MX (萬事達廣場) (已結業)

大清早起來，決定出外曬太陽出身汗。行行走走，两小時了。腸胃強烈要求開餐。MX 既早餐，選擇多，質數有一定保證。煎蛋，多士，五香肉丁米粉，茶走。( $27)平過茶記，食材質數/衛生/服務唔輸俾你。你睇吓煎蛋，幾靚。

西鐵轉車出去，剛好肚仔餓，到了美孚就出閘揾吃的，近近地，就到MX。趕不上茶餐時間，來個早早晚飯，點了一個沙薑雞套餐，配一個老火燉湯---圓肉杞子木瓜雪耳燉雞湯。沙薑雞分量算可以，雞肉夠嫩滑，雞皮不算太肥，如果能夠好似無骨海南雞飯一樣，做到無骨沙薑雞，那就一流了。薑，我是害怕的，但我喜歡沙薑獨特的味道，所以，意猶未盡，向店員取一份沙薑拌飯，店員還很貼心的擔心我會太鹹。都是同區，都是快餐店，可以說食物不同，不能比較，但 店員 對客人的態度 及 食肆對自家產品 的 了解 及 把關 程度，單單這2項一對比，馬上高下立見。MX，我會成為回頭客人

好耐之前，晌同區嘅大快活食咗個熱狗餐（熱狗配紅豆冰），之後見美心都有，仲要平兩蚊添，所以，趁行完山過嚟幫襯吓，況且，呢間美心都好耐無幫襯過喇。以往茶市都有幾多客人，但疫情嚴峻，真喺少咗好多客，連帶外賣亦少。今次得一支公過嚟，多位到點坐都得，就專登揀個最入嘅死角位，少啲人行嚟行去嘛！以往啲下午茶餐都好多選擇，依家呢？就一眼睇晒得7款，賣$23-$43，咦！無咗之前嘅熱狗配紅豆冰餐，幸而有款「扒芝士鹹牛肉三文治配紅豆冰餐」，同樣啱晒我，相信呢款都喺熱狗餐嘅替代。扒芝士鹹牛肉三文治因為喺即點即做，相對等嘅時間都長，不過，出嚟嘅成品好滿意。一來三文治烘得底面都脆口，二來鹹牛肉嘅份量無欺場，而且，唔喺就咁加入罐頭鹹牛肉，仲搵啲洋粒炒過，搭埋半溶嘅芝士晌裡面，鹹香好食，喺好有誠意嘅出品。唔知喺咪依家客少，師傅都有多啲時間慢慢製作。紅豆冰雖然，對比起上次晌「大快活」嘅出品，今次晌「美心」嘅就無咁多紅豆，但啲紅豆都好清甜，夠晒腍，要求少冰，卻仍保持清涼感。其實，有時快餐店嘅出品都可以好唔錯，不過，就喺客人多，乜都想快，就影響質素，而今次就難得食到個滿意嘅下午茶。

午飯來不及煮，便叫外賣。我叫了個野菌雞扒焗飯，外表看很正常，份量足，也很熱。由於飢腸碌碌，便二話不說，馬上開動。一試，果然是快餐味道。食物味精味重，一吃就感覺不自然的咸味。炒飯軟硬適中，但炒蛋份量很少，白飯佔99％。雞肉咬下去也是軟硬適中，但份量較少，菇比較多。然而，價錢代表一切，這個價錢，不能要求太多，吃飽便算了。

繼上次的叉雞飯，美心繼續推出指定時間限時優惠，今期29蚊輪到焗豬扒飯，沒飲品附上。特價時段飯依舊大大盤，雖然好多人排隊order,但出貨量都高速豬扒也是大大塊，看看餐刀的尺寸比例就知道了。至於飯。。。好硬，好乾口🤦🤦🤦🤦。。。這次真比比唔落好評了。。飯完全過不了關。 番茄完整一個上，切好放在頂，也配有菠蘿青豆，比大家樂，大快活足料好多，但可能是為了顧及大量order,炒飯硬到猶如吃鐵粒。。。

