影片
食家推介
中式饺子食得多，尼泊尔饺子真系比较少食。呢个小店位于天水围新北江商场，主要都系做外卖为主，主面都系放到1-2张枱。🥟蒸鸡肉饺子(10只) $45★★★★☆鸡肉饺会包做圆形好似小笼包，外皮同一般饺子皮唔同系半透明，食落烟烟韧韧好特别，有啲似中式粉裹皮咁，最有惊喜系个鸡肉馅，已经系鸡肉泥质感，完全唔鞋仲好JUICY爆汁。而佢个辣汁都好正，食落个味道有层次，食得出有几款调味料，但唔会太劲顶唔住。🥟香煎猪肉饺子 $50★★★★☆猪肉饺子系半月型，同我地平时食开饺子差唔多，系食开亦系熟悉同认知嘅味道，冇鸡肉蒸饺咁惊喜。饺子即煎脆口，但可能炸嘅会更香口。🌟总括：鸡肉蒸饺有惊喜，呢间绝对会再ENCORE！下次再试埋佢其他野食。
继续阅读
行过尼泊尔饺子店𠮶阵，胃口直接被吸引过嚟。冇错，我就系嚟试下呢啲讲到好味得滞嘅饺子。招牌蒸猪肉饺子咬落去肉汁四溢，㗎啫㗎啫嘅肉酱同欢快弹牙嘅饺皮完美融合，一啖饺子，满嘴生津。望落简单嘅猪肉填馅，但味道层次丰富，嗌正！再嚟试下佢哋嘅汤上鸡肉饺子。呢个就真系有惊喜咗，畀 full 分都唔怕夸！汤底鲜美，啖啖肉感嘅鸡肉饺子喺肚里头暖笠笠，啖啖满足。重点嚟讲，呢啲饺子食落去有种唔同嘅新鲜感。系咁样有层次有惊喜嘅味道，加上得意嘅辣酱，一试难忘！呢度嘅食物，真系可圈可点，令人一次又一次嚟探秘。下次我一定会再约埋三五知己，再嚟试吓！总之呢度嘅嘢食，真系值得一试！👍👅💥
继续阅读
I'd like to thank the chefs and the owners of this place for opening this shop. I'm very impressed by the quality and taste of the momos. If you're a fan of Pana Puri I'd also recommend you to try it here. I've tried most of their offers now and my personal favorite are the pan friend momos. Though it's just because I like the texture. The other options are just as tasty.If I had to give one negative, and it is hard to find, the sauce for the momos could be a bit spicier. However, I think the level of heat in the sauce right now appeals to everyone. Not something they should change but rather to set your expectations when reading this review.
继续阅读
早前都同朋友试过呢间位置新北江商场既momo，momo无解错就应该系饺子既意思，之前就试话煎同煎既2种，俾我感觉就叫做还好啦，其实同一般饺子差不多，系有猪肉馅同鸡肉馅，格左咁耐今日老友话想挑战下d当地地道特色咁话㖞，所以今日又再黎食个午餐啦。小店其实主力系做外卖，堂食基本上只有1小张枱，再多d人就要坐出面，但始终系商场范围相对会无咁舒服同埋会比较热，所以一般都系外卖多。咖哩鸡烤麦饼套餐先讲讲咖哩就比较水汪汪果种，有d鸡肉同薯仔粒，咖哩味少少唔太重，都唔会好辣，烤麦饼就比较薄身，同埋不算好热，可以撕开再包住d咖哩鸡薯仔黎食，比较似上网睇人介绍印度小食果种，感觉几正宗，但我个人比较钟意浓d既咖哩同埋厚少少既Naan，所以觉得一般d，另外套餐跟饮品只有罐装汽水选择。烤鸡柠檬饭呢个饭列左做配菜类所以无餐跟的，比较奇怪，饭系用印度米，食之前加少少柠檬汁，又几夹，烤鸡烤得几香口，唔会好干，面头加左d绿色既酱，唔系太食得出系咩酱，但都ok，呢个饭比较容易接受。panipuri今日既重头戏黎啦，其实老友今日黎就系想挑战佢，呢样系印度好常见既街头小食，睇过好多youtuber都挑战过，钟意既话佢好食，唔钟意既接受唔到，今日就到我地黎试，先介绍下系咩黎先，其实系一个炸空心球入面加d薯仔同洋葱，再加d绿色既薄荷水，其实如果就咁食个饼就好容易接受既，仲几好食tim，但加左d薄荷水就即刻升左做高难度，闻落臭臭地，食落起初有阵怪味，跟著会有一阵辣味，非常复杂，又要讲返句干净又卫生呀，有兴趣既朋友不妨挑战下。整体黎讲食过2次既感觉叫做还可以啦，唔算话好好都不算差，系天水围黎讲叫做比较少有既正宗中东菜，算系一种特色，堂食环境就一定唔会坐得舒服，外卖会比较好，价钱方面我就觉得算比较进取，拍得住装修有堂食既中东餐厅，偶尔食下都ok既。
继续阅读
关于新北江嘅尼泊尔饺子店，位置都真系比较难揾😂要好熟悉新北江先会去到呢个迂回曲折嘅地方，第一次去嘅时候真系觉得好似迷宫，想食呢间再行返转头就好似揾唔到🙈🙈🙈尼泊尔煎猪肉饺子 🥟🥟外皮够晒脆 猪肉馅都好足料 啖啖都系肉 加埋佢尼泊尔特制酱 （辣辣地既味道，真系愈食愈过隐）完全与港式中式饺子 有区别之分 但煎既饺子，油份始终会比较多，下次再食真系可以试下蒸既饺子～ 店舖内两位外藉店员 😄相当亲切 有礼貌 笑容都令人有放松既感觉 价钱亦经济实惠
继续阅读