影片
以上资料只供参考，请与餐厅确认详情
当日save呢间餐厅嘅时候，完全系因为见到有All day breakfast呢个tag，今日去开香港仔，就捉伪文青嚟试吓！佢问系乜野嚟㗎，我话哦系cafe嚟㗎！点知推门入去之后..... 似工厂大厦canteen多啲㖞？点睇都唔似有all day breakfast㖞..... 但好肚饿，好在伪文青唔系一个picky嘅人，否则，我小命难保！红酒牛肉饭 ($40)卖相不错，以空色为主，但旁边有粟米及翠玉瓜，颜色鲜艳，有屋企饭嘅感觉；伪文青明明叫咗少饭，但都可以咁多饭嘅？！个汁够浓稠，不过咸咗少少，捞饭食会好啲；牛肉偏瘦，可以再软稔啲！榄菜鸭胸炒饭 ($40)唔系太钟意食鸭胸，但其他choice都唔系好吸引，唯有食呢个啦。呢个炒饭几出色，榄菜及鸭胸都系咸嘅，所以都唔需要多加其他调味，否则就会过咸；饭虽然粒粒分明，但如果再干身啲会更好一直期望呢度会系cafe，虽然同现实有啲出入，不过以呢个价钱，质素都OK嘅！唯一问题就系好大油烟，食完个身会好臭啰！
继续阅读