影片
以上资料只供参考，请与餐厅确认详情
相关文章
最近两次来尖沙咀逛街的时候，经过这间人气大热的冬甩店，都看见没有太多人排队，便来试一下，两次的等候时间大约都是15分钟左右，总共试了不同波堤，扭纹和冬甩。第一次来的时候，由于是晚上，只有原味波堤和原味松脆冬甩。原味波堤的质感烟烟韧韧，几有嚼劲，可惜味道比较淡，我觉得如果甜一点会比较美味。至于原味松脆冬甩，纯粹只是口感比较香脆，味道没有什么特别。坦白说第一次觉得只是味道一般，还有明明叫店员两个分开装，她还是装在一起，个人认为不值得这个价钱以及不值得排队，反而第二次来的时候，便有惊喜了。今次由于是早上，所以种类齐全，可以试不同款式。黄金蜜糖波堤：波堤的质感十分烟韧，而蜜糖甜甜的，味道十分浓郁之余，亦甜而不腻，我很喜欢这种味道和配搭，蜜糖配波堤简直是绝配。士多啤梨波堤：这款波堤的外皮，覆盖著士多啤梨味的朱古力，味道甜甜的，有种淡淡的士多啤梨香气，挺好吃的。邪恶朱古力波堤：朱古力十分浓郁，而且味道不会太甜，喜爱朱古力的朋友应该很喜欢。法式扭纹：这款的味道最有惊喜，外皮有点香脆，而内里则软绵绵，最后外层有点糖霜，味道香甜可口，我最喜欢便是这款。吉士忌廉冬甩：这款没有什么特别，普通面包店的吉士冬甩的味道。天使奶油冬甩：所谓的天使奶油，即是普通的忌廉，味道都是没有什么特别，甚至个人认为忌廉和冬甩的味道都「唔夹｣，味道相当一般。价钱方面，如果你一次过买6件，即使是不同款式，都只是$110，至于每件价钱，请查看价钱表。总结来说，这间店舖的波堤和法式扭纹的味道相当不错的，值得大家一试，至于其他的款式，不试亦没有损失，不用浪费钱。
继续阅读
一开始见到，是因著想食冬甩而排队。都好难决定，因每一款都睇落几好食，仲有出咗新口味。见上一个客（一家大小）买咗，不过我哋无跟住叫。叫左一款原味冬甩、法式扭纹及士多啤梨冬甩。味道方面，口感偏甜、法式扭纹就几特别（有种食落有种松软的口感）颜色方面，原味冬甩及法式扭纹呈金黄色、而士多啤梨冬甩就正常。价钱方面介乎在19-22蚊左右。店舖不大，需要排队、人手店面有3个职员左右。如果未试过，口痕都可以食下。不过，好视乎个人口味及当下需求。
继续阅读
基本上每次去日本旅行，早餐都一定会食一个冬甩，因为香港冇乜舖头好食，所以唯有去旅行𠮶时食多几次啦，点知最近竟然开咗喺香港㖞，虽然价钱同日本冇得比，但系总算可以俾我一解思乡病。啱啱新开嘅时间好多人排队，实在多人到有点夸张，所以啱啱开张嘅时候都未得闲去试，点解会用嚟形容，因为有啲舖头嚟到香港味道会唔同，但庆幸嘅呢间嚟到香港味道依然一样。早前行过见到啱啱冇乜人，所以即刻去排队买返一盒先，我通常都会买一盒六个，因为为食呀嘛，所以可以同屋企人分享每人有一个。
继续阅读
行开k11忍唔住又帮衬Mister Donut！廿蚊个圈抵唔抵就见仁见智，但比起啲网红店平一大截。最正都系蜜糖味波提，外层糖衣脆脆哋，咬落去烟烟靭靭好似食紧麻糬咁，弹牙得嚟又唔痴牙，虽然同日本比争少少空气感，但香港嚟讲已经交足功课！其他口味试过朱古力同草莓都OK，不过都系蜜糖最夹个口感。前两日见买够5个仲有优惠价，下午茶同同事share就最啱。经过手痕想食甜嘢嘅话，绝对系穷人恩物，至少唔会畀完钱觉得中伏先啦！
继续阅读
最近见到网上有人介绍呢一间日本冬甩，都心思思想试吓，咁啱要去尖沙咀同K11都好近，就行去买嚟试吓。我三个人原本谂住买三个，佢话买多啲平啲最终买咗六个。佢话可以留返听日食都得。谂住如果好食都冇所谓，点知冇一个好味😭等我仲满心欢喜买俾个女食，阿女同老公都食到扁晒咀。士多啤梨波堤，一啲都唔好食士多啤梨味难食质感仲系咁要嚼嚼。我今次去呢就唔使点排队前边得10个人到好快就到我。最开心都系排紧队拣咩口味嘅时候。😝
继续阅读