影片
附加资料
主要外卖，少量坐位供堂食。
营业时间
今日营业
11:30 - 20:00
星期一至日
11:30 - 20:00
公众假期
11:30 - 20:00
公众假期前夕
11:30 - 20:00
以上资料只供参考，请与餐厅确认详情
招牌菜
已经到晚上九点，应该系关门时间还跑进去问有冇海南鸡饭。已经在收拾清洁， 伯伯见到还有热汤即刻说有，还再煮给我。靓女收银姐见要一段时间才有外卖给我，还跟我聊天等我没那么无聊呢！
继续阅读
今晚突然想饮炖汤，喺火炭饮炖汤既选择唔多，走去大家x见得皮蛋汤，就走去银禧睇下，估唔到喺街市入口就有间炖汤。$55一个炖汤，如果加埋饭就total$73。 感觉上有少少贵，行近啲睇佢啲炖汤系用锡纸兜一个个独立炖好包装好既。因为真系好想饮汤，最好系清清地，有啲排骨食下....就买一set黎试下啦。我嗌左个姬松茸螺头淮山杞子炖排骨汤，加个葱油猪扒饭。两样野买上手都热辣辣，个汤一打开，有几旧好腍既排骨，有螺头，有好多松茸，味道好浓，感觉好足料，汤面无咩油。虽然有少少失预算，因为我本身以为系清清地既汤🤣点知咁浓味...只能怪自己对炖汤唔认识🤣🤣个汤好大碗，食+饮左半碗就已经饮唔落，太饱啦！个汤饮完一啲口渴都无，我相信都系无落味精。至于个猪扒，因为太饱缘故，无食到留番俾屋企人第二日带饭。打开见到有五块猪扒，猪扒下面有8-9条大菜芯，饭量都好多。后黎问番屋企人，佢话都几好食。呢个餐以呢个份量，呢个味道，同埋健康无味精黎计，$73我觉得唔贵啊。不过份量真系太多，两个人食一个餐都已经够，或者等下次饿啲既时候再嗌啦！😆
继续阅读
第一次食依间，我平时钟意响餐厅入面食，不过最近武肺咁劲，就多咗买外卖。依间舖头响银市集入面，响市集入口附近，细细间只做外卖。之前傻吓傻吓咩都唔知，原来可以whatsapp order, 到咁上下直接攞，下次要醒目啲。买饭+汤套餐，加埋$68, 一开始觉得少贵，食完之后觉得真心好抵! 我今日食蕃茄肉片饭，汤要咗个姬松茸汤。先讲讲个包装，买饭附赠黄色手提袋，我都唔知个袋系咩物料，似纸又似胶，不过只黄色好靓好sharp 我钟意❤蕃茄肉片饭用纸兜装，入面有个胶兜将饭同𩠌分开。我成日俾朋友笑似小朋友，食饭钟意捞汁，最钟意嘅系茄汁，今日依然系小朋友口味🤣其实成个lunch 嘅主角系个汤，个饭系唔错，不过个汤先系重点! 系咁依介绍吓个饭先，蕃茄汁甜甜哋，用嚟捞饭好开胃。肉片我估系猪肉，落order 嘅时候可以拣要鱼片 or 肉片。等我食完成个饭+汤已经饱到胃气攻心，实在太饱，下次试吓可唔可以要少饭先。主角! 系个汤! 个汤系边个煲㗎? 我想嫁俾佢! 💍姬松茸汤用锡纸兜装，封实晒，完全唔怕攞外卖时会倒泻。入口第一啖已经知系用料好足，唔系味精汤，饮落口非常非常非鲜甜! 真系老母煲嘅汤都无咁足料无咁好饮! 汤同渣份量大概系一半一半，本身食完个饭已经饱咗9成，食埋啲汤渣饮埋个汤，饱咗120%。我知道饱就停唔好再食，但真系好好味唔食埋佢感觉好浪费🙈 而且饮依个汤系一种享受，我慢慢饮啰~最后嚟2张menu, 除咗饭同汤仲有糖水同埋自家制饮品。糖水非常有兴趣，但市集只开到4点定5点，依个时间未想食糖水。下次可以当下午茶试吓。今日全日因为依个lunch 而好满足❤ 下次试吓其他汤先，相信依然会有惊喜。
继续阅读
系火炭反工。。位于银禧街市入面，一间用心制作既一间小店，每日会有数抹不同既炖汤同午饭，今日叫左胜瓜炒肉片和椰子螺头杞子百合炖排骨，炖汤非常足料，无味精，椰子炖汤非常鲜甜，65蚊一个炖汤一个饭，简直物超所值，加油
继续阅读
第一次写食评，因为真系十个赞👍🏻其实想写呢个食评好耐，但每次都心急食咗无影相😝今次终于记得！所有汤品都非常足料无味精，基本上所有汤同材料我都会食晒😋 前几日连续饮咗两日八珍汤，成个人暖笠笠，今日再饮补一补吓气血，啱晒手脚冰冷、成日坐冷气、寒底嘅人🤩每个汤都跟一个饭，味道唔错，食饱饱👍🏻每次经过都会好想买番个靓汤叹吓，老板亲切，值得推介！
继续阅读