MI Cafe

九龍灣工業區有唔少食堂，Mi Cafe 相對感覺新穎少少，位置都幾舒服！今日同同事見完客就坐底食少少嘢休息一下！下午茶由2:00開始，都有幾多選擇😋窩夫 🧇$34，我地選擇左煉奶同朱古力醬既黑白配組合，熱辣辣上枱分食到幾滋味！勁爆芝士魚柳漢堡配薯條$48魚柳肉質炸完都好滑而且份量都幾大，薯條🍟比較粗身，幾好咬口！飲品方面，轉配特色飲品都只係加$10-$18都幾吸引，我轉左髒髒黑糖珍珠鮮奶，打咭就真係一流😂黑糖味唔算好出，反而朱古力粉同鮮奶味道比較明顯，珍珠就一般般！另一杯係佢哋主打既雪糕紅豆冰，加$10真係超抵！…查看更多

收工見有少少肚餓同朋友飲住食完飯 先走經過見到有間cafe,寫住全天候免收加一 ,膽粗粗去試下啦,有意想不到的驚喜 ,侍應親民 有禮貌, 飯後仲有送甜品芒果布甸 ,估唔到有芒果肉粒添 ,比想像中好好多,值得試一試…查看更多

呢度有少見嘅台式厚吐司 😋😋 個花生醬真係無得頂 😍😍 menu仲有好多其他味選擇 🤓沙嗲牛啲牛肉唔會煮到好老 沙嗲汁有花生粒 😍😍加咗$5轉咗至愛嘅辛辣麵 佢仲有稻庭烏冬㨂 都係一般早餐少見嘅選擇最重要係好！很！抵！ 雙餸連轉麵 仲有厚吐司先$41 絕對係可以一試嘅選擇 😎😎…查看更多

餐廳環境又細有侷促，坐得好唔舒服 🫤 個紅菜頭湯淡到好似水咁，唔知飲緊d乜嘢… 叫咗個鰻魚炒飯，個味道又好奇怪，d鰻魚粒又細又少 😵 最誇張係杯凍華田，d阿華田粉都未溶晒，已經拎出黎俾客飲…. 我食完餐飯之後，已經決定blacklist呢間餐廳，以後都唔會再食❌…查看更多

午餐時間點了豬軟骨便當，包埋餐湯-白湯及餐飲 order 左柚子蜜，外賣有9折優惠，total$50。便當賣相幾靚，飲配有沙律菜，粟米粒，半隻蛋。豬軟骨醃得夠入味，當中既軟骨已經醃到融化，入口軟淋，不過有舊太瘦無軟骨肉質比較實。豬軟骨有好香既花椒，八角等香料味道，幾岩口味。白湯就一般好淡。杯柚酸甜度岩岩好，好開胃。…查看更多

見今日唔趕時間，想慢慢食又唔想迫，就黎呢間mi cafe試下。入到去人唔多，侍應都冇乜野做，但係偏偏就冇人落單，個個都扮見你唔到，好啦落左單啦，侍應上食物都偏偏唔會放客人面前，係會放另一張枱等你自己扲俾自己，明明我地張枱就係咩都冇（黑人問號？！）飲品係咁，餐點都係咁。見到咁ge服務，真係食物點好都補救唔到。最慘係食物都好一般，雞扒沙律，餐牌講明係配柚子醋，點知黎到係芝麻醬🤦🏻‍♀️都算啦，叫佢地俾多份芝麻醬，直頭成枝巨大版扲出黎倒落我個沙律度👎，俾個碗仔倒俾我又有幾難呢？！…查看更多

