MOS Burger (Citylink)

营业中

休息中

位於沙田的MOS Burger主打日式快餐，這次試的是芝士漢堡配沙律、南瓜薯餅及奶茶。芝士漢堡包身細小但層次分明，牛肉餅煎得香口，配上微溶芝士與蕃茄，味道清新不膩。沙律用上和風醬汁，酸甜適中，蔬菜爽脆。南瓜薯餅外脆內軟，南瓜味濃郁，是整餐的亮點之一。奶茶偏甜，茶味算濃，但配搭整體餐點尚算平衡。環境：店面整潔，氣氛輕鬆。價格：屬快餐中等價位，合理。食物質素：食材新鮮，味道穩定，薯餅表現突出。食物種類：選擇多樣，漢堡、飯堡、配菜及飲品均有。如果你喜歡日式快餐風味，這款組合是個不錯的輕便選擇。

點外賣嘅時候特別備注唔要芝士，送來嘅漢堡都係有超多芝士，如果做唔到就同我講聲嘛…而家一啖都食唔到唔知講咩好了，同客服講結果人哋叫我下次打電話同佢備注，就係因為唔鍾意打電話所以先係app上面備注，如果唔看備注咁要呢個功能做咩

今日去咗沙田MOS BURGER食咗個套餐🍔：叫咗個元氣漢堡單層漢堡包🍔，加個細薯條。個漢堡包真係幾好食，啲肉汁多，麵包又鬆軟，咬落去好滿足，真係冇得彈！不過個薯條🍟就真係有啲失望喇，唔夠熱，咬落去有啲硬，感覺好似擺咗一陣咁，冇咗薯條🍟應有嘅外脆內軟。如果薯條🍟可以熱辣辣咁上枱，成個餐就完美喇！希望下次去食嘅時候，薯條可以改善吓啦！整體嚟講，漢堡包🍔係值得再食，但薯條就真係要加把勁喇！😌

Mos Burger 算係連鎖漢堡品牌的較優質的，是次在沙田店單點新出品和牛漢堡，配3款調味醬，和風咖哩、黑胡椒醬及煙肉芝士醬。稱有150g 份量的無激素澳洲和牛，入口甘香牛肉多汁，並不油膩，口感不錯。另芝士像麥記常溶掉，剛剛好，另夾上相當脆口去天婦羅薯餅，個人覺得不加調味已可，珊瑚菜很鮮美。只是調味醬方面，胡椒醬感覺似照燒醬，咖哩有點咸，芝士醬芝味不足。其實60多元單包一個有點貴，但算用了心機， 個坦白講試過就算。味道性價衛生環境回頭交通

今次外賣叫咗個二人餐😋有兩個最經典嘅摩斯芝士漢堡 Mos Cheese Burger，味道一如既往的好食！最鍾意就係食佢個肉醬，芝士都同其他快餐店唔一樣👍🏼跟三個小食，小食要咗一個薯條，兩個雞塊。薯條有驚喜，外賣竟然仲脆卜卜！兩個雞塊就跟BBQ汁，不過個人口味都係鍾意點沙律醬食多啲。最後跟餐有兩個嘢飲，揀咗兩個粟米湯！我覺得Mos burger 個粟米湯味道唔錯，雖然每個湯要加$5，不過外賣到都仲係熱辣辣！

話說這一次嘅食體驗，真係一場味蕾嘅旅行。餐廳點嘅是一個雞扒漢堡加埋紅茶拎套餐，仲有迷你薯條，先講講雞扒漢堡啦，雞扒煎得外脆內嫩，啖啖肉感覺嚟，搭配上面嘅生菜同番茄，鮮嫩多汁，真係好夾。啲生菜香脆得嚟，又保持咗一份新鮮，咬落去有嗰種爽口感覺，唔會覺得好似有啲地方嘅漢堡一樣，處理得唔好，生菜都軟趴趴嘅。薯條方面，真係要讚下，炸得金黃色，表面微微嘅酥脆，入口即化。唔似某啲地方炸得油膩膩，或者炸到外硬內生，呢度嘅薯條剛剛好，恰到好處。飲品選咗一杯紅茶，可能你會話，紅茶咪就係紅茶咯，但係呢杯紅茶真係香醇得滯，飲落去感覺得到茶葉嘅味道，唔似啲水水地。總括來講，呢次嘅食物體驗，嗰份細節處理，令人感受到廚師嘅用心，每一口都令人難忘。對於追求快餐質量嘅朋友嚟講，呢度確實值得一試。下次想再黎試下其他嘅菜色，希望可以一樣咁驚喜！👍💯🌟

