影片
开饭介绍
Mina House日文带有「我们」的意思，务求满足大家所需，为大家带来无与伦比的餐飨体验。餐厅除了提供全天用餐服务，奉上琳瑯满目的甜点及质优味美的咸点，还可尽情饱览香港的璀璨景色，让宾客一边欣赏悦目的绝佳美景，一边享受顶级全天候料理。
继续阅读
营业时间
星期六至日
11:30 - 16:00
18:00 - 22:00
以上资料只供参考，请与餐厅确认详情
相关文章
大年初二上嚟山顶行大运，行完嚟前Cafe Deco位置间Mina House食lunch。一入门口，带位小姐话1小时15分钟要交枱。疫情下每张枱坐得2个人，都可以理解。叫咗一个fettuccine，一个fish and chips，一个Parma ham pizza。Fish and chip d薯条好脆，但个鱼d batter好霉。fish and chip食完成15分钟，fettuccine 同pizza都未到，隔离两张枱迟我哋好多到，但同样叫同一个pizza都分别到咗，我哋都唔知等乜，心又急又怕俾人赶走，三催四请之后先嚟，食乜都冇味，感觉好差！以后都唔会再嚟！
继续阅读
放假无咩特别野做, 最好就系带埋D 小朋友出去户外行下, 晒下太阳, 呼吸下新鲜空气.上山顶就最方便, 条路又唔难行, D 风景又靓, 小朋友都行到上到山顶.周围望紧果阵..唔小心比同行小朋友望到个MENU,,,,,唯有同一齐入去试下, 反正未试过系山顶食自助餐入面环境当然是靓, 望出去就是维港美景, 净系坐系到抖下都抵左自助餐梗系要拣野食..,有海鲜,有沙律之类O既大路野超过30种环球馔肴..影唔哂最神奇是有小龙虾..系香港食小龙虾劲贵哩到竟然可以任食,,,即刻食返够本先有水果茶同苹果汁..个人觉得白桃茶好饮过苹果汁#即切烤牛肉 Carving Station望到旧肉, 不得了!!第一次见自助餐O既烧牛肉入面唔系烧到干哂, 而系粉粉地, 直头见到D 肉汁会流出黎咁听个厨师介绍, 个牛肉系SLOW COOK, 然后烧香个表面.佢切完, 可加盐/ 烧汁/ 黑椒汁另外有烧鸭胸,,都是SLOW COOK 的D 肉劲淋劲好食!!!!!如果小朋友唔钟意太生, 仲可以要求个厨师用火枪烧到全熟/ 七成出面食个SLOW COOK 牛, 仲要好食O既..一定唔止咁O既价钱估唔到同行小朋友都钟意食D 慢煮牛..同时佢拣左好多炸野..例如炸蕃薯条,洋葱圈, 炸鸡之类...果然系小朋友#原个意大利巴马臣芝士轮即煮意粉哩旧大芝士煮通粉...同行小朋友第一次见, 哗左出声通粉吸哂D 芝士味, 另外仲有松露酱, 一齐兜同行老人家话松露味好正㖞...佢ENCORE左两碟..真西利是日餐汤是有机粟米汤...原本以为冇咩特别,,点知饮落有惊喜!有一丝丝蟹肉系入面, 栗米打溶哂, 够CREAMY是正的最后我都系疯狂食个牛.,,,个牛真系好好好好食!!!!#小朋友至爱入面有棉花糖机, 小朋友睇得开心, 又食得开心果然是小朋友至爱餐饮竟然可以嗌有哂拉花O既咖啡,,,,诚意十足!会员专享优惠折扣..埋单果阵发现,,折左真是好抵净系入面黎旧牛都抵仲要系山顶入面O既自助餐仲要有靓景O岩哂一家人行完山顶,同小朋友放完电系到慢慢食