星期天來吃午餐，發現菜單有新品 (可能不算新的，是我不常來，反正我是第一次見！) 戀戀台食系列！點了其中1款：叉燒皇併肉燥豆腐，配熱飲或例湯，46元/份#叉燒，不錯！美心的叉燒，水準向來是above average！#肉燥，不是肥肉，這點加分！#豆腐，太硬，不入味！這點扣分！#豆角，多吃蔬菜，對身體有益！#例湯，冬瓜湯，消暑佳品！再點了份無骨海南雞飯，也是配冬瓜湯，54元/份#海南雞，挺滑的，但有點肥！#油飯，好吃！喜歡！#胡麻醬椰菜絲，日本風味，不錯！本餐最差是上湯杞子浸時蔬，加11元配的，娃娃菜都未煮熟。。。２個餐加１碟菜，共計111元。

MX又有新promotion，係我最鐘意嘅龍蝦汁系列啊！🤩⁣⁣⁣⁣⁣⁣龍蝦汁藍青口彈彈扁意粉（$43）［評分：8/10］⁣⁣一嚟到見到碟意粉真係好驚喜，竟然有擺盤，真係好有誠意。🥰 個意粉一咬落去，就發現殊不簡單，竟然好有彈性，唔係淋到一咬就爛。👍 個加拿大藍青口超驚喜，入面勁多汁，超juicy，配埋個龍蝦汁真係好香。🤤 估唔到咁高質，真係好食到停唔到口。😊⁣⁣其他評分⁣⁣⁣⁣⁣⁣⁣⁣⁣⁣⁣靚靚度（8/10）⁣⁣⁣⁣⁣⁣⁣⁣⁣⁣⁣性價比（10/10）⁣⁣⁣⁣⁣⁣⁣⁣⁣⁣⁣回頭度：一定會

今晚屋企無飯開，唯有自己一個食快餐。之前一直食開大家樂既一哥焗豬，見到美心有焗雞飯，即管試一試焗雞飯身乾爽，雞肉好滑，雞皮好脆，茄汁唔好太多，恰到好處，比起大家樂一哥焗豬更加好食。冰鎮奶茶唔會越飲越淡，好味。

原煲咖喱雞飯 $45 配熱奶茶 +$6有天中午來了美心MX吃個午餐，試試他們的咖喱雞飯，價錢還算合理，賣相也相當不錯，用一個小鐵煲放滿配料，雞件有三大舊，而且是雞脾部位，肉質都尚算嫩滑，底部還有三件薯仔墊底，份量相當足料，我想光是吃這小煲咖哩不吃白飯也會飽了四成呢！咖喱味道也是不錯的，香濃惹味且不會太辣，要說可以改善的地方，就是其實三大舊雞件實在太多肉，會令人太飽膩，如加入少許蔬菜平衡一下相信會更好。熱奶茶倒是挺好飲的，奶和茶的比例可以，入口尚算順滑！

今日去朋友屋企完，完jor本身想嗌外賣，但又覺得不如係樓下求其食於是就食美心MX。基本上去連鎖快餐店，我係只會食肉醬意粉，因為最安全、最唔伏，再加上肉醬入味，無得輸。美心MX起碼有隻蛋，我好快食曬，因為夠味醬多好容易入口，再加上我好肚餓，所以好評！

今日放假都要放鬆下 食個早餐先啦 😋😋😋😋於是乎去到美孚 美心快餐食個廉價早餐 😅😅😅😅27蚊早餐 都好豐富 😍😍😍😍兩條腸仔 🥖🥖🥖🥖洽雞蛋一個 🥚🥚🥚健康麥包 🍞🍞🍞榨菜肉絲米粉 🍜🍜🍜再加多杯我至愛奶茶 🍵🍵🍵腸仔煎過好爽口 略油小小洽蛋好好好好味 洽得剛剛好 唔會爆開麥包搽上牛油 正 👍👍👍呢個麥包有小小烘過的榨菜肉絲米粉~榨菜略嫌小小咸但都可接受我至愛奶茶 呢間奶茶 都可接受到 但坐係呢度都還算舒服 可接受

