影片
港铁观塘站 A2 出口, 步行约7分钟
继续阅读
电话号码
37582239
开饭介绍
厨魔梁经伦经营，主打中西分子料理，特设开放式厨房，方便客人观赏厨师们的巧手厨艺。
继续阅读
奖项殊荣
米芝莲一星餐厅 (2014-2018)
营业时间
星期一至五
11:30 - 15:00
18:30 - 00:00
星期六
12:00 - 15:00
18:30 - 00:00
星期日
全日休息
以上资料只供参考，请与餐厅确认详情
食家推介
招牌菜
相关文章
Me, attempting to be artsy once in a while.#cantryThe #chefalvin venture in #kwuntong is a michelin one star, so I've been eager to try for a long while. The dishes are what Alvin's are known for, molecular chemistry-- basically breaking things apart and put them back tgt in a form u dont even recognize. As a Food Alchemist, he blends the West and East and gives the diner a fresh perspective on the ordinary.The round tang yuan #xiaolungbao has long been a fan favorite, with the thin slice of ginger on top, you bite into an savory atomic bomb that explodes all the juicy goodness (hopefully u eat with ur mouth closed) with a dash of attitude. The waiter has warned me it could be too hot, but frankly I think it can be kept warmer.The shrimp risotto is what I settled for after realizing the speciaty shrimp noodle has run out. And the lamb is basically a clay pot braised lamb but with the best lamb chop that a Chinese restaurant would never think of spoiling me for. Overall a very hearty meal and definitely a culinary adventure beyond the East and West.#pandaeatshk #pandaeatskwuntong #mickitchen #alvinleung #michelin #nevercheckingmyspelling #yoyoyo #topcitybiteshk #hkfoodblogger #hkfoodies #hkfoodporn #hkfood #shrimp
继续阅读
餐单上见到很多中式食材例如话梅、陈皮、杞子、腐乳等将它们融入西式食物中大胆创新的烹饪意念 但味不达意感觉有点刻意 味道上达不到协调的效果调味同材料配搭仍须继续试验不能抹煞厨师的创意 这亦相信是摘星原因但以一间米芝连餐厅而言食物同服务都尚有很多进步空间想营造出高级餐厅的感觉 但配套上做不到服务员有点生硬 介绍食物似机械人读稿唯一可以赞的是面包好新鲜焗出 热辣辣 松软好味配的豆豉鲮鱼蛋黄酱好出色非常好味真的吃到豆豉鲮鱼的咸香配面包真的是一流!份子小笼包 好像小笼包一样一咬穿表层就有汤爆出来但今次就变成爆浆 较杰身的姜醋味道是成功营造到的但没有尝试馅中的肉 只有浆扮汤总是觉得差一点点失望的甜品 话梅焦糖炖蛋味道偏咸 与配的杂莓亦不夹焦糖味完全被话梅咸味盖过整体感觉奇怪 难以称得上为甜品其他食物亦强差人意中西合璧的配搭不协调 令味道变得奇怪陈皮鳕鱼有点苦涩味 芒果甜品亦有苦味那道牛脸颊声称酱汁薯蓉会带少许四川辣味但完全没有 慢煮牛并不够淋亦不是特别入味先不要说特色味道做不做到基本的味道亦不达标令人失望的晚餐...
继续阅读
