MORE YOGURT

营业中

休息中

天氣熱辣辣🥵行到㷫烚烚最好就係嘆返杯冰涼又健康嘅飲料🥤，呢間位於大埔超級城一田超市嘅MORE YOGURT 位置超級方便，行過路過，梗係唔好錯過啦！😆 時下講求健康飲食，MORE YOGURT 堅持還原食材嘅自然味道，真材實料，主打superfood原創牛油果🥑乳酪奶昔，我梗係唔蝕底同朋友一齊試下啦😝 先嚟一杯popular drink No.1嘅巴旦木牛油果🥑乳酪奶昔。招牌必試，唔係吹水😅用上一個牛油果製作一杯飲料，真材實料啦呱🤣！乳酪奶昔質地綿滑，帶有微酸的味道，感覺好fresh！配上新鮮香濃嘅牛油果，兩者互相交織，味道恰到好處👍大大杯份量，極具飽肚感！ 再嚟一杯D24榴槤乳酪奶昔。嘩！乳酪奶昔鋪上滿滿嘅榴槤果肉，見到都令人賞心又悅目😁乳酪配上100%D24榴槤果肉泥嘅濃鬱香味，口感豐富，榴槤嘅霸氣跟乳酪嘅清爽配合得淋漓盡致，係唔係榴槤控都一定要試下，堅正！😋 店舖仲有其他款式飲料，高水準嘅yogurt奶昔👍下次再encore👍

今日我同朋友去到大埔超級城既More Yogurt, 見到雪櫃入面既牛油果覺得好吸引，於是一人買咗一杯乳酪奶昔。我既係藍莓牛油果乳酪奶昔，另加開心果碎，味道非常出色。藍莓嘅酸甜同牛油果嘅滑順完美結合，乳酪更添咗一層香醇，開心果碎嘅酥脆口感，令整杯飲品更添層次感。另外，巴旦木牛油果乳酪奶昔一樣好正！巴旦木嘅香氣同牛油果嘅滑順相得益彰，飲落去唔單止清新，仲有一種自然嘅甜味，完全冇負擔。無論係口感定健康價值，兩款奶昔都做到極致，讓人感受到食材新鮮嘅用心。整體而言，呢間飲品店真係值得一飲再飲！下次一定會再返來！

這杯巴旦木牛油果乳酪奶昔外觀清新，色澤淡雅，搭配的開心果碎讓整體看起來更加誘人。透明杯子中的層次感也讓人期待其口感。奶昔的質地滑順，牛油果的醇厚與乳酪的香滑完美結合，口感非常柔和。巴旦木的加入增添了細膩的堅果風味，使得整體飲品更加豐富。少甜的調整使得飲品的自然風味得以展現，牛油果的清香與巴旦木的堅果味相互交融，讓每一口都充滿層次感。開心果碎的加入，不僅增添了口感的脆感，還讓風味更加多元。當飲用時，牛油果的清香與堅果的香氣交織在一起，令人感受到自然新鮮的味道，十分誘人。

放假嚟大埔一田買嘢，行吓行吓見到一間新開嘅乳酪舖，好耐未飲過乳酪，因為唔係咁容易搵到一間好飲嘅乳酪，知道開咗一間乳酪店，所以真係好想試吓。同朋友買咗兩杯乳酪試吓，一杯係海紅山楂乳酪奶昔，另一杯係藍莓乳酪奶昔，乳酪奶昔朋友話少少酸酸甜甜，咁樣係好好飲同好開胃，而且乳酪面仲有少少山楂片，而我就飲藍莓乳酪奶昔，而我杯藍莓乳酪就叫咗少甜，藍莓味好重，當然都有原粒藍莓，我呢杯藍莓乳酪都係甜甜地好好飲。我哋都覺得飲乳酪奶昔係比較健康，而且開係大埔中心嘅一田入邊，地點非常之方便，下次可以再買嚟飲。

逢星期六是自己的Me Time，哩日是自由時間……就一於去買乳酪飲品獎賞自己。考完試有14天抖氣期，第一件去買好想飲的新鮮生果乳酪……今天就買左「芒果乳酪奶昔」、「原創牛油果乳酪奶昔」……味道很可口，乳酪濃厚，芒果，牛油果新鮮 。#飲食健康飲得、食得健康，軟綿綿的乳酪奶昔又好味道，而家係牛油瓜芒果時令生果，正合時令飲的健康飲品……份量十足，而且好大杯，耐極都仲未飲完，爽呀#芒果乳酪奶昔#原創牛油果乳酪奶昔