已經有幾星期無去美心MX食早餐，今天早上再去MX,叫餐肉太陽蛋出前一丁麵，等了幾分鐘左右，總於到我取餐，一見到出來的食物同心想的一樣，而且是太陽蛋有少許脆邊，餐肉厚切兼有煎過，食了第一口出前一丁麵是爽口兼湯水剛剛好正食過某些茶餐廳，有時候餐牌所寫的厚切，但出來的品質是簿切，又或者是無煎過就放上麵就算數又或者叫咗太陽蛋，但好多時候出來的蛋是過熟,而且煮出來的麵質地是(淋)或者是硬到無煮過，又或者是淡淡的湯水。所以有時候食早餐都好撞彩會與到咩餐廳和食物的味道和品質。

以前喺美孚得一間美心快餐, 今年美心快餐裝修, 原本個舖位改咗做美心香港地, 另喺美孚開咗一間美心mx, 今次介紹呢間美心mx已經係畀美心香港地便宜.新裝修完嘅美心mx, 裝修較為企理, 但係都先付款後自取食物.今次叫咗個魔鬼雞扒飯($39), 叫咗黑椒汁另上, 加杯凍檸茶要加$9, 快餐嚟講都算好食, 仲有啲蔬菜伴碟, 蔬菜份量較其他品牌快餐店為多, 不過呢餐$48 就略嫌貴咗少少

上午去了上堂，下午就去了美孚的家探仍在養病中的母親。安頓好小朋友之後，我同父親就先到樓下的《MX》，食個中午飯先。爸手中有好多張報紙剪出來的 voucher，所以一人來一份 Sir 滑雞飯。 Sir 滑雞飯，是《MX》的 signature，仍然未 upgrade 的《美心MX》是沒有此餐點供應的。當時仍然算是新推出的 Sir 滑雞飯，我其實有少少充滿期待的去食。雞的質素的確是不錯，完全的祛骨的做法亦的確照足海南的的風味。雞皮，雞肉都好滑，有黑色的黑醬油也是令我覺得夠開心的，可以真心地說好。套餐包有一個湯同油飯。油飯算係咁，比白飯香口，湯是消暑的東瓜湯，但吃時並不是夏天啊.....雞不錯，飯不錯，這一個 Sir 滑雞飯，well done by 《MX》。

原鋪位間「美心MX」變成美心嘅茶記「香港地」，仲以為佢哋會索性執咗間美心，原本同步已搬去之前阿信屋個鋪位改頭換面繼續經營，自不然順便連店名都正名為「MX」，但點改都當佢哋美心快餐。對象都喺街坊客，雖然個鋪位躥埋一角，但大家都識走過嚟搵食。新裝修當然有一番新景象，勢要擺脫舊有快餐店嘅感覺，所以，食物款式都唔喺舊有嘅掛膠牌，全電子屏幕，醒目靚仔。更加設電子自助服務，不過，依區其實老人家佔多，目測所見用嘅人唔多，寧願排番大隊。環境就如以前一樣咁逼，始終都喺家快餐店，但裝修確喺見到花過心思，紙皮石地磚配柚木地板，白磚牆配深色木牆身，設置光猛射燈，光暗對比分明，型格醒神。此外，餐具及調味品都集中晌晒一個專櫃之內，自由取用，減省員工工作量。我選擇龍蝦濃湯螺絲粉系列（$28），有4款：可以配炒滑蛋、火眼+烚蛋、火眼+煎蛋、火眼+腸仔，配薯餅、跟餐飲，好夠食；老婆則選擇脆嫩魚柳系列（29.5），有2款：炒滑蛋、火眼，配粗麥多士、跟餐飲，可選豆漿，而粗麥多士可揀牛油 / 煉奶 / 花生醬 / 果醬，如果唔講，設定喺會俾牛油。K2. 龍蝦濃湯腸片螺絲粉、火眼·烚蛋 $28個龍蝦湯當然無出面高級西餐廳嗰啲龍