MOS Burger (東廣場)

营业中

休息中

下午早咗放工見冇咩做經過MOS Burger就諗住入去食個包見到原來有下午茶選擇啱晒，我呢啲唔係太鍾意食薯條嘅人就咁一個包一個可樂只係$33 魚柳包嚟講，我都係覺得MOS Burger係最好食

MOS BURGER愈做愈差，本人覺得mos burger 杯咖啡味道是我top picks, 飲過快餐店（麥記，KFC,一粥麵，大快活）之中最好飲，但依家觀塘呢間mos burger水準愈來愈差，原本應該提供2粒奶仔，依家只提供1粒奶仔而且有時店員還會忘記將奶仔放在外賣袋，杯咖啡份量仲要愈來愈少，個紙杯已經吾大杯，仲要份量不足7成滿，就算落埋2粒奶仔都係不足7成，太扯啦嘛！買完外賣早餐急急腳行返公司，即刻飲杯咖啡，但杯咖啡溫度只係微暖，吾涷吾熱仲要只係微暖嘅咖啡係最令人失望，一早嘅好心情都破壞了。如果管理層見到呢個post請留意一下，希望改善。

🍔🥞🇯🇵Burger店玩埋班戟？！✅北海道牛油疏乎厘班戟-$38行過見到出咗新嘢，張相仲咁吸引，於是就去試吓。大約等咗10分鐘，終於見到真身，同張相嘅的確係差唔多，但係放喺面嘅牛油得好少同埋已經溶咗，整體牛油味唔夠香濃。雖然楓糖漿會另外上俾你自己倒落去，不過倒晒落去嘅話都會流晒去中間，之後好快索晒，變左得中間有味。其實比起pancake佢有啲似個海綿蛋糕，雖然軟熟，但吾會好滑，亦都吾流心，如果有太高嘅期望就會失望，但係平平哋都可以一試。✅海鮮珍珠堡 -$31平時食MOS Burger最鍾意就係食佢嘅飯堡，唔係間間漢堡包店都有，比較特別。呢度嘅飯堡皮煎香左，脆脆地又唔容易散開，珍珠米索咗入面嘅黑椒汁真係好好味😋而海鮮天婦羅炸過，而且好足料，有彈牙嘅小扇貝、爽口嘅紅蘿蔔絲、及洋蔥絲等配料，配埋秘製嘅醬汁真係好夾。

Mos burger 一向主打即叫即整～試過喺大部分分店度由落單到攞得包都需要大約5至10分鐘咁啱有日要喺附近上training，而且早咗少少到🤏所以就諗住買個包食完就走人～點知又落單度攞個餐只係需要2分鐘🫣唔知係咪觀塘太多工商廈呢？所以店員都已經早有準備？不過要呢個效率去取餐係開心嘅！🤣因為好符合香港人做咩都要快嘅心態💨💨💨💨個包拎上手的而且確係熱辣辣嘅而且麵包好軟熟，魚柳都炸到脆卜卜👍最欣賞都係可以加錢飲野菜生活100～食完燥熱嘢都覺得有一絲嘅健康😆有得揀會選擇MOS Burger多過另一間都係M字頭嘅快餐店 😋🍔因為個醬好食啲 同埋個魚柳都炸得好味啲

呢間連鎖漢堡包餐廳喺香港都有好多分店，平時出去食漢堡包拿埋拿埋都要一百幾蚊先落到樓。 但係mos burger 人均七八十蚊就可以有一set套餐，漢堡包，野飲，連埋小食。我最鍾意食嘅漢堡包一定黑醋雞肉漢堡包。呢個漢堡包最大嘅賣點就係向雞扒係即叫即炸，外皮酥脆，內裏非常鬆軟多汁。而佢黑醋汁配埋呢一塊雞扒係非常完美，酸酸地甜甜地好開胃。再食埋佢個粗切薯條就啱啱好。 亦可以加錢轉雞塊或者係一件摩斯雞扒，都係非常惹味嘅小食。

