影片
营业时间
今日营业
10:00 - 22:00
星期一至四
10:00 - 22:00
星期五至六
10:00 - 22:30
星期日
10:00 - 22:00
以上资料只供参考，请与餐厅确认详情
食家推介
行开Sogo有啲肚饿，外面又好晒懒得出去揾嘢食，见唔洗等位所以试下呢间Mellow Brown Coffee by UCC。店员安排坐吧枱位，座位距离合理，加上唔洗同店员四目交投，对I人非常友善😂 今次叫咗芝士肉酱海鲜焗饭，加$36饮鲜橙汁，以呢个价钱嚟讲会期望饮品再大杯少少🥹 焗饭嚟到嘅时候有啲吓亲，因为份量望落比较细，感觉上同萨X亚差唔多，好彩食晒都够饱。海鲜方面，虾同鱿鱼味道正常，唔算太细粒，但蚬同青口都焗到好干，胜在有肉酱同芝士搭救，呢个配搭系稳阵嘅，好难唔好食。单点饮品定价偏贵，平均50几至过百蚊不等。
继续阅读
第一次写食评！大约年几前都有黎过食午餐，好钟意食佢个茄汁汤意粉同埋甜品，今日夜晚8点入座点了茄汁海鲜汤意粉，等左起码15分钟上菜，老公差不多已食完个炖饭。汤意粉试第一啖完全无味，再试都系无味，同店员讲个意粉无味，个店员话炒个碟比我。再等一阵好快就黎左，感觉无重新煮过，再食都系无味，全部海鲜都无味，根本就系同一𠒇野！食左一半无食啦为医肚，带子熟过龙好鞋，青口都难食，发生咩事？埋单3百几蚊，唔会再黎，好失望！
继续阅读
行开Sogo有点肚饿，所以入去Mellow Brown Coffee 食个tea。叫左个季节限定「芒果法式多士」，法式多士唔够蛋香，食落有啲硬，好明显多士浸得唔够时间，完全食唔倒法式多士要嘅口感☹️！而芒果肉都算鲜甜、份量多～咖啡就几好，果然，UCC咖啡真心不错，而水果茶就好一般，冇咩茶，又冇咩水果味，整体偏淡🙂↕️值得一提，其中一个店员服务态度欠佳，不礼貌对待客人咁嘅服务，真心好难令客人想再帮衬☹️，况且食物味道一般（除左咖啡正常之上外）
继续阅读
今次因为赶时间先去食嘅，见到外面啲图画都几吸引，可能期望高咗少少。黑松露带子意粉，有好香嘅黑松露味，不过带子就真系渣咗少少，芦笋都OK嘅，意粉嘅烟靭。焗芝士鸡饭，冇谂过会见到白饭，就算茶餐厅都起码比炒饭啦，可能我见佢意式餐厅，会谂住有啲意大利饭之类嘅嘢，系我期望太高。芝士非常之多，鸡扒都整得好好味。如果将佢转套餐就会有沙律、再加埋汤同UCC招牌咖啡。沙律外表唔多吸引，所以冇影相。个汤比想像中难饮，但沙律又几OK㖞。今次重点系想讲个咖啡，因为想饮杯好啲嘅，所以叫咗latte, 不过latte冇得跟餐. 另外一个就跟咗餐要招牌咖啡。结论系，招牌咖啡好饮过latte，早知悭返啲钱😂
继续阅读
嚟到这间位于热闹街市嘅咖啡馆，㗎嘛有点过瘾！佢𠮶碗香浓嘅蕃茄海鲜汤意粉，真系劲正😍！汤底醒胃，仲飘香洋葱同香草，简直系啱哂爱淡味清新嘅朋友。至于海鲜？我话你知啲虾仔、青口同鱿鱼，新鲜嘅唔得了，每啖都弹牙同鲜甜！再讲吓个照烧鸡沙律，份量大到惊人，够晒饱肚，而且呢个照烧鸡，烟熏香味喷鼻，啲菜又爽口得黎咁新鲜。至于烟肉辣椒意粉，啲烟肉香气迫人，辣椒嘅微辣好刺激味蕾，送俾啲爱挑战嘅朋友啦！最后提提你，佢哋啲窝夫，松脆又香甜，食一块，禁唔住要再嚟一块🙊。员工服务都算有礼貌，就算闸门位便窄啲，有时坐到隔篱桌都用唔着别扭！呢间咖啡厅，可能唔会静得嚟似图书馆，但你想揾个舒服角落，食啲嘢优雅感受下午茶时光，咁就啱哂啦！👌
继续阅读