影片
以上资料只供参考，请与餐厅确认详情
港铁南港岛线开通左咁耐都未坐过.今日老公放假,就一齐去鸭脷洲睇下有什么变化.一落车.行咗去岸边,就见到个无敌大海.到咗中午,又系医肚嘅时候.行到海怡西广场,见到美心快餐店.我哋叫咗两个套餐.(1)无骨海南鸡饭套餐,配上黄油饭和中式汤.伴碟还有青瓜.无骨海南鸡又嫩又滑,咬落啖啖肉.好食.最怕系出晒血水.这家是没有的.黄油饭有D干,唔系咁好食.中式汤系南瓜虫草花瘦肉汤,材料丰富.(2)义烧、菜脯炒蛋饭套餐.配上热饮.叉烧太瘦,有点韧,菜脯炒蛋非常惹味.美心热奶茶,茶味浓郁.好饮.
继续阅读
今日同妈咪呀妹去美心打边边，较啱时间享用佢个火锅早鸟优惠，仲会送多一大杯汽水，早啲食又平啲又少人啲，识食梗系拣啱时段黎食啦！一个醉鸡呀猪妈火锅都有好多野食，以我记忆就包括有一碟醉鸡啦，有猪肉有午餐肉有两支滑(墨鱼滑同好似系飞鱼子鸡滑)，有啲猪皮呀鱼腐呀萝卜南瓜呀，仲有生菜同乌冬。我自问大食，但食完成个set都觉得饱饱，承惠$58，抵过晒其他连锁店嘅火锅，10分推介！
继续阅读
返工嘅时候电话响，原来𠮶夜班同事忘记咗攞嘢走，要我同佢摆埋去，我话冇问题，不过我而家行紧去美心食早餐，等我食埋先啦，佢话OK，其实我系美心门口睇紧歺牌，最后要咗𠮶牛扒煎双旦，加杯可乐，𠮶餐都有面包，牛扒味道麻麻，煎双旦都好差，系杯可乐同面包好啲，因为可以加牛奶和花生酱，快啲食埋𠮶早餐，同𠮶同事做番啲嘢，费时佢冇咗1啲嘢入我数。
继续阅读
今日超级节目丰富，早上接肥髀见学校，见之前去快食个早餐，快餐店外落单，我试用自助落单机，用咗好多时间理解！成功落单，肥髀用人手落，快过我好多！落单出菜在外围，攞食物入去型格座位区揾位，在大枱坐低，桌椅唔迫！脆嫩鱼柳烚蛋（$31）几开心有烚蛋呢个选择，蛋系啡鸡蛋，蛋白弹牙正常，蛋黄全熟无食，鱼柳香脆，鱼肉唔干唔腥正常，麦包烘过但放咗一阵，淋咗少少！整体正常中国茶：呢排食滞下饮热茶最好（频扑中不宜饮含奶嘅饮品）水够热，茶只系茶包，味道正常肥髀食：火腿炒蛋多士：热柠水：自助式所以无乜接触！爽手极速出菜！有效率健康少少嘅嘅选择
继续阅读
好少食美心，因为一来屋企同公司附近都会冇，二来觉得连锁快餐店品质应该差不多到，所以对美心并没有特别喜好。但今日黎到海怡，发现商场冇乜嘢食，所以就拣咗美心，下午茶时段叫咗一个迷你叉烧饭同咖喱三宝，出奇地满意，野食份量刚刚好，叉烧系肥瘦叉，咬落好软熟，中间夹杂着小小脂肪，口感一流，再有配上少少汁送饭，好快就食晒。另外咖喱三宝都不过不失，有鱼蛋，猪皮同白萝卜，咖喱汁几好味。整体来讲觉得有诚意，有用心调配过酱汁和配搭。
继续阅读