一家人👨‍👩‍👧‍👧返完教會原本想食一汁一菜，點知爆咗，陳皮妹話想食漢堡包🍔就去咗MOS Burger 🍔 ，都幾年冇食過唔知食乜，見到新出既八爪魚🐙堡就叫嚟試下，但我走醬走紅薑，餐配南瓜🎃薯餅同粟米🌽湯。姐姐🧍‍♀️叫雞包 🐔 ，陳皮妹叫熱狗🌭，媽媽👩🏻叫摩斯漢堡。四個餐剛好有四個印可換多一份餐。新出既八爪魚🐙堡唔錯👍🏻，幾搞笑🤪，陳皮二妹徒手攞咗粒八爪魚🐙食。粟米🌽湯好飲，有粒粒粟米🌽，陳皮二妹發現咗，係咁話「soup」「soup」所以餵咗一半俾佢飲，媽媽👩🏻挖咗d南瓜🎃薯餅既南瓜🎃俾姐姐🧍‍♀️餵陳皮二妹食。陳皮妹食熱狗🌭但走腸，爸媽分咗條腸食

第一次入去呢間嘢 ，見到嗰班男員工嘅態度 非常差 ，畀咗錢拎住個托盤諗住行入去返位食， 行到中途畀個男員工阻住我嘅去路， 我行到埋去佢面前都唔肯讓路 ，我心諗你咩事呢， 係咪想我出聲鬧 ，雖然啲嘢食係冇問題， 但係去到咁嘅環境，咁嘅員工態度 ，我覺得去其他分店一定會好過呢間， 再加上啲裝修爛融融， 同埋環境衛生極度惡劣 ，食完啲托盤又唔執 ，啲枱又唔抹 ，枱面係黐立立， 食一次唔會再有下一次。 全港衛生最差 同埋服務態度一流嘅觀塘分店。

一向較小去Mos burger, 因為分店唔多，冇特登去食。最近一班朋友提起一個問題，那一間餐廳的凍檸茶最好飲，好多人當然會答某某茶餐廳，但有人話Mos burger 的凍檸茶才是最好飲，因為真正有茶味，聽咗之後我就搵一日去試吓，我去了觀塘東廣場分店，選了以下食物：吉列蝦漢堡，選他他醬凍檸茶細薯條🥤凍檸茶茶色較深色，一入口就有那陣充滿錫蘭茶葉的茶味，我覺得甜度是適當的，但不能太多冰（我第二日去了另一間Mos burger 再飲凍檸茶，由於該杯凍檸茶太多冰，令茶味冲淡了），估唔到漢堡包店的凍檸茶咁出色，一向食漢堡包一定飲汽水，以後我去Mos burger 一定飲凍檸茶了。🍟薯條係粗身的，但好快淋咗，如果炸得再香口D更好。🍔炸蝦堡D醬係正常的，因為小醬會令飽及餡太乾身，只係我唔敢食太多醬，麵包好軟熟，炸蝦都ok, 保持水準。

雙層肉真.B.L.T 照燒牛肉漢堡超好食片肉夠juicy在mos burger從來未見過咁大的漢堡，雙層牛肉加Bacon and egg。口感豐富。套餐加埋薯條飲品勁飽，可惜薯條唔夠脆。觀塘店唔係好多人，好快拿到外賣。

🍔MOS Burger -「真．B.L.T. 照燒牛肉漢堡」淨包價$35B = Bacon（煙肉）🥓L = Lettuce（生菜）🥬T = Tomato（番茄）🍅日式快餐店, 個包以直立式紙盒裝, 包以開口紙包住, 一抽出來就食得!😊個包一打開盒見到已經好吸引! 🤩😍💋原因係實物與廣告照近似度十分高! 超贊!👍👍👍成個包加埋D料睇上去脹卜卜! 🤗見到都想咬! 😋呢個包有曬最好味既料於一身, 有煎蛋、煙肉、蕃茄、爽脆生菜! 生菜個樣好靚! 望落就已經覺得新鮮! 還加入芝士, 醬汁好好味個味有D似honey mustard 甘好好味! 我寫既時，其實已經食左幾次! 🤪食量大既朋友, 佢仲有⏫雙層肉餅俾你揀，滿腹感大大提升MAX ！🤰😋美味指數: 9/10💲性價比: 8.8/10🍔🍔🍔🍔🍔🍔🍔🍔🍔🍔🍔🍔🍔🍔🍔         

