MX (碩門商場) (已結業)

今日經過美心，見到佢個兩送二人餐好吸引。叫左我鍾意食嘅蒸魚。蒸嘅時間掌握得好好，魚好鮮味，送飯一流。另外叫左酸酸甜甜嘅菠蘿骨，又係送飯一流。尼個套餐仲有兩盅湯，每盅都足料，最後有兩個啫喱，我就覺得麻麻地，都係香精。

係石門, 想食平平地的, 一定要到石門邨商場搵食. 美心MX也是其中一個不錯既選擇.今天同小朋友一齊來食, 叫了一個學生餐, 有豬扒, 德國腸, 午餐肉和蛋, 配少量雜菜, 還送一杯熱飲, 都係$34. 只要出示小朋友學生証就可以了！驚唔夠食, 可以落单時要求“ 加飯”, 是免費的, 就會多一小碗飯了.豬扒是個餐的重點, 都算大件, 頗厚的, 肉質不“鞋”, 對得住這個價了！今日去食重有口罩套送, 俾你入住個口罩, 比較實用. 整體來說, 不過不失了.

午飯一枝公搵嘢食，心大心細，最後決定食燒味飯就算，貪就腳行過MX就入去食，寫明大師級叉燒，應該唔會點伏啩，咁大個集團信得過，叫個叉油雞飯，唔使1分鐘就出到餐抵讚，攞埋枱開動，嘩，叉燒硬過我條命，瘦過條藤，我係咪應該叫肥叉呢?係我錯呢?油雞都係雞胸肉，當然我唔係靚女點會有雞脾吖，呢樣我認命，叉燒最後食剩三舊，真係啃唔到呀，點樣大師級外酥內軟呢?