影片
开饭介绍
Mezzo Grill 提供正宗美式佳肴，炭烤牛排及海鲜菜式为重点推介。
继续阅读
特色
浪漫情调
附加资料
无肉餐单详情: 每天供应少量素食菜式
营业时间
星期一至日
12:00 - 15:00
18:00 - 23:00
以上资料只供参考，请与餐厅确认详情
招牌菜
3个女仔，唔知去边食饭好，醒起上次wine dinner 去mezzo gill，食物唔错，就黎试一试dinner ~头盘要咗个哈密瓜并ham，ham咸咸地，哈密瓜又甜，正！野菌忌廉汤又香又浓味，好正~主菜点咗猪扒同龙虾~猪鞍扒，又厚又够juices，配埋个苹果酱，好fresh，推介！！波士顿龙虾，员工介绍的，新鲜龙虾，即叫即㓥，煮法我地拣咗烧，肉质爽口弹牙，超鲜甜，超级推介！！甜品拣咗两款，青苹果冻汤同Sherbet ~ 青苹果冻汤好得意，酸酸甜甜又清，加埋个奶冻，好match~~青苹果Sherbet 好fresh~~同员工吹水得知，原来呢度啱啱转咗style同menu，头盘同两个甜品都系新嘢，下次可以再黎试吓其他~~
继续阅读
4月5日星期五,富豪酒店Mezzo Grill搞咗一个wine Dinner, 经朋友介绍去了试饮试食, 一去到坐低就见到枱上放了一排不同大小的红酒杯好有气派…good feeling!! 加上枱上放了当晚wine dinner menu + wine list, 清楚介绍当晚每道菜式配什么红酒及每支红酒的特性, 方便我哋初学者更加容易明白及学习.终于上前菜喇,白酒Meursault 2007 +马里兰蟹饼, 支白酒可能较为fruity所以好容易入口…我like…而且同蟹饼好啱feel….yummy. 第二支都系白酒Chablis Les Opales 2010, 呢支白酒系用嚟配黑松露鸡清汤,我都系第一次白酒配汤饮…好特别呢….呢支白酒可能用来配衬清汤,所以较第一支酒清淡啲…但饮起嚟又觉得同个汤好配合.食食吓有专人埋嚟简单介绍当晚wine dinner menu内啲红白酒,好professional,好有贵宾feel. 其实呢餐唔贵,有呢种服务好正.跟住就到红酒出场,哈哈…本人较喜爱饮红酒…好期待啊….Mercurey 2009 +低温烹调三文鱼, 以前成日认为海鲜配白酒,原来配鱼都好好味架,虽然饮落有啲单宁感但好香好醇,越饮越饮有味道越好饮, 听过介绍知道主菜跟的红酒来头不少, 就系呢支Grand Echezeaux Grand Gru 2008,杯酒好香带有花香味,饮第一啖觉得好有口感带点单寜…好饮. 我选择了羊架配呢支酒, (本来是西冷牛扒的,因为我不吃牛所以要求换了羊架). 始终觉得红酒配红肉会好味啲, 哈哈….我选择冇错, 越饮就越觉得支酒越有深度,越来越醇厚有口感,好酒就系唔同啲既…最后还有甜品柑桔朱古力芝士蛋糕….真的完美的句号…..正正正!!!
继续阅读
早两日去同老婆去开尖咀行街,老婆突然话想食扒,我就谂起个fd之前去富豪酒店Mezzo Grill食饭话几抵兼好食,虽然不嬲对富豪酒店都无乜好感,但都即管去试下啦,反正个fd俾咗张coupon我有七折,无订位12:30去到居然无乜人仲有window site俾我地坐,当日set lunch有5款main dish选择,睇咗阵menu就有个大包送上枱,跟咗两粒牛油同一小碟pesto酱,一粒系black truffle牛油(好好味,)另一粒系原味牛油,个包好热好脆,正!!!今日老婆食rack of lamb,我就食salmon,头盘系自助沙律吧,一般普通货色无乜特别,食咗round就收手,跟住就饮汤( 汤系serve嘅 ),是日靓汤: 番茄杂菜汤,但无乜味,我要落好多pepper先食得落,但老婆就话几好饮,可能我食得浓味啦~~fine~~等食main course,但等咗好耐.....因为个场开始多人啦,见d侍应好忙我都唔好意思吹佢哋,反正我有时间,由个汤饮完直至主菜上枱我哋等咗大慨十分钟到,见到两碟主菜卖相普普通通啦,先讲我旧salmon,外表睇起嚟好似好dry咁,但食落又几juice,厨帅煎到大慨半生熟等旧鱼唔会太dry,唔错!!老婆只羊架要4成熟,外表烧到有d㶶㶶地好香,一切开d肉汁流哂出嚟,食落又唔会太"苏",最紧要系肥瘦均匀(老婆最惊系肥膏多过肉),所以老婆都食到直树拇指呀!!!到跟住到甜品系美式芝士饼,由于我唔食芝士,所以侍应问我要唔要fruit platter( 居然有得转果碟,真系估唔到),咁我就要果碟,老婆就食cheese cake,生果都无乜好特别啦,咁我问老婆旧cheese cake味道如何,佢就话芝士味好浓,搅到好滞,早知都同我一齐食果碟算数~~总括嚟讲呢餐都算系有惊喜啰,百零蚊一位有咁多野食仲要味道唔差,下次有机会就嚟试下佢个dinner先!!
继续阅读
今日一行十人和朋友庆祝相识纪念日，去了尖东富豪酒店mezzo grill 既扒房食西餐。里面既装修俾人有一种怀旧的感觉。坐位好濶，食野唔会好逼，唔会手争撞手争！坐低仲可以望住出面既既圣诞灯饰黎品尝美味！好好气氛！食物都俾我想像中好！当日我同朋友叫左法式蓝蟹浓汤、美国T字骨牛扒配红酒汁。值得推介就系蟹汤，而牛扒比起出面个啲仲更加淋。口感好好。饭后仲食左一个个芝士蛋糕，好好味！我地仲用左city bank黎埋单，有65折优惠，好扺食！我相信会再黎帮衬！staff is very nice!;)
继续阅读
十三号系我同我先生结婚周年纪念。突然间好想怀勉下当年拍拖时去西式扒房食牛扒情境。因现在香港酒店都好少设有扒房餐厅。经朋友介绍下知道尖东富豪酒店mezzo grill 扒房都几好。就去试下。装收比较怀旧。坐位都比较寛濶。食物想像中要好当日我同老公点选左烟鹅肝配炭烧鳗鱼、法式蓝蟹浓汤、美国T字骨牛扒配红酒汁。汤好重蟹肉值得推荐。鹅肝同鳗鱼都OK、牛扒比较软淋。口感好好。埋单时部长还提醒我地有多种信用咭折扣优惠。我想信好快再黎帮衬。到时一定要影相比大家分享。
继续阅读