继续阅读
今日一行3大2细嚟到山顶试新嘢，我地大概12点半嚟到，先讲环境，有落地玻璃采光几好，枱与枱之间间隔宽躺，仲有一个户外位专for狗狗，待应带我地入座嘅时候，bb櫈已经准备好。以呢个价钱食lunch buffet, 我唔会太高期望，虽然选择唔算多，但系每一样都系非常新鲜，特别系个沙律bar 同海鲜冷盘，我俾好高分！另外值得一提，就系个汤，好足料食完呢几样野其实我已经饱咗总括嚟讲，非常适合一家大细同埋狗狗嚟聚餐
继续阅读
咁辛苦一早散步上山顶，当然要好好慰劳一下自己。山顶广场开咗好多新嘅餐厅，见到其中一间lunch buffet觉得好惊喜，好似暂时得呢间餐厅系山顶可以任饮任食。喺门口见到啲单张话呢一个系假日buffet，号称超过三十种环球美食做会员又可以即时有折，所以就决定对自己好啲，试吓呢间。餐厅有几面大玻璃，好透光坐得好舒服，最重要系基本上你坐边一张枱都系可以望到山顶嘅风景佢有好几枱都系有小朋友嘅一家大细，不过地方够阔落，所以都唔会觉得混乱。食物方面，佢嘅冷盘选择相当多。钟意食沙律嘅我都拎左几round唔同配搭嘅沙律。冷冻海鲜有四款，青口，翡翠螺，虾同小龙虾。lunch尼讲，都算系咁。值得一赞系青口同虾都几新鲜，好鲜甜不过可能因为佢refill速度太快，有时有啲虾未退得切冰食完冷盘，当然要食返啲热嘅嘢。个餐汤好香，隔离切牛扒嘅厨师话系有机粟米汤，粟米系我嘅至爱，汤系比较深黄色，一饮系超浓嘅粟米味，仲竟然有蟹肉，成个汤变得超高质热食比较特别嘅仲有即切烤牛肉，厨师仲会喺上碟之前揾火枪烧一烧，牛肉肉质juicy嫩滑，不过略嫌佢个黑椒汁比较咸。另外即煮意粉系原个巴马臣芝士轮加黑松露通心粉，呢个比较少见，黑松露好足料，但我觉得通心粉嘅调味可以重手啲临食甜品前，俾我发现有得DIY棉花糖，除左系小朋友至爱，大朋友见到都相当兴奋最后终于食甜品，甜品嘅选择就真系唔算好多，虽然呢一刻已经好饱，不过甜品系另外一个胃㗎嘛，如果佢迟下可以加多啲甜品嘅种类就Perfect，因为我知道呢间餐厅其实甜品本身都好出名总括嚟讲，佢呢个自助餐系以亲子为主，所以佢有啲食物都会针对返小朋友嘅口味，例如炸鸡，薯饼，炸甜薯条等等。另外餐厅都摆咗啲故事书可以俾小朋友睇，一家人慢慢边食边玩边hea，喺山顶来讲都算系一个唔错嘅选择
继续阅读
趁今日放假一早就去咗山顶行山，去到中午嘅时候喺山顶商场入面揾到一间自助餐，由于实在太肚饿同埋成个山顶应该得呢度有得任食，于是入去试吓。间餐厅可以望到好远嘅海景，环境好舒服。全场仲有超过30种嘅食物，啲款式一啲都唔少。呢度仲有好多啱小朋友食嘅食物，例如棉花糖啊，啫喱呢啲，全部都系小朋友嘅至爱。我嘅至爱其一就梗系海鲜啦，有好多新鲜嘅海鲜可以食。另外唔可以唔提嘅系呢个即切既烤牛肉，可以揾师傅帮手用火烧到啱我食既熟度。此外呢个芝士盘系用嚟煮通粉嘅，非常特别同埋入味。煮完之后就系咁嘅样。最后叫咗杯咖啡，个拉花好靓🤗🤗🤗总括嚟讲系好适合一家大细嚟一齐食嘅自助餐。
继续阅读