去到觀塘，約咗人行街，就輕輕鬆鬆去食餐飯。去到21:30. 無乜人啦。唔洗等位。我地去咗MOS BURGER食漢堡。嘗試下佢新出嘅 WAKU WAKU BURGER. 一個餐 $66.套餐仲會有 3種醬汁附送，濃厚和牛燴醬、惹味和牛咖喱醬、和牛甘味醬。其實3款醬我就食唔出有咩分別，因為佢上碟果陣唔算熱，所以味道分別實在唔太大，叫咗杯Coke Zero 無糖可樂。另外叫咗個餐，烤牛肉珍珠堡Yakiniku Rice Burger ，Coke Zero 連大薯條 $50都幾好食，即叫即整係mos burger嘅特色賣點

我屋企如果話食漢堡包🍔，一定只係食M記。好少話食有其他鋪頭。今日居然屋企人外賣咗個mos burger返嚟。睇個樣佢似乎係靚仔好多，起碼個包都挺身，冇話好似俾人壓扁咗。個包裝都好乾淨企理。打開佢，都見到層層分明，啲汁醬冇滿到瀉出嚟。見到啲菜同埋蕃茄都仲好新鮮。個樣都真係唔錯👍🏻我試咗個和牛漢堡包🍔。個份量好大呀，一啖咬唔晒，但係感覺到啲生菜索索聲，蕃茄好juice,反而個牛肉漢堡扒味道唔係好出。係最後先食到，牛肉嘅味道。佢嘅牛味唔太濃，有少少柴，但係30蚊左右食到，都算係唔差啦。下次都可以再試下其他。

店名: MOS Burger 地址:觀塘成業街7號東廣場地下1-6號舖觀塘站B2出口，行3分鐘環境: 3.5/5價錢:4/5味道: 4/5今次就介紹下連鎖餐廳入面比較少人食，但又好食嘅嘢食啦~吉列蝦漢堡(芥末蛋黃醬/他他醬)$28一講到mos burger，大家應該只會諗起啲beef burger🍔 但其實蝦漢堡一樣好出色，塊蝦堡啱啱炸好，仲係熱辣辣，咬落完全係外脆內軟入面唔止只係蝦滑，仲有好多隻原隻嘅蝦，所以好有口感今次揀左芥末醬，食落少少攻鼻，但好爽，同塊蝦堡好夾🙈#stitchfoodie觀塘#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

之前一直都係食開觀塘店，位置較多，環境係唔錯的。👍🏻食物質素一直都唔錯，burger一直都能夠保持水準，我好鍾意。但今日竟然食到凍既薯條，係連續2次係mos burger食到凍薯條😭對一次係黃大仙店。之前都係好耐先會食到一次凍薯條，今次係連續2次。😐2次都趕時間所以都費時叫佢換。希望無下次啦🥲都支持左mos burger 一段時間。今次味道只可以俾到2粒星。講返d好野，mos burger既蝦堡的確係必食之選！人均$60左右就食得飽又有質素，mos burger算係性價比高。只係希望食物水準一定要保持！

早上時段不太多人但等待取餐就等了很久…我外賣點了吞拿魚牛角包+熱奶茶 $31一打開盒，外觀不太吸引牛角包都變埋型材料真的量太多了吧生菜和蕃茄很生鮮淡淡都食到吞拿魚牛角包很脆很香牛油味奶茶是用twinings 茶包除了外觀外，整體來說味道都很好👍