜。鰹魚昆布湯淡淡的鰹魚昆布味，配烏冬十分搭。Nabego套餐 (牛五花、牛板腱、薄和牛舌、豬腩肉) 200g 壽喜燒湯 $115牛板腱牛味重，相對有口感。套餐有牛舌非常加分，肉質十分棒。一樣有蔬菜盤，壽喜燒還配隻生雞蛋。Like & Follow 專頁送荔枝玫瑰烏龍茶、白桃烏龍茶、鴨屎香鳳凰單叢茶 °°°°°°°°°°°°°°°°°°°°°°°°°°°°°°NabeGo📍楊屋道1號荃新天地UG樓UG78號舖.#MrsLong #hk #hkbloggermama #Longs #mamablogger #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers

一人火鍋又有新搞作，最近發現荃灣荃新天地開設了一間日式的一人火鍋 -《NabeGo》。而餐廳名稱中的「Nabe」，正是日語中「火鍋」的意思。  《NabeGo》提供10多款肉食及野菜套餐，食客可按個人喜好，自由選擇湯底、肉類、主食，還有多款配料。連醬汁也有數款選擇。店子以木系為主調，環境舒適，簡單的木架，建設出開放式的卡廂設計，既寬敞又帶有私人空間感。鍋爐是嵌入式設計，配上日本鋁鍋，鍋身輕盈，傳熱速度快。就算午餐匆忙趕上班，也有充裕時間慢慢享用喔！一人一鍋，蝦子餅選了味道較濃郁的黑蒜豚骨湯底，帶有鹹香，十分惹味；而我則點選了壽喜燒湯底，除了因為壽喜燒醬汁帶點甜味，更因為壽喜燒與牛肉是絕配喔！壽喜燒湯底，還配上日本雞蛋，進食時裹著蛋液同吃，令火鍋更添風味。火鍋套餐中包括：前菜、野菜盛盒、珍珠飯 / 烏冬，當然還有我最愛的肉肉，這次，我點選了美國牛五花套餐 350g。一層瘦肉一層肥肉堆疊而成，肥瘦相間，肉質柔嫩，帶香濃牛味。豐富的油脂令牛五花吃起來更富口感、肉汁豐盈，口感溫潤滑順，沒有讓人感到油膩。蝦子餅則選了 Nabego套餐，除了牛五花，還有牛板腱、薄和牛舌、豬腩肉，共200g，可以一

荃灣最近新開左一間一人一鍋成日都排晒長龍😍感覺都好似幾抵食☺️餐廳位於荃新天地，西鐵行過去都好方便。我哋去到大約6:30左右，都唔算好多人排隊，等咗5分鐘左右就可以入去。餐廳位置都好闊落，坐得都幾舒服👍🌟日本北海道國產牛肉眼套餐（$250）我就叫左一份日本國產牛肉眼套餐，牛肉嘅份量都幾多嘅，而且肉質都好高質，油脂比較多，食落入口即溶，我覺得配黑蒜豚骨湯就一絕，濃濃嘅黑蒜香味令到牛肉更加出色😍🌟極上南非和牛套餐（$198）朋友就叫咗個南非和牛套餐，份量一樣好足料，而且擺盤好靚🤭佢嘅油脂就冇日本國產和牛咁多，但係牛肉味就比較重，啱晒鍾意食牛但係又唔鍾意太油膩嘅人。我覺得用壽喜燒湯底配搭都幾唔錯，加埋蛋漿一齊食，口感更加豐富👍🌟日本夢見雞松板100g（$28）另外呢，我哋仲加咗呢一個雞松板。佢肉質超級嫩滑而且好爽口，都幾啱用嚟打邊爐㗎😍而家Like & Follow 專頁仲會送你荔枝玫瑰烏龍茶、白桃烏龍茶。都幾大支㗎，同埋茶味都幾香👍🍴NabeGo (荃灣)📍荃灣楊屋道1號荃新天地UG樓UG78號舖

平時行過荃新天地見呢間NabeGo以日式一人火鍋店為主打，都好多人排隊，今日終於有機會入去食啦！套餐好多款，可自選湯底、肉類等，湯底有幾款，必試壽喜燒湯同黑蒜豚骨湯，2 款都好濃，打邊爐唔落調味都好夠味！而肉類都有來自不同產地的牛、豚肉、雞及海鮮等，今次我揀咗美國牛五花套餐350G,份量都幾多，富含油脂帶軟嫩口感！ 同Nabego套餐 有齊牛五花、牛板腱、薄和牛舌、豬腩肉！質地鮮嫩，牛五花 同豬腩肉都好juicy 入口即溶，而牛板腱、薄和牛舌就有嚼勁，肉香十足，一次食足4種肉，最岩食肉獸！

春季天氣乍暖還寒，今次就來到荃灣荃新天地新開張的日式一人火鍋 NabeGo 圍爐取暖，餐牌主打12款肉食及野菜套餐，最平只需$69已經食到一人一鍋，全日免收加一，價錢大眾化，為慶祝餐廳開幕，即日起於餐廳憑任何消費，並即場讚好社交平台專頁，即送「冷泡茶」1枝：荔枝玫瑰烏龍茶、白桃烏龍茶、鴨屎香鳳凰單叢茶，優惠不適用於星期六日或公眾假期，數量有限，送完即止。一室木系枱椅與柔和燈光體現極致和風美學，店內亦提供自助日本酒Sake選購區，適合一人小酌。美國牛五花套餐350G $109 每份套餐均會附上前菜、野菜拼盤及烏冬或珍珠飯，牛五花油花霜降部份多，肉質鬆軟富油香，滿口瀰漫著牛脂香氣，以日式醬油調和出來的壽喜燒湯底，風味甘甜，蘸點蛋漿，入口更滑溜，這樣最能嘗出肉質的鮮嫩，拌飯一流，前菜有酸蘿蔔和麻醬沙律二選一，清爽開胃，野菜拼盤集齊南瓜、紫蘿蔔、菇菌、雜菜等，盡吸湯底精華。Nabego套餐 $115 一客套餐包含美國牛五花、美國Prime牛板腱、南非和牛牛舌及美國黑豚腩肉，一次嘗盡4種肉食，牛板腱脂肪含量較低，肉質相對結實，薄切牛舌富有彈性，肉味更濃，黑豚腩油脂飽滿充沛，不同肉類帶來不一樣的口