Mue Mue

最近同朋友去咗尖沙咀的MueMue泰国餐厅一入到去 室内装修好grand, 户外好chill, 见天气唔太热就拣左坐户外!泰式小食拼盘个样真系好吸引 几样菜式，每一道都给我唔同嘅惊喜泰式虾多士外脆内嫩，虾肉鲜甜，配上特制酱汁，味道一流红砖豆腐炭烧得恰到好处，外脆内滑，搭配香菜同辣椒，令人胃口大开炭烧猪颈肉肉质鲜嫩，烧得啱啱好 酸辣无骨凤爪酸辣适中，十分开胃泰式椰子鸡汤，汤底浓郁，仲有d冬阴公味，非常特别，绝对系我饮过最好饮嘅椰子鸡汤！必点！酒香火焰骨 呢个好啱打卡，上菜时有火焰效果，食落味道都ok!主食方面，我试咗泰胡椒和牛炒糯米河，和牛煮得嫩滑，糯米河烟烟韧韧有咬口，不错!饮品方面，我点咗椰子雪糕红豆珍多冰，椰子雪糕好味，配埋珍多冰都好夹呀!最后甜品拣左 黑糖椰子雪糕 起初以为得旧雪糕，点知原来有桃胶衬托，绝对系诚意之作! 整体黎讲，呢到菜式比一般泰国餐厅特别，真系值得一试，唔单止味道好，环境都几舒服，非常适合同朋友聚餐！…查看更多

之前响出边路过见到呢度间酒吧已经觉得呢间餐厅好靓，今次入嚟入边食嘢发现入边嘅布置都劲多打卡位，仲要有private 房，可以以一家人包房食饭都可以呢度嘅Menu都几多选择，尤其因为佢系酒吧，所以嘢饮选择都特别多，同埋有唔同嘅小食，真系花多眼乱，如果有选择困难症嘅，可以拣佢有特别标志嘅招牌菜式，今次同朋友黎dinner,都拣多咗几款小食试吓泰式小食荟萃（2人份量）$188小食Platter可以拣2/4人份量，每样都可以拣4款小食，我地就拣左香茅鸡翼，泰式虾多士，红砖豆腐同埋香辣脆虾片，虾片记得意有啲泰式香料味，豆腐外脆内嫩，不过食嘅时候记得小心辣口炭烧沙嗲手工鸡串 $98见到佢限量供应咁巴闭，梗系要试吓啦，又真系几嫩滑，烧得几好食，基本上去泰国餐厅都必点嘅菜式泰式椰子鲜鸡汤 $268食泰国嘢当然唔少得饮返个汤先啦，超级甜嘅汤，见到原只鲜鸡件，又有超多椰子肉，好足料嘅汤酒香火焰骨 $228本身想试火山骨，不过原来需提前2天预订，下次想食嘅朋友仔记得要预订啦，不过都有另一个版本，都几大份，心谂如果真系拣咗釜山骨应该够一围枱人食，着晒火打卡一流，软腍腍嘅猪肉骨，偏辣，唔食得辣嘅朋友仔要注意一下泰胡椒和牛炒糯米河$228呢个好似一个升级泰版嘅干炒牛河，烟烟韧韧嘅河粉配搭和牛， 十分惹味黑糖椰子雪糕换返个椰壳就好似响泰国船上面食嘅椰子雪糕一样，食完呢餐都有啲想去泰国添下次可以试吓唔系dinner 黎呢到饮野应该都几好feel…查看更多

Chill chill泰式Fusion放题Brunch~~今个周末同闺蜜一齐去咗尖沙咀一间高级泰国Fusion西餐厅庆祝生日餐厅环境优雅，系米白色主题同绿植装饰点缀座位宽敞，坐得舒服任食放题泰国菜食物质素令人惊喜绝对推介俾想揾个靓地方叹Brunch 聚会嘅人放题前菜份量十足，选择多到眼花撩乱，我哋两个女仔食到好满足，仲觉得每道菜都好有心思，食材新鲜，摆盘又精致，质素完全对得住高级餐厅嘅定位.🧡前菜冬阴功汤、串烧沙爹、泰式生虾都系偏正宗泰国风味冬阴功汤酸辣浓郁，材料丰富泰式生虾够新鲜够冻鱼子酱红砖豆腐～ 小惊喜个炸粉好薄，入边豆腐好滑影完相先食都仲系好脆🧡主菜主菜拣咗烤鱼同埋炸虾球 两个都好特别未喺出边其他餐厅食过呢一个菜式泰式得来有fusion西餐嘅感觉心机菜色 值得一试🧡甜品 （大推！！）芒果糯米饭同椰子雪糕 两样都好出色芒果糯米饭甜而不腻，糯米软糯，芒果香甜椰子雪糕配白凉粉 轻盈又Creamy食完咁多嘢都食得晒清碟 因为真系好好味冬阴功汤、串烧沙爹、泰式生虾都系偏正宗泰国风味冬阴功汤酸辣浓郁，材料丰富泰式生虾够新鲜够冻同闺蜜一边食一边影相打卡，度过咗一个好Chill嘅下午，感觉好似去咗一场小旅行咁推介指数：9/10…查看更多