门面及灯光比人好舒服既感觉， 坐位舒适， overall set up亦唔错, 绝对系fine dining既水准，有啲可惜系比佢地既service破坏左第一印象。Waiter攞menu嚟既时候首先介绍一个$998 wine pairing menu， 但因朋友唔饮酒所以我地开始睇另一个 dinner menu， 但竟然呢位waiter又再一次将呢个wine pairing摆喺我地睇紧既menu上面我地直接话叫另一个餐。佢意识到并开始介绍点样配搭， 本来一个$398既餐入面有一半选择都要另加钱。最后， 我地无叫wine既情况之下都要每位接近$700埋单。但系食物系有惊喜既。一开始个home made bread basket啲包好食, 仲热辣辣， 配有自家酱(唔太记得咩味， 应该系腐乳之类既中式味道)。喜唔喜欢就见仁见智！我地点左两粒份子小笼包， 唔。。。。。我感觉系一粒盛有小笼包味汤汁既汤圆， $78一粒，几贵既体验。后来呻笨，叫杯酒好过前菜同甜品我两个都拣左要加钱既， 而我个mains就好特别， 煎鱼加入中式元素。个汁系红烧肉汁，更附有一啲肉碎。碟底就用煮林既黄豆垫底。朋友既头盘同甜品都用上liquid nitrogen液化氮制造冷冻效果及提升仙气。我个甜品系话梅雪芭，有趣又解腻其实单纯计食物质素系一个好好既用餐体验， 若果服务质素方面可以提高就perfect.我有一日想再去所以预先一晚打去订枱，但讲电话时我再度感觉唔舒服。 后来因晚饭改期最后都cancel左。希望下次再去可以由头至尾都食得同坐得舒舒服服！
继续阅读
同女朋友庆祝纪念日，正好有ＨＳＢＣ信用卡晚餐买一送一优惠，所以来呢间餐厅米芝莲一星餐厅，餐厅有十多张枱，因为系闲日,所以唔多人，可以坐开D同另一半倾下计，有多位服务员，好好服务，今次食Chef Menu（８款菜），可以试左大部份既菜，而每味菜服务员都会介绍一下１）先送上面包，跟豆豉鲮鱼酱，个酱味道好似豆豉鲮鱼，女朋友好like 个酱，成个食晒２）红菜头羊奶芝士八珍桂花醋伴蕃茄：好多款番茄 有红色，黄色和青色的蕃茄，侍应建议把红色的一颗整个放入口中，呢个好好食, 其他就好生味道一般,有唔同番茄唔同时期既味道，可以试下３）油甘鱼粒配青瓜粒同苹果粒：好多粒粒，加上wasabi柠檬粉，味道好清新，但系女友唔LIKE青瓜,食左几粒油甘鱼就成个俾我食，唔钟意食青瓜既朋友要注意，,唔知可唔可以走青瓜呢４）份子小笼包：波波内有小笼包似的汤汁，有一缐红色姜丝点缀，合眼食上,一含即爆，满满汤汁的味道，好似小笼包, 但欠缺实在的口感，无左肉同饱皮，个人还是钟爱传统小笼包。５）油浸慢煮的三文鱼：口感嫩滑，配合蚝油香茹同微辣的辣酱，同辣酱同夹，个菜就同蚝油香茹好夹, 女朋友钟意呢个６）呍呢拿yoghurt sorbet：呢个好特别, 呍呢拿yoghurt加左唔知咩咩粉, 一齐食就有一阵淡淡的话梅味,好得意。７）主菜西班牙红虾配虾面： 服务员一开始介绍要食虾膏,唔够味仲可以加虾油,劲香,但女朋食左个虾面好好味就系咁食个虾面,无理只虾, 个服务员最后睇唔过眼来帮手话要加虾膏食, 仲帮手整出虾头D虾膏, 好帮手. 呢个好好味, 女朋友超LIKE８）主菜和牛肠粉黑松露汁：和牛煮到四成熟，我个份几好食，但不是入口即溶，女朋个2件有根,咬唔开，食左一件就放弃左俾我食了,餐厅可能要注意一下。配菜-肠粉，入口滑啫啫又索哂D黑松露汁，几惹味。９）甜点檀香奶冻，呢个味道一般，散叫可以唔洗叫。呢晚整体感觉几好,好好坐,试左好多唔同既菜式，有新鲜感同惊喜。而且有信用卡买一送一优惠，约$600一个人,物有所值,有机会会再来食。
继续阅读
Happy Friday , 唔洗赶返屋企陪仔做功课，决定同太座fine dining 一下。同系的Bo Innovation 多年前已帮衬，当时的体验是非常愉快 (虽然亦有传统中菜支持者评为整色整水厄鬼佬之作) ，未知这间MIC 是否一样大玩分子料理？晚餐$498一位，但有些菜式要加钱。点了柚子油甘鱼和带子作前菜。前者酸中带甜，非常清新开胃，作为夏日的开胃菜一流。带子鲜甜，表现对办。主菜点了虾面，M5 和牛黑松露萝卜糕。面未上枱已传来强劲香气，未进食先兴奋。用上西班牙红虾，极多膏，惹味非常。但重点是面，完全吸收了虾油的香味，好味爽翻天。对重口味之友，餐厅额外奉上的自制虾油随君喜好自由添加。吃完齿甲留香，满口鲜虾的after taste，好不消魂。另一主菜M5和牛，黑松露罗白糕也是极佳。和牛先慢煮至4成熟再煎香，嫩滑非常。萝卜糕也做得很好，夫人对黑松露酱有一点意见，认为味道不太突出。个人则认为黑松露没有暄宾夺主，仅为萝卜糕画龙点睛，恰如其分。整个菜式非常平衡，可惜在隔邻超水准的虾面比较下，是完全被比下去。甜品点了青瓜sorbet，花生酱西多士。前者正好中和主菜的油脂感，后者把港式下午茶改头换面，西多香脆干身，吃下没有一口油的感觉，非常好。中间有一段小插曲，甜点上枱时，碟边竟然写上"4周年快乐"的字句。之不过今天其实并非我们的任何特别日子，原来是餐厅把另一位客人的资料弄错了。太太没有误会，大家当笑料一则。当然，像这种级数的餐厅有这种错误是不应该，但整体上服务是非常好的，人为错误总会有，不应过分苛责。总结整个用餐体验理想，有惊喜，埋单连酒也不用$2000，合理，我会再光顾。
继续阅读