影片
以上资料只供参考，请与餐厅确认详情
食家推介
今天由于工作迟咗，所以好晏先有时间食lunch，急急脚去揾食之际路过此餐厅，心谂虽然平时我唔食茶餐厅，不过今日咁肚饿，不妨一试啦，起码唔使行，唔使再揾⋯结果系出乎意料之外嘅惊喜。叫咗个泰式牛肉炒河，个厨师系即刻煮嘅，所以都等左几分钟，但系睇住上菜果刻，佢热辣辣香气扑鼻心情，即刻非常之好。话明系泰式当然有少少辣 㗎啦，辣得来系惹味咪得啰。啲河粉炒得干身，比较阔同埋薄，几有特色。成成个牛肉河又香又辣，系难得的有水准，而且好少可茶餐厅会咁有镬气，所以真系非常之惊喜。
继续阅读
喺观塘𠮶头工厦𠮶边做完野，夜晚8点几9点...好多餐厅铺头都已经闩咗。途经过哩间餐厅见佢几骨致，又未食晚饭嘅情况下就拣咗佢啦！餐厅装修外观几好嘅...文青Feel！嗌咗个猪手饭同烧鸡排炒河粉猪手饭都ok.. 合乎预期想像！但系个餐汤就真系唔得啦...唔知系咪我去食𠮶时已经太夜，啲汤热咗成日...好结啊...好似食粥咁，唔太理想！炒河...几好嘅...见佢地虽然临收工...但都有心机炒嘅，起码有即炒嘅镬气先。但系炒河入面嘅金不换太多...虽然好香，但响食𠮶阵口感有啲怪..所以要拣哂出嚟...有啲麻烦餐野加钱转咗杯椰汁冰...很普通...唔值得加钱饮，饮正常奶茶 / 柠茶 好过...终结...野食正常...不过不失，装修几好，坐得舒服嘅，服务态度都唔错...无因为赶住收工而唔做我地生意，亦都无系咁催我地要食快啲。
继续阅读
在官塘工作，完事后，午餐又变成下午茶，官塘一带，近年多了很多食店，要试真系有排试又系𠮶句，行到边食到边，是弹食下午三点，还有午餐和下午茶选择以我一向悭得精，不如用得醒嘅性格，决定试下午茶下午茶由$38 至 $55 不等，还有很多追加食品供选择⋯⋯例如加: $10 一串沙嗲串烧鸡、$10 泰式素春卷、$20 迷你香芒糯米饭、$12 椰青糕最后我选了加沙嗲串烧鸡 :沙嗲味唔错，但鸡肉腌得太够，一次便算由于看Openrice 说这店驰名东南亚美食于是选择了:喇沙墨鱼丸米缐，一上枱，原来唔系汤米缐，有点意外菜色用西式碟上，两粒墨鱼丸，每粒切开一半，一些生菜、甘荀丝再加上一堆咸酸菜作伴碟，卖相花心思，第一啖试那喇沙味道，唔错，可是配撘出了问题⋯⋯生菜、甘荀丝还好，但那咸酸菜真系咸到呢，捞埋喇沙，真是相当之咸⋯⋯再加上米缐应该煮咗好耐，总之食落去，越食越⋯⋯杰挞挞，一饼嘢咁如果餐牌上写著喇沙墨鱼丸”捞” 米线，我会有心理准备啰加$12 班兰椰汁梳打( 少甜), 有班兰的香叶味道，阵阵清香，唔错餐厅内装修简约，下午茶时段，舒服宁静，相信今次只我是选择错误，看见隔离食客那碟意粉卖相都唔错，所以应该是我配对错误而已
继续阅读
晏就12点40分左右黎到，迟多少少都要等位，其实晏就都几多人，可能又少位，我谂如果1点左右黎等位应该起码等10分钟。座位有啲迫。今日食海南鸡捞粗面，觉得都几特别，因为多数都系食海南鸡饭。去左骨既海南鸡，鸡好嫩滑，味道唔错，但价钱都几贵(对我黎讲)，80蚊一个午餐。冻柠檬茶, 唔好饮。好淡味。😰有得碌卡，但要过200蚊先可以碌卡。下午茶叫外卖要自取。如果可以提供速递服务就好喇。下面2张相系同事叫既餐😬
继续阅读
由于要煲剧, 买外卖就少不免不过同事今日想食个间餐厅只有外卖自取😨对我来说, 实在是晴天霹雳😫因为少咗时间煲剧😂算啦, 难得LUNCH可以走动下, 少咗时间煲剧都陪同事一齐去攞外卖😎去到餐厅门口, 发现有好多人排队等堂食, 好庆幸自己系攞外卖, 如果唔系都唔知要等到几时🤔 但攞外卖都要等5分钟, 厨房应该都打紧仗😅终于攞到外卖喇! 好彩天气唔算热, 又无落雨, 好快就开餐煲剧喇😎😎😎肉碎扎肉贡丸河午餐 (有小食泰式酸辣凤爪送) 再加钱要冻饮 – 冻奶茶😋😋打开小食, 好大阵酸辣味, 凤爪都算入味而味道都唔错! 送小食嚟讲, 有3只都已经算多😎 主食系肉碎扎肉贡丸河汤同河粉分开放, 唔会令河粉发涨👍扎肉及贡丸各有三件, 但贡丸好似比平时细粒, 但结实; 而三片扎肉都好厚, 好有口感😍汤底偏清淡, 如果有青柠辣椒, 会令个汤底更丰富😄冻奶茶茶味唔够浓, 我比较喜欢多少少茶味奶茶😅😅😅成个午餐都系$53, 其实都算抵整体味道都算OK👌
继续阅读