My Star Yogurt (已結業)

食完野，飲埋野。可以話係飲飽食醉，再黎個炒雪糕。咁就無敵啦上網見就見得多啦。食呢，在下就係第一次食。心情又興奮又期待。上圖！其實佢有7舊！炒雪糕一出，相都未影就俾食左2舊好好食丫！成個過程其實係見證住。俾完錢，Staff就會剷下部機。我估係清潔下掛。好多雪好搞笑！之後就望住佢放配料，再之後佢就拎起2個剷用超級熟練既手法去整。吾夠3分鐘，其實都已經整完！整個過程見證住其實好神奇！由無變有再入口。乜都值哂！環境就正常啦，無乜特別！Staff就一個。下次路過都會再食！

近來茶飲大行其道，葵涌廣場內也開了不少飲品店。筆者經過2樓的一家小店，就被店門的宣傳Banner所吸引。被吸引的原因很簡單：「買一送一」Banner說明寫著每天都有指定的芝士奶蓋茶飲款式買一送一。如此優惠，一試無妨吧～到達收銀站置時，有紙牌寫著是日優惠的茶飲為「芝士奶蓋金鳳茶王」。45元的價錢可享用2杯。平均一杯$22.5，廿多元可買到一杯芝士茶，看似非常划算呢～正當準備排隊購買之際，同行友人提示了筆者。事關原來店舖的menu上，一杯芝士茶飲的原價不過是$24。那麼，若是根據筆者認知中的「買一送一」來付款購買，理應是$24有2杯茶飲，而非$45。看來，店舖推行的「買一送一」優惠，與筆者對「買一送一」的定義有所不同；稍一理解不清，便容易引起誤會。

見到佢17蚊買一送一，個員工裝完兩杯雪糕，叫我地加D朱古力同果粒果啲，加完，磅兩個雪糕嘅重量？請問唔係買一送一咩？唔係應該磅一個就得勒咩？磅完兩個嘅重量計兩個嘅價錢？ 如果計兩個重量收錢就唔好寫住買一送一啦！！！ 一個雪糕洗唔洗51蚊？

呢間係我食過咁多間鋪路，態度超差既一間！排左好耐，終於到我同個仔！杯所謂炒雪糕$36，個女人問我有無$1，我俾2個5毫佢，佢話唔收（搵哂成間鋪都無寫出黎），於是我再問佢要幾多蚊，佢一句回我‘唔做你生意’！仲要隻眼瞪到實一實，唔收5毫，唔緊要，但態度其差！野食好食之餘，態度都好緊要！

傳說中的炒雪糕其實都係為左睇佢炒、捲、同影張相罷了見到個環境同d色素有少少卻步，不會都試試啦點左vanilla + 阿華田餅 + 蘆薈 + control candy睇佢炒雪糕過程都算係樂趣之一不過雪糕實在係無乜雲哩拿味，得個凍字好在加左阿華田餅令佢有d味道，Toppings唔會難食得去邊注重衛生就不要試了，始終環境麻麻地炒雪糕塊板又唔知幾耐無洗😐$36/ 3 toppings 如果咁大杯 唔算貴可以試一次影張相既 😂

原味乳酪阿華田炒雪糕＋芒果爆珠，ma有幾種味道選擇，分別係原味乳酪，藍色／白色雲尼拿同朱古力之後揀雪糕配料 印象中係有香蕉，不過我地選擇左阿華田餅😆最後都係有兩種toppings揀選，呢度選擇都幾多下，同出面froyo店都差不多～-睇炒雪糕ge過程永遠都係咁有趣將一大堆d醬料倒入去 然後再加餅乾落去炒等左大概五分鐘啦 終於炒好了-對上一次（都係第一次）食炒雪糕已經係澳門記得係個度時到ge炒雪糕好“薄”好無質感但係呢度ge炒雪糕厚度有厚成倍🤔食落仲有d脆卜卜ge阿華田係入面可能呢d就係叫一分錢一分貨啦

呢間鋪既員工態度麻麻地,好HEA,叫個炒雪糕,見佢炒得幾下,入面層仲濕濕下就捲上去,D雪糕拎上來已經係軟,食落去唔知食緊咩,味道一般,我唔會再來食第2次!!!!!!!!!!!!!!!!!!!!!!!

今晚晚飯後同表妹去咗葵廣食甜品，就簡咗呢間乳酪雪糕，見到佢個牌寫主$17/100g（買一送一, 咁姐係代表只要接100嘅倍數買就得啦！行到埋去果位男員工只顧著玩手機，我地叫咗幾聲佢先有反應😡，都唔係做生意嘅！佢問我地要大柸還是細柸，我問佢細柸係咪100g,咁大柸係幾多呀？點知佢話細柸150g,大柸250g🤔,乜唔係按住100g、200g咁買咩？點知佢話唔係喎😱，最少買150g, 我緊係諗會唔會我睇錯左啦！再睇多次，啱喎！最後我地要咗兩柸細嘅加咗小小topping,佢收咗我地$35，其實我都唔知點計，總之唔會有下次囉！

是日去左葵房廣場行街係眾小店中吸引到我既係呢間my star yogurt因為佢有賣果茶我選擇左最貴最多生果既「花果山」$35入面有蘋果、菠蘿、西瓜、青檸、百香果同橙，再配合綠茶，清新又有點甜味唔錯另外仲有近期好流行既炒雪糕 眼見店員由液體炒成雪糕過程真係好有趣價錢大約$40 唔算平另外都有現成既意大利雪糕賣

