MX (友邦香港大樓) (已結業)

近日見到美心mx做推廣，早鳥時段29元一個很大哦豬扒飯。咁抵，放工即衝去幫襯下。可能因為焗定，好快有得拎，熱辣辣，好香呀。size同正價一樣大細，無縮水。豬扒厚度唔算薄，但攤開係幾大哦。肉夠淋，有肉汁，好味。炒飯底唔算多飯，但連埋肉食都好飽，好滿足。配埋茄汁一齊焗，加幾粒菠蘿，甜甜酸酸都幾開胃。可惜無包野飲，食食下都會口乾，加野飲要6蚊，會無咁抵，所以我就飲水算啦。早鳥係5點半至6點半，真係早了點，下次外賣好d

美心推出的戀戀台食系列，我偏好台食，真係無理由唔試。試左2款便當，都有配肉燥飯，細細個碗都裝得幾滿，好味道。加埋3款配菜，好滿足。最鐘意佢隻香菜，口感像炸菜，送飯一流。加點烏醋豬軟骨便當因為賣哂鹽雞雞所以試左，豬軟骨甜酸味很平衡，放飯唔錯。肉幾多，不過9成都好柴，唔夠軟滑，唔會再揀佢了。加點豆腐鹽酥雞便當 （推薦）好多件雞，肉也多，有d肉汁，唔會過炸，有鹽香，但唔會過咸，雖然唔係100%台灣隻味，但都好接近，想要食多次呀。

#小秘書 今日好孤單，咁啱個個都有人約，得返我一個 lunch alone😪 既然係咁，我就行遠啲，散吓步先食嘢。本來諗住求其買個飯盒返公司慢慢食，路過見到 #美心MX 仲有位，突然轉軚走入去食埋先返工😅 ... 女人真係善變！#小秘書 仲諗住食 #焗豬扒飯 一定穩陣，點知就得個樣，飯唔夠熱、又未收乾水，唯一開心嘅係件豬扒又大又厚，不過一樣唔夠熱😪 餐具似乎唔太乾淨，好明顯見到有漬喺面... 搞到我食唔到1/3就放棄咗！好浪費呀！！

星期日只想懶洋洋度過，到了附近得MX食晚餐。天氣轉涼，來一客火鍋也是不錯，但今晚的胃口想食更多更多的肉，所以揀了牛扒餐$69的套餐，有西冷，薯菜，酥皮龍蝦湯，價錢相宜。份量一般，如果食量不大，應該也能感覺飽飽，西冷肉質尚算嫩口，薯菜能去掉了不停吃肉的油膩感。酥皮湯是即焗的，金黃香脆，湯的配料也不少，算是有質素的。整體來說，這套餐CP值高，當然不能和高級扒房比餚，如果對肉食非常有要求，可能便不適合光顧了。

昨晚八點幾去到見小人，自己又趕時間，急急入內吃過快餐，點了一客所謂‘巧手小菜’西蘭花炒肉片。本身對食物水準沒有什麼期望，只期待起碼食物起碼是熱的.誰知道坐下才兩分鐘食物已經有得拿，明顯不是即炒。算，好又一餐唔好又一餐，點知⋯⋯⋯一見到我呆了一呆。1. 西蘭花是黃的，像是隔夜餸⋯⋯⋯2. 碟餸不單唔熱，連暖也談不上，d汁是漿糊狀的一pat pat⋯⋯⋯我想沒有幾多間茶記會夠膽用咁既出品比客人食，美心做得出，佩服佩服。

上星期病了, 小胃的食慾還未完全康復, 所以仍要吃清淡d .... 如果這時候你請我吃龍肉, 真係"吃龍肉都無味啦“ ... 加油! 不要病, 要快快快康復！ 入到嚟, 見牆上的 menu 牌, 都有好多選擇, 不過胃口差, 好像好困難選擇呢!吃粥吧 ~ 皮蛋瘦肉粥, 只有一款, 如果能多元化些就更好了 例如增添艇仔呀,菜乾等 ... 粥就是沒什麽米香, 一般收費, 一般質素吧! 好多葱花, 花生米也很脆口, 證明夠新鮮！ 肉絲是手撕的, 不是切絲的, 這樣很好, 口感較好呢! 最怕那些胡亂切切切的肉豉油皇炒麵 ~ 豉油味不夠香, 麵的質地是好吃的, 如果能炒的乾身一點就好了!

裝修重開，格局 HIGH END 左，但睇勻全 MENU ，其實全部都加左價！...明嘅...不過貴左之餘，係咪都應該俾番少少誠意，至少，更新下餐牌，整D新款式都好啦。望住個餐牌真係冇咩想食，於是就揀了個 "最平" 的餐---吞拿魚碎蛋豬仔包餐，連餐飲 $27......(諷刺，已是全店最平的一款餐！)啡色的吞拿魚，得幾粒 (約 3 至 4 粒左右)，D碎蛋又唔多。餡料方面如此，咁個包呢？我本身唔太喜歡食豬包，因為又乾又硬，此包遇上此餡，真係......成個餐，像白烚食物，冇味的！份量又細件頭喎，杯奶茶又澀......呢次經驗我學到：唔抱有期望，就算失望都唔會太大！......