影片
以上资料只供参考，请与餐厅确认详情
相关文章
圣诞节当晚，我地就一齐去左尖沙咀韩国街揾野食啦，去到个阵间间都己经大排长龙，唯独呢间唔驶排队就有得食，所以就试一试佢入到去，环境都觉得好光猛，而且一路不停播紧Running Man，俾人第一个感觉都相当唔错。我地分别叫左个炸酱面同埋个牛肉锅首先，黎左啲前菜先，不过我地有两个人，居然只系俾左一碟前菜，仲要每样既份量都少得可可怜，俾左都冇俾真系无分别 个泡菜系冷晒，微暖都冇 ，不过个薯仔就几入味，甜甜的 几OK个炸酱面份量都足既，唯独系个炸酱真系太甜，甜到爱丽丝食左几啖，就漏到饱晒 另外，食落去都唔觉得个炸酱系好多料系入面，大部分时间都系食紧啲面 小新就要左个牛肉锅啦，热辣辣上枱个阵，啲汤都系超香,沾上啲饭食，啲饭有啲牛香仲正，不过碗饭少到呢，食两啖就冇晒，明屈人叫多碗。啲牛肉同料水平都唔差，不过如果汤唔热既时侯，就会好甜，唔沾饭一齐食，系唔会直接饮得落口总括而言，味道其实唔差，不过性价比就偏低，唔一定要去试!!
继续阅读
特登打车嚟，听讲以前好好食，而且性价比高。好普通嘅装修，有d似快餐店。一打开菜单，要点嘅肉几种都话全部卖晒了，落单个阿姨一直推销你食最贵的那几款肉，反正就那几种肉有了。鱼蛋年糕同炒粉丝都好细份，讲唔上难食，但绝对没有色香味，卖相差到我呢种“手机先食”嘅人都完全无影相嘅欲望。而且仲要成七八十一份。第一次食野食到咁郁闷。
继续阅读
约左贫友星期六晚食晚饭见哩间泡菜餐馆o系同区排名都算高就来试下book左20:00店内竟然未坐满一黎先上3小碟无限量refill, 但冇影到辣炒年糕有鱼片, 年糕, 杂菜, 葱虽然年糕都有咬口但唔太辣, 有d失望 大酱汤内有豆腐, 冬菇, 洋葱豆腐都算滑, 汤头味道唔错芝士蛋卷一般, 即使我地已经第一时间食, 都唔系热的不过就几多芝士半半炸鸡有原味同甜辣完全唔值原味仲冇啃他鸡咁脆, 又冇乜味甜辣叫做好d, 不过酱汁太少, 同埋冇乜辣炸鸡真系要辣先好食凉拌冷面几好食, 面质烟韧同酸酸地咁好开胃泡菜煎饼哩个都几好食酸酸辣辣咁总结, 野食其实算普通价钱算中等不过胜在黄金时段人都唔多可以同贫友慢慢食慢慢倾
继续阅读
偶尔⋯纯粹偶尔⋯可惜可一不可再⋯店内环境细，装修相当简单，布置有啲快餐店感。店员没有贴心服务，餐牌略嫌有啲粘手，餐具摆台面任客人使用，但感不太卫生⋯假期Lunch时段只有客人三四对，餐牌选择款式不算多，但重点不在这，炸鸡先系我地目标！落单叫左原味同香葱味脆鸡，仲要左一支米酒，店员递上韩式米酒专用嘅铜兜，增加左唔少韩国风味。未上主角炸鸡前，先嚟一口米酒！嗯⋯相当难饮！Sorry,呢支米酒真系好难饮，好臭米味。同朋友勉强饮咗三份一支⋯摆埋一边算啦。勉强去饮𠮶三份一系因为呢支酒都唔系卖得平。炸鸡一上台，同朋友你眼望我眼⋯已经心中不妙⋯同餐牌差好远嘅？伏已中？原味同葱味一碟上，分左右分开摆放，但卖相好差！一啲令人想食嘅意欲都冇！炸鸡吗？似老妈子自家制煎鸡多㖞！好差呀，个卖相！呢啲都叫韩式炸鸡？不禁令人冷笑⋯外表唔吸引唔系最大问题，要食过先知⋯原味鸡真系好原味，原到冇咗鸡嘅味！好犀利！而且肉质较干，偏「鞋」⋯鸡皮冇乜炸粉，都话似煎！！至于葱味𠮶款，铺面京葱丝的确几新鲜，鸡肉味道可能比原味有调味过，比原味多啲啲味道⋯但，sorry!唔系想要嘅韩式炸鸡啰！仲有啲伴碟酸萝卜同所谓嘅沙律⋯bad!差啲漏咗个炸鸡酱！真系一啲诚意都冇！好似原支超市酸辣鸡酱倒出嚟一样！使唔使咁现成?价钱偏贵，因为味道偏差，不试也罢！我宁愿帮衬连锁鸡记算。Ps.唔俾负评系因为冇试店内其他食物，店员冇服务，但未至于令客人难受，但咁样嘅质素真系有待改善。
继续阅读
Mix n Rice系一间唔错嘅韩国料理餐厅，佢嘅石头锅饭，韩国炸鸡都好出名，不过唔想食得咁热气，可以试下宜个杂菜炒粉丝。入面有木耳、红萝卜、生菜丝同蛋丝，再加上芝麻，睇落好似好清淡咁，以为会冇咩味，咁你就真系大错特错喇！宜度嘅嘅质感同味道唔知点解会好似食紧捞面咁，不过就冇捞面咁油同咸，配上芝麻痹嘅味道，成碟炒粉丝香咗好多！！非常好食！
继续阅读