1️⃣2️⃣🈷️經過時見 #九龍灣 @me_timecafe 見佢地舖位封咗仲以為結業今日經過見開返 門面亦都差不多樣🤔不過改咗名叫 MI Cafe @micafe0511 一於入去睇吓咩料😂同店員傾咗兩句 原來股東拆夥再同店長傾多幾句 依家九龍灣舖 同 葵興 WeTime Cafe @wetimecafe 同一股東所以連menu 同果邊都好相似 咁以後可以繼續 #大大力懲罰 啦😎店長 店員同樣同好nice 好有💛介紹返先💁🏻‍♀️ 佢地 1430-1730 #下午茶 T5 #牛尾燴意粉 $56下午茶關係 份量當然比lunch 少啲 但都夠食 剛剛好好惹味 個醬汁以茄膏加上蕃茄蓉為主烹調牛尾夠哂入味 👍🏻 呢個要encore 😋推🙌🏼推🙌🏼推🙌🏼=====================#懲罰 #黃色經濟圈 #yellowkowloonbay #yellow九龍灣 #hker #hkig #hongkongfood #香港加油 #食好西😋 #互推互追互讚 #nofilter Pls follow🙇🏻‍♀️1️⃣2️⃣🈷️經過時見 #九龍灣 Me Time Cafe 見佢地舖位封咗仲以為結業今日經過見開返 門面亦都差不多樣🤔一於入去睇吓咩料😂同店員傾咗兩句 原來股東拆夥再同店長傾多幾句 依家九龍灣舖 同 葵興 Wetime 同一股東所以連menu 同果邊都好相似 咁以後可以繼續 #大大力懲罰 啦😎店長 店員同樣同好nice 好有💛介紹返先💁🏻‍♀️ 佢地 1430-1730 #下午茶 T5 #牛尾燴意粉 $56下午茶關係 份量當然比lunch 少啲 但都夠食 剛剛好好惹味 個醬汁以茄膏加上蕃茄蓉為主烹調牛尾夠哂入味 👍🏻 呢個要encore 😋推🙌🏼推🙌🏼推🙌🏼=====================#懲罰 #黃色經濟圈 #yellowkowloonbay #yellow九龍灣 #hker #hkig #hongkongfood #香港加油 #食好西😋 #互推互追互讚 #nofilter …查看更多

九龍灣megabox附近係工業區～所以好多隱世食店都開喺工廠大廈入面😳呢間Cafe真係好隱世，前兩日喺Openrice係搵唔到佢😂😂😂小店門口掛住一個幾靚嘅霓虹燈，所以經過都會見到佢，唔難搵🤣佢嘅lunch set最平$55就食到，仲要包餐湯同飲品，真係好抵食㗎🥹🌟英式全日早餐🧇 $62 (4/5)$62蚊就食到All Day Breakfast?! JanJan見到嘅時候都真心嚇親😱對比出面大部份Cafe都要百幾蚊，呢個價錢真係唔叫嚟試下都唔得囉🥺仲要都好大份，質素完全唔差㗎！全日早餐包咗德國香腸、煙肉🥓、牛乳炒蛋🥚炒雜菌、薯餅、奶油窩夫🧇同田園沙律🥗好豐富🥰德國香腸就hea啲😂因為冇另外煎，食落就係普通熱狗腸😗煙肉埋藏喺炒蛋下面，食到中間先見到🤣不過就偏油同埋唔脆😳不過牛乳炒蛋就好有驚喜🤓因為炒得好滑😋隔離仲有成樽粉紅岩鹽同黑椒俾你調味☺️你鍾意嘅話仲有樽芝士粉俾你落🤣呢個位真心讚😎炒雜菌份量好多，除咗蘑菇之外竟然仲有金菇！！薯餅就正正常常，都炸得夠脆☺️仲可以點茄汁 🥫不過最開心係佢有奶油窩夫😍窩夫應該係一早整好咗，所以已經唔脆，不過食落仍然好軟糯～而且上面仲淋咗煉奶🥰甜甜的好好食🥰沙律菜份量都好多，而且都新鮮！呢個價錢真係超滿足啦仲想點😭🌟澎湃藍帶豬扒 配薯菜🥔 $62呢度竟然有藍帶豬扒😳仲要咁平，想點😤豬扒都算大塊，不過炸得有啲過火，望落有啲乾🫣切到第二舊開始見到有流心！裡面有火腿同芝士😌不過芝士好稀，冇乜芝士味，朋友就覺得佢似忌廉湯/白汁😂同埋就絕對唔係澎湃🤣🫢跟餐配有薯菜，薯條好粗身，食落好有薯味，不過就唔熱同偏淋身，感覺都炸咗一段時間攤凍咗😥跟餐仲有餐湯同飲品☺️係紅菜頭湯🤩飲落去好甜好濃嘅紅菜頭味，仲有啲薯仔粒🤓Overall嚟講呢個價錢仲要唔收加一，真係好抵🥺😭啱哂附近嘅打工仔🥺加一服務費：❎回頭率：❤️❤️❤️❤️ (5個❤️為滿分)📍地址：MI cafe (九龍灣)九龍灣宏開道13號景發工業中心地下1號舖#JanJan九龍灣 #JanJan西式 #JanJanCafe #Foodie #foodie #foodiehk #hkig #九龍灣美食 #西餐 #西式 #alldaybreakfast #全日早餐 #藍帶豬扒 #食評 #香港美食…查看更多