影片
营业时间
今日营业
08:30 - 17:30
星期一
08:30 - 17:30
星期二
全日休息
星期三至日
08:30 - 17:30
公众假期
08:30 - 17:30
以上资料只供参考，请与餐厅确认详情
今日19/10(六)上午去左元朗食早餐，我当brunch食。唔难揾，近中华基督教会基元堂，但cafe外观唔太显眼:餐牌:叫左B2餐:蘑菇青椒碎炒蛋,烟辣肉肠,巴辣士黑椒肠,配全麦多士有2条肠，唔太辣，麦多士巳涂左花生酱，包饮品，叫左热可立克，沙律菜新鲜，最特别系有2件橙职员服务欣勤，有礼，早餐用餐时间限45分钟，都足够。内有2张四座位，有3张bar 枱，户外亦有2-4人座位。有室内望向外:早餐款式多，而且价钱大众化，值得一试。但要留意间cafe只收现金或支付宝的。
继续阅读
鸡地有好多唔同类型小店 总有一间啱你心意 咁啱路过想食All day breakfast 就走咗入去 唔洗等位 - 牛油蒜子虎虾意大利粉呢个炒得好惹味 好香 原本一心想食All day breakfast 试咗一啖之后决定同朋友交换嚟食😂就知道有几吸引🫢虎虾有两只 啲虾肉唔会霉 都算弹牙 但份量唔算多🤔男士食可能会唔够饱- All day breakfast入面有cold cut火腿 班尼迪蛋 炸薯角配奶酱多士 沙律 同有三款肠 法兰克福肠 烟辣肉肠 阿历士黑椒肠 (跟menu打😂) 三款肠都好味道 其他食材就正正常常 不过都系略嫌份量少咗啲啲
继续阅读
之前食过几次，都只系觉得服务态度冷淡，但无影响我想食all day breakfast ge心。今日带2个朋友一齐黎食，连杯咖啡都未饮晒，嬲到起身走左。同场只有另一位男士(相信是熟客，见到佢哋有打招呼)呢间餐厅室内空间好细，去过既都会清楚，佢一个人食早餐当然唔会讲嘢，但朋友之间食早餐倾偈有讲有笑系好正常吧，但该名熟客似乎系接受唔到欢笑声，话我哋太大声，我们继而被佢骂，我们第一下反应都系表示歉意同佢讲唔好意思，但佢继续骂，而餐厅职员亦当视而不见。（相信正常顾客系唔会咁闹人，正常ge餐厅亦唔会系咁处理)我地唔系搅事ge人，为咗唔同佢起冲突，所以起身离开。野食唔系特别好食，咖啡唔系特别好饮，但总括咁多次，服务确实系特别差！！以后都唔会再帮衬！！亦都唔会建议朋友食！！第一次写评价，比差评你地绝对系实至名归。
继续阅读
唔俾水，唔俾纸巾，只收现金，食物怀疑唔干净。之前话系因为环保唔俾水客人。如果系为环保咁唔主动比已经足够啦，但系客人问佢拎水都系唔肯比，本人就系试过唔舒服想拎杯水食药都唔俾。而家就要收两蚊买支水，咁即系唔系为环保啦，浪费一个胶樽㖞。见到我买完水口黑面黑，跟住解释话𠮶两蚊要来助养儿童， sorry我都有助养儿童，你钟意助养儿童，咪自己出钱助养儿童啰。你批发入啲水返嚟都要钱啦，你𠮶两蚊助养得啲乜？。唔收任何电子支付，仲试过喺客人背后埋怨点解而家啲人唔带现金出街。今时今日， 印个二维码已经可以收FPS， PayMe，支付宝，揾部旧电话已经可以收八达通啦，都唔肯做。算数，可能你认为万恶嘅电子支付会泄漏个人私隐，要捍卫现金交易系你自己嘅事，但系唔好俾人听到你背后话啲客啦。你自己唔肯改变，就唔好埋怨点解呢个世界唔跟随你哋唔肯改变。食物质素一般，因为都系一啲简单烹调菜式，但重点系试过几次食完肚痛，怀疑系啲生菜沙律唔干净。名为Cafe但系咖啡难饮，虽然有即磨咖啡机但系因为唔识拣咖啡豆，只系普通茶餐厅斋啡味道。其实呢啲都可以接受，咁嘅价钱唔expect好高质素，亦都知道唔系做精品咖啡，只不过咁样其实令我觉得店主冇乜思考过改善食物。叫热柠水冇柠檬，又话系用咗「手工柠檬汁」，咁就搞到杯野太酸饮唔落，问佢拎杯水谂住沟淡少少饮，于是就收左我两蚊。讲真会重复食纯粹系因为全区只有呢间做全日早餐，过咗12点又想食早餐，唯有食佢哋，但系每次都冒着食完会肚痛嘅风险，唯一好处系价钱平。餐厅设有室外用餐区，方便宠物主人，但系其实每次食嘢都好多乌蝇，再次反映卫生风险。总括嚟讲呢间餐厅食物质素一般，对客人诸多不便，而且全部都有藉口解释。正面嚟睇系有原则，但系我个人感觉只不过系一班唔肯企喺客人角度思考嘅脑细，硬将自己价值观塞俾客人，食物质素亦从来没有改善。谨余嘅好处系价钱平，可以带宠物用餐，同埋系全区12点后仍然有早餐食嘅餐厅，但系再讲多次，唔止一次食完个肚唔舒服。小店系值得支持，但系身体要紧，唔会再支持呢间了。
继续阅读
元朗性价比高alldaybreakfast 依间舖面积细细，装修充满田园风坐室外会较为开扬。个alldaybreakfast 有法兰克福肠 、辣肉肠同黑椒肠 ，3款特色肠，另外仲有一款coldcut 火腿 。流心 既班尼迪克蛋 连埋下面块多士 一齐食已经好正。炸薯角 旁边仲有我好钟意食既#奶酱多 呀！最后食埋沙律 同橙 ，真系饱晒。出面食个alldaybreakfast 点都要过百蚊，反而依度只卖$85，真系好抵食 。
继续阅读