近年葵廣成為了新潮美食的集中地, 網上都有一番熱烈的討論所以今次我們決定去葵廣二樓掃街一於去試試有咩好食!甜點我們就見到呢間手炒雪糕店, 見到佢地用TIFFANY BLUE的藍色雲呢拿味炒雪糕賣相相當吸引，岩晒粉藍控/少女影個靚相同打下卡～味道以甜味為主講真就無咩雲呢拿香味,有少少失望，但口感就有驚喜了!凍冰冰煙煙韌韌比平時的普通雪糕多左份口感, 再配埋炒係雪糕之中的士多啤梨同自選的toppings，食落都唔會太甜既～overall來講炒雪糕比雪糕嘅味道高分

上次和友人到林村許願樹，當時第一次見炒雪糕卷，本身打算一試，但最後實在排太長隊而放棄。今日我們竟然在葵芳廣場重遇雪糕卷！這裡的口味不及上次林村的多，但勝在人不太多。我們點了白色雲尼拿，再加士多啤梨、麻薯、消化飯碎。雪糕是即叫即炒的，所以我們還是要等五至六位。不過好在可以走開逛逛其他地方再回來拿。師傅炒的過程亦很有趣，可以邊等邊看，見證它由糖漿變硬身雪糕卷的過程。經過了大約半小時，終於等到了我們的雪糕卷！很推薦士多啤梨配料，因為它會融入糖漿一起炒。本身白色的雲尼拿漿因加了士多啤梨而變了粉紅色！雪糕挺硬身的，吃下不太甜，我很喜歡。它不大像平時的雪糕，反倒有乳酪的味道。麻薯和消化餅碎的配搭也很襯，就是又有咬口又香脆！整體來時是不錯的甜品，而且份量也很夠。

一直都想試吓啲炒雪糕，今次嚟到葵涌廣場，無意中發現咗呢間小店。呢度啲炒雪糕可以自行配搭口味同配料，加入雪糕一齊炒嘅配料有Oreo同阿華田餅，都幾得意。自己唔想太甜最後揀咗白色雲呢拿加士多啤梨做炒嘅配料。店員好快手就將士多啤梨打碎，同雪糕混合埋一齊，然後將變硬咗嘅雪糕卷成幾卷放入紙杯，灑上其他配料，賣相吸引嘅炒雪糕就大功告成。粉紅色嘅炒雪糕卷到好似一朵朵玫瑰花，好特別，女仔見到一定好鍾意。味道方面唔係太甜，加左啲甜嘅配料就啱啱好啦。雖然口感有點硬，但雪糕唔會溶得太快，如果可以慢慢的與另一半分享，會很浪漫呢！

行葵廣見到有人拎咗一杯杯炒雪糕，見到cp值高，就忍唔住去買返杯試下。1.揀咗要咩size先2.係左邊list揀要咩雪糕，右邊list揀一樣配料3.係下面既配料，再挑選2樣今次就叫咗藍色雲呢奶雪糕+士多啤梨+m&m+麻糬見到staff 落咗藍色雪糕加上士多啤梨係咁切炒，睇落用咗唔少功力。炒到硬哂，就卷起用夾夾到一舊舊放係杯上。最後加上m&m+麻糬，就完成。藍色雲呢奶隻色好靚，好鐘意。但質感好硬，少啲牙力都唔得，仲好凍，如果有敏感牙齒，就好比。雪糕上既士多啤梨味掩蓋左雲呢奶味，食落只有士多啤梨味。今次叫咗細size ，但俾想像既大杯，2個女仔食都得。雪糕太硬，我個匙羹整爛左。

比佢地個炒雪糕廣告呃左，店員態度極為趕客，一開始填配料既時候，店員已經用警告既態度同我講要等一個鐘，比完錢店員又同我地講30-45分鐘番泥拎，如是者45分番去佢同我講我杯野溶左，要再等過20分鐘，賣雪糕無雪櫃既咩？我成個無奈擺出泥佢又同我講，下杯整比你，佢地整一杯大概4分鐘左右啦，咁我就緊係排住隊等，係呢個等既過程，店員多次叫我地排緊隊既人行開d同埋唔好擋住佢地間舖，附近幾間店好多人逼爆根本行都行唔到，仲係咁趕客叫人行開，佢地間舖炒雪糕同yogurt 痴埋做，前面排雪糕既就比其他舖d客逼死，後面買yogurt既就遲遲都無位不配料，最後拎住個溶既yougurt咁走，眼見咁既情況4分鐘內我都唔敢行遠繼續排，廢是又溶，最可惡等左咁耐又逼又受氣，黎到杯野竟然偷工減料，比小左樣配料。。。真係十分無奈，而且味道真係好一般，好姒食緊走奶小甜既雲尼拿雪糕咁，唔值40蚊

首先買呢杯雪糕係要等45分鐘,真係要等45分鐘,如果你諗住行陣街番去拎又唔小心過左少少鐘,咁杯雪糕係會溶既，因為佢地係無雪櫃放D炒好左既雪糕的。你最好係個到企足45分鐘唔好行開。不過其實去開葵廣都知個到好多人，逼黎逼去都幾辛苦，咁逼左N等左好耐終於有得食其實本身係泰國食完覺得好正，知道近近地有得食咪即時仆去試...點知一食就知做左水魚,一黎又唔夠"煙UN"二黎又無咩味，等左咁耐食杯既野,仲食左$40。完全破壞哂我美好既回憶服務想俾負分不過無得揀雖然唔係買你$40要你多謝哂咁口但係收銀個個絕對係一副開倉賑災既姿態，完全唔憂做+勁串嘴。