今次去咗Mue Mue试佢嘅周末早午餐🤭同朋友点零钟去到，见到个场将近全满，就估倒应该会几好味啦～成个餐好多嘢食，除咗定量嘅前菜、汤、主菜同甜品，最吸引就系泰式小食放题！就算每样菜细细份，加埋加埋已经好饱好满足😗喺度分享下几样觉得好深刻嘅item～酸辣无骨凤爪：拆晒骨嘅凤爪咬落爽脆，酸辣汁好开胃，加埋蒜蓉同辣椒碎好夹摩登海鲜冬阴功：呢个汤真心惊喜～本身有少少担心好辣，但系原来呢度嘅冬阴功系以香茅同柠檬叶味为重，海鲜以虾同蚬为主，仲有好多车厘茄，整体味道偏酸，好适合超热嘅夏天饮☀️炭烧猪颈肉沙津：话就话系「小食」但份量唔少，四大块烧得几香嘅猪颈肉配埋用姜蒜整嘅酱，同青木瓜沙津一齐食又香又清爽马拉盏炒椰菜：唔好以为炒菜好普通，个人觉得要炒得好味都唔简单㗎🫡 呢碟椰菜嘅熟度好适中，唔会太硬但又唔系冧到烂，马拉盏酱取代咗草青味之余亦冇掩过菜嘅清甜，份量仲几多，系几意外地深刻嘅一道呢麦皮金沙原只虾球：送上嚟见到满满嘅麦皮同咸蛋黄已经好期待🥹只虾几大几新鲜，炸粉好松好脆，闻落同食落都好浓咸蛋黄味，加埋麦皮碎令香口度更上一层楼，劲邪恶但好味！黑糖椰子雪糕：对于我呢个椰子控嚟讲，呢个甜品实在系啱晒🤤雪糕几滑好香椰子味，淋面嘅黑糖酱唔系好甜，仲有龙眼肉、桃Jelly同好多烤过嘅椰丝，俾咗呢餐饭一个好好嘅ending😚总括而言呢份早午餐菜色非常丰富，野食味道都好唔错；餐厅环境精致，布置有心思啱晒打卡，好适合周末约埋亲朋好友一齐吹下水jap好西🤤…查看更多

今晚黎左呢一间朋友介绍的泰菜，朋友话食过坐得舒服今晚而且食物味道有保证，所以今晚就黎试吓。一入到餐厅，就觉得佢嘅氛围好舒服，几适合打　卡，餐厅仲有室外同室内部分。泰式小食荟萃 $188 六样入面可以拣四样香茅鸡翼：外表酥脆，好香炸蒜味。泰式虾多士：大大块，啲虾胶好弹牙。红砖豆腐：炸到外脆内嫩，呢个大推。炭烧猪颈肉：有四块猪颈肉，肥瘦均匀，烧到好香。炭烧沙嗲鸡 $98有三串，佢个鸡肉系好嫩，鸡皮有啲焦香感，点埋个好香花生味的沙嗲酱食，更加令到鸡肉味道升华。泰式椰子鲜鸡汤 $268一上枱就闻到好香椰子味，份量估唔到咁大，都有几多椰子同鸡，饮入口好顺滑好舒服。酒香火焰骨 $228以为佢铺满晒辣椒碎会好辣，点知唔算辣，个猪肋骨好容易就整得开，咬入口好滑，加上个汁有啲酸辣，几开胃。泰胡椒和牛炒糯米河 $228牛肉有好多块，一啲都唔韧，炒得好有镬气，河粉系阔身的，入口好烟韧。黑糖椰子雪糕 $68面头的椰丝，加上冰冻的雪糕，仲有龙眼肉同桃胶等，口感层次好丰富。Painting $78上枱已经心心眼，色彩好缤纷，有好多不同生果同lemonade mix 埋，入口好refresh。芒果椰子沙冰 $68芒果味好浓郁，表面仲有啲芒果肉，夏天饮呢个真系好透心凉。呢到的食物份量真系好大份，而且做得一啲都唔马虎👍👍如果多啲朋友黎食可以试多啲唔同款的。…查看更多