影片
相关文章
朋友话好耐无去虹桥食嘢，呢日放假lunch 就一齐入左虹桥，拣左间未食过既cafe. 因为位置比较偏都揾左一阵先揾到。我地入到去只有两张枱客人，我哋系第三枱。原本叫左个all day breakfast and 炒蛋 烟三文鱼牛油果汉堡。但佢哋系跟住落order 既次序去整，到整晒前面两枱客既单要整我哋时店员先同我哋讲无晒包，要改其他。果阵已经等左20分钟以上原本谂住终于到我哋先被告知无晒，果刻感觉唔太好🥲我哋最后转左要蕃茄海鲜意粉，而系个意粉到之前all day breakfast 已经被我哋极速清晒😂唔知系咪肚饿关系觉得份量偏少，不过佢价钱比起其他铺既all day breakfast 系抵啲既。 而个意粉都比想像中好食同多料，同埋唔太钟意食茄汁既我都觉得佢好食，唔系好假既蕃茄味同埋咸度适中，个意粉既质地都系我钟意既有少少咬口果种，唔会太硬亦唔会太软。所以都有8分。算唔错👍🏻而两杯饮品就普通，无咩惊喜。
继续阅读
自问系熟客～ 自从搬左入来屯门，呢间cafe 仔就系我嘅饭堂(住得非常近)。放假/唔想煮都会落Miss coffe。平均一个月都会食6-8次。So far都几好食，性价比不错。想支持小店。但今年，自从留白冰室换左老板(同Miss coffee老板同一人)，有几次都撞过佢系新铺帮手。Miss coffee就得返一班后生仔/part time(并非时常系铺)，食物质素愈来愈差，求其。例如：以前老板煮嘅鸡肉芝士Panilli系用慢煮鸡肉，嫩到出汁而且有薯角。但呢排食嘅系速煎鸡肉⋯柴到咬唔烂⋯更加比再比薯角/配料。今日，买左个冬阴意粉外卖，无味之余啲汁系比纸盒索哂。沙律菜有两块，多谢。倒不如唔好比，望落有啲寒酸。据我所食过，留白冰室都有冬阴意粉，价钱平一大截，料就自然少。而今日我食呢个意粉，水准同冰室差不多。果然系同一个老板⋯但我比得贵啲，自然想要好啲质素！以前Miss coffee嘅冬阴意粉辣辣地，有creamy感。现在愈来愈hea，其求兜两兜，失去信心。呢几年多左人食Miss coffee，但咁样落去，只会几以往努力白废。希望老板正视下，唔好只顾新铺。
继续阅读
早排某日去咗大西北「揾食」，本身其实系想试另一间cafe，但咁啱系落场时间😳虽然等多十分钟左右就开返，但因为有啲饿，所以最尾转咗去呢间cafe~店舖喺角落位置，细细间，去嘅时候坐满人咁济，连门口出面张台都有人坐。叫咗杯热 #Latte 、 #AvocadoBananaSmoothie +ice cream，仲叫咗小食 #忌廉白汁青口 。杯热Latte味道ok，不过个smoothie啲香蕉味有啲生，我哋好似见到佢哋即时出去买香蕉返嚟🤣🤣 虽然加咗雪糕，但因为个蕉味有啲生，所以麻麻地🫢 个青口几好食，个汁好够creamy好香，如果份量再多啲就好喇～
继续阅读
小店位于屯门虹桥，附近有泊车位，平日去比较方便易揾到位。餐厅地点隐世，门口看起来以为地方很细小，但步进餐厅𥚃面，发现坐位都好阔落，环境幽静舒适，地方也整洁。坐下来点了All day Breakfast，冻鲜奶咖啡。整个餐也不错，尤其是香脆的牛角包和薯角均扫上微甜的蜜糖，非常香甜可口，滑蛋也用上松露炒，当然咖啡也是亮点。这间小店我不只一次来光顾，之前有试过他们做的green breakfast ，感觉更清新。偶然有时间都会平日都会来，可算是口袋里的饭堂。
继续阅读
Miss coffee or Heato？都搞唔清楚究竟系咩名啦系洪桥附近的小巷内角落虽然不太宽落，但位置不少 Flat White latte 拉花同味道都唔错，明治鲜奶所以醇厚感、甜感都在线～ 火腿芝士多士 火腿面油淋淋既，开始以为系油但原来系蜜糖，芝士片有点硬～吐司包不甜，烤完有啲脆卜卜
继续阅读