估唔到大埔而家都有分店喇👏🏻店鋪位於大埔超級城B區2樓一田百貨內，經開呢頭可以試吓😋 主打輕盈低負擔，天然好味又低罪惡感🙌🏻選自內蒙古草原牧場嘅優質乳酪，配搭切新鮮水果製作而成💯還原食材自然的味道👅🔸巴旦木牛油果乳酪奶昔招牌必點 一整個牛油果🥑非常足料奶昔香濃綿滑🤤每一啖都充滿濃郁嘅果香加咗巴旦木增加了香脆口感 更豐富更香口🔸藍莓牛油果乳酪奶昔新鮮嘅藍莓🫐酸酸甜甜好清爽香氣與乳酪嘅滑順口感完美結合再搭配上冰涼嘅奶昔 前者味道酸甜 後者奶香濃郁 整體口感順滑豐富超足料 勁飽肚‼️飲完之後飽腹感💯好飲又低卡 就算係減脂期都可以放心飲💚除咗乳酪奶昔系列 仲有乳酪脆dundun&乳酪杯全部好吸引😍下次再試其他

以碎冰配新鮮生果作底的乳酪奶昔 ，真係特別清涼可口，十分適合炎熱的天氣。這樣的搭配不僅增添了層次感，還能讓人感受到一種清新的享受。每一口都能感受到冰冰涼涼的觸感，咁啱是日天氣去到25,26度，飲完真係讓人瞬間消暑。這裡的生果乳酪奶昔用大大杯盛裝，讓人覺得非常抵食。這樣的份量不僅能讓你享受到滿足感，還能一次過品嚐自選的水果，我就揀咗芒果！從甜美的芒果到帶微酸嘅乳酪 ，有種獨特的風味。此外，因為可以選擇不添加糖，以我唔好食甜嘅人來講相當滿意，適合注重飲食的朋友們，無需擔心過多糖分帶來的負擔。而我太太就加糖嘅山楂乳酪奶昔，就食得津津有味！舖頭的位置也相當方便，無論是上班族午餐時段的快閃，還是朋友聚會後的甜點選擇，都能輕鬆到達。這樣的便利性成為一個隨時都能享用的健康選擇，而我就喺剛剛食完燒肉放題路過來refresh下嘅一員舖頭仲有其他清新飲品食物，好值得下次經過再試！總的來說，不僅好味道、好份量，還兼具健康與便利，是值得一試的美食。無論何時何地，都能讓人感受到清新的愉悅！

我最近少了喝手搖茶主要是因為覺得不健康如果偶爾來一杯，盡可能想點有營養的例如大埔超級城這家以乳酪為主題乳酪有對腸道有益的活性乳酸菌和新鮮水果製作出來的奶昔糖度可自選，挺合我意藍莓牛油果乳酪奶昔帶微微的藍莓果酸味還有看得到的藍莓果肉感覺就是帶乳酪酸的一杯對身體不做成負擔的好東西開心牛油果乳酪杯喜歡開心果的朋友必試這款有超級多開心果碎沒添加任何糖漿的假甜假色素就是實實在在的乳酪+牛油果+開心果我最愛的配搭雖然說價格是有點少貴沒錯喝一杯差不多一頓下午茶價錢了營養之物就是這樣不然只有自己買材料自己做起來吧

位於大埔超級城的 More Yogurt是一家主打健康乳酪飲品小店。餐廳設計簡約時尚，以清新綠色和白色為主調，營造出一種自然放鬆的氛圍。店內採用開放式吧台設計，讓顧客可以全程觀看乳酪飲品的製作過程👍🏻👍🏻店鋪環境清新簡約，飲品製作過程透明化，讓人感到安心。原創牛油果乳酪奶昔🥑這款奶昔的牛油果味道濃郁，乳酪的醇厚與牛油果的油潤融合得恰到好處，口感絲滑細膩。甜度剛好不膩，喝完後嘴裡還留有淡淡的奶香，非常健康又飽腹的一款飲品。😋😋記得拎埋小匙羹食埋粒粒牛油果🥑D24榴槤乳酪奶昔🥤如果你是榴槤愛好者，這款奶昔絕對不能錯過！榴槤味濃郁奔放，面頭仲有新鮮榴槤果蓉，完全係真材實料但乳酪的清爽緩和了榴槤的濃烈，達到一個完美平衡。飲品口感濃稠，香氣層次豐富，讓人忍不住一口接一口。😆

