NabeGo

营业中

休息中

今次係第三次光顧，第一次感覺良好，成就左第二第三次。星期六加推下午茶，岩晒我依啲食無定時既人，突然間想打邊爐，餐廳設計啱曬一個人獨樂樂。無錯！有獨立坐位同屏風，唔洗同人眼望望。有玄米茶同薄荷水，自助式，有興趣既自取。今次揀咗昆布魚湯底，加錢將飯轉烏冬，打邊爐配烏冬一流啊！下午茶份量相對平時減一半，烏冬除外。另外加左一份牛肉，下午茶黎講份量岩岩好。叫完餐直接電話付款，食完唔洗等埋單，直接離開！啱曬I人既我。佢既醬油有芝麻，淨係點醬油已經好夠味。

食咗Nabego套餐、夢見雞套餐及加了一份豬腩肉，套餐就正正常常；限時75分鐘，有少少趕；套餐可加錢轉烏冬，個烏冬超級難食，超淋；我嘗試淥一陣就攞上來，一樣超淋，未食過咁難食烏冬。

新開張就黎試一下，點知後悔到爆炸簡直是史上最難食嘅打邊爐！我1人叫左個200g美國黑豚肉套餐, 配壽喜燒湯底，上菜很快，但上菜時菇跌左落張枱到，侍應冇任何表示並離開，我要自行執返條菇，體驗很差。不過，這也作罷，成個套餐味道才驚嚇…豚肉冇豚肉味 （仲好韌）菜冇菜味菇冇菇味蛋冇蛋味到底我食緊d咩呀？到底係咩貨源先做得到？埋單$100左右價錢，已經可以響其他地方食半放題打邊爐，菜呀丸呀菇呀雪糕呀飲品呀，都是任食任飲，我都好肯定，冇下次。

最近沙田第一城新開開咗間火鍋餐廳，走日式路線，既然係新嘅就去試吓啦😇餐廳提供多款火鍋套餐，而小熊貓就揀咗下午茶時間去光顧😆 因為佢連下午茶set都有，感覺上係最抵叫咗輕量火鍋牛五花套餐餐，有80g肉，覺得唔夠係可以加錢加食嘅～ 多款湯底可以選擇，而我就揀咗壽喜燒湯底加隻蛋～總的來說，性價比高，質素就正常發揮啦，冇特別大驚喜

屋企樓下開了一間新的食店，作為住客，我們一定要支持一下，所以叫了家人一起去吃。可能因為店鋪正處於開業期間，所以目前不收加一，另外每位顧客如果在他們的網頁上點讚，就會送一支飲品。食物的性價比相當高，我們三個人點了不同的套餐😛- 極尚南非和牛- 海鮮拼盤配牛五花- 牛腹心肉套餐包括了一個蔬菜盤，裡面有兩款蔬菜，另外還有南瓜片，冬菇、金菇菜，以及日本珍珠白飯、火鍋湯底有幾款湯底可揀和各種醬料等。我認為每人一鍋的用餐方式最好。雖然比某些快餐連鎖稍貴，但坐得更舒適，而且有服務，算是一個更好的選擇。用餐時間是75分鐘，但我覺得足夠讓我們享用美食。