Mos burger 17周年，推出咗個優惠，可以用$15買吉列八爪魚包🤩🤩買咗一個吉列蝦堡，同吉列八爪魚。雖然嗰日我哋好夜先去，但係吉列八爪魚同吉列蝦係即刻炸，熱辣辣好好食。吉列八爪魚$15食呢個包比我嘅感覺好似食緊章魚燒，佢用嘅醬係燒汁，仲有加埋紅薑，比章魚燒仲好食，因為佢個皮係炸，好脆。鍾意食章魚燒嘅可以一試😜👍👍👍👍吉列蝦堡$29我哋叫咗芥末醬，蝦塊炸得好脆🍤🍤，同時唔油膩。

系大埔食過mos burger 漢堡，覺得幾正，今次就試吓沙田新城市個間，系門口見好多人食，所以好期待😎，見多人，於是買了外賣，系人氣之選「摩斯漢堡」。回家打開個包，5系驚喜，系幾倒胃，個包D醬漏到周圍都系😢，因個包有2款醬，大埔個間系將橙色醬分開裝，今回食落好多醬，感覺5到層次，成個包好濕，無想過同一公司竟會差甘遠，好失望！

我通常幫襯mos burger都嗌蝦堡，一係黑醋雞...唔知係咁趕收工，第一次食到個包係唔熱，再咬凍既？可能係d菜啦，咬多兩啖都件雞都係凍...乜唔係即整架咩，薯條都係，老麥都不如！忍唔住同waiter講，態度ok既，好爽快我同你整過個新...今次個包係熱既..但件炸雞都唔係完全熱，係有d熱有d唔熱明顯返炸，薯條都係！真係好失望，同埋沙田間舖真係舊都d枱櫈都好殘...對上一個月前食都唔係咁，唔知間野發生咩事...連杯檸茶都係唔新鮮好似擺左一排咁...

快餐選擇有好多，mos burger都開左唔小分店。呢間位於沙田連城廣場分店距離火車站只係需要2分鐘步程。新鮮麵包配搭豐富餡料值得一試。喜歡食快餐既香港人一定喜歡。佢有不同餡料選擇，鍾意食牛既唔可以錯過。但今次就揀左個人最鍾意食既蝦堡，因為快餐好少會有蝦堡食，一於試下係咩味道。再配一個細薯條同可樂，價錢$50，份量絕對足夠。蝦堡亦炸得岩岩好，配合少量沙律醬味道更昇華。因為呢度面積細，而且都幾多人等，所以食完只能夠匆匆離開，切合快餐精神。

工作到下午2-3點，突然一下好肚餓。提醒我原來未食飯架，即刻到附近買喜愛既Mos burger 食先。一直以來，我都好喜愛黑醋雞漢堡，濃濃的醋，加以沙律醬真係好好味架。加上套餐，有厚厚切的薯條，冰凍的可樂。近排仲可以用優惠價加購小食得。所以放心，一定夠食。我就最鍾意食佢個南瓜薯餅。有冇炸得香脆，裏面嘅薯餅軟林林好好味架。如果有會員卡，仲會有折架，金色卡有93折。一邊儲分一邊有折，其實好優惠架。最緊要我同兩個女都享受~

平時好少吃米漢堡，看到最近Mos Burger新推出了玄米 北海道產的米 做的米漢堡好好味！裏面的芝士醬也很好吃～和牛也很大一片裏面還有Bacon和蛋感覺很滿足～～～～

平時冇乜喺MOS Burger食早餐🤔今日難得早起決定落樓下食個早餐😆叫咗份早餐🤤早餐有我最鍾意食嘅魚柳🤩價錢唔貴而且份量亦都唔少🤤如果平時食厭咗其他早餐😂MOS Burger都可以係其中一個選擇😽

一直都很喜歡吃Mos burger，是我每週都會吃一次的一間餐廳！！最近遇上他家週年慶搞優惠活動，感覺真的很划算耶！吉列蝦堡和吉列魷魚包都在做半價活動！兩種都很好吃！

松露啡菇特選和牛漢堡：松露和芝士味濃郁、和牛多汁厚實、麵包軟硬適中搭配之下一口咬落去好有滿足感。南瓜餅：香脆，甜而不膩，南瓜味十足，吃完齒頰留香。漢堡包嘅質量比其他舖頭更好食，更特別，更多選擇。價錢合理。環境方面良好。員工服務態度良好。