唔知有冇人同小熊貓一樣都好鍾意食牛油果呢？😆牛油果其實係一種好有健康嘅脂肪，所以食多多都唔怕～ 朋友知道小熊貓鍾意食牛油果，所以介紹咗呢間More Yohurt 😍佢嘅人氣必飲就係原創牛油果乳酪奶昔$46唔好講笑，呢杯嘢好足料～ 佢超大杯，飲落淡淡都有牛油果蓉，我揀咗少甜，佢嗰種牛油果味好出，口感濃厚，又似食緊牛油果又好似飲緊乳酪咁🤣 呢杯嘢完全對得住個價錢，飲完飽到飯都唔使食如果想口感再豐富啲，可以追加料添呀😍

話說今日同班朋友去大埔夾公仔，中間口渴。朋友話呢間好好飲，所以就試一試。好在一早係美食平台落定單，如果唔係排等，試用一去拎餐嘅時候發現有好多人門口等緊。我最後叫咗杯牛油果乳酪奶昔。感覺比平時飲嘅珍奶健康，好濃又唔太甜，正。

-MORE YOGURT-📍大埔.平時好少飲手搖飲品，因為實在太多糖分太肥仔。不過自從試過More Yogurt之後，終於覺得手搖飲品唔再只係肥仔廢水。.巴旦木牛油果乳酪奶昔 ($54)一定要試嘅牛油果乳酪奶昔，以原粒牛油果打成的乳酪奶昔，飲落淡淡濃郁的牛油果香味，口感濃厚順滑。表面仲有滿滿的牛油果肉，牛油果迷真係不能錯過。.加埋巴旦木碎，帶點杏仁的堅果香，味道更為豐富。.Oreo奧利奧乳酪奶昔 ($36)同一般坊間見到的Oreo奶昔完全唔一樣，顏色濃郁到似係朱古力奶昔一般。用咗大量Oreo餅打成嘅乳酪奶昔，飲落超濃厚Oreo味，選擇正常糖都唔會好甜。.

🚩MORE YOGURT 〰️〰️〰️〰️〰️〰️〰️〰️〰️〰️〰️〰️〰️估唔到而家大埔都有分店啦‼️用原粒牛油果打造嘅乳酪奶昔｜絕對真材實料今次試咗以下兩款✨原創牛油果乳酪奶昔 $46✨芒果乳酪奶昔 $46全部都見住佢哋即叫即打｜唔會預先打定每杯都知道佢哋用咗啲咩材料😎飲品面頭都仲有好多果肉｜份量好多牛油果嗰款可以飲到牛油嘅甘香｜奶香奶香嘅感覺芒果嗰杯用嘅芒果都係熟透｜完全唔會酸而且仲可以揀甜度｜揀咗微甜啱啱好女仔真係可以當一餐飯咁食超級飽超滿足🤭

✨More Yogurt（大埔）呢間乳酪店係香港都開左幾間分店 發現大埔竟然都開左More Yogurt～佢哋甄選內蒙古草原牧場乳酪 堅持還原食材自然嘅味道 之前飲過佢哋嘅牛油果乳酪 今次見到有薄荷朱古力 作為薄荷朱古力迷緊係買杯試吓～等緊野飲個陣見到佢哋仲有乳酪燉燉買 不過果日食飽左就無試埋😆✨薄荷朱古力乳酪顏色好吸晴🤩呢杯諗住會好甜但溝埋乳酪又唔覺 飲落似薄荷朱古力雪糕溝咗乳酪 唔會過甜 仲有好多朱古力碎～✨海紅山楂乳酪面頭好多山楂 飲到底都有 好濃郁嘅山楂味 同埋有啲咬口 就算無得叫小甜飲落都唔會太甜 味道清新 酸酸甜甜好正～

之前聽講過呢個牌子係用原粒牛油果打成奶昔，初開張係旺角有試過原味牛油果奶昔，奶昔係滿滿既牛油果🥑個人身為牛油果控表示喜歡。原來不知不覺間大埔一田都新開咗，忠於牛油果既我決定巴旦木牛油果一戰，都係之前飲過好味既牛油果奶昔，不過呢個基礎上多加巴旦木既果仁香同咬口，個人更加偏心呢杯。多帶咗杯芒果酸奶奶昔俾家人，家人表示味道好自然唔係芒果糖水既味，又有乳酪本身既酸度，飲完一杯都幾飽肚，作為輕食light下都幾好。終於唔使北上都可以飲到🙂‍↔️