139
12
8
所有分店 (6)
电话号码
23888284
营业时间
今日营业
11:30 - 22:00
星期一至日
11:30 - 22:00
付款方式
现金
其他资料
加一服务费
食记 (180)
呢晚放工去咗Megabox食饭,商场好大,餐厅亦都多,但无几多间合心水。朋友提议不如食「Mee...lemongrass」,因为经过见到系坐满人的,比较有信心保证🙈。我一直都想试呢间餐厅,佢喺好多地方都有分店,但内心又有啲挣扎觉得佢个样唔多好食咁,今日就可以一试庐山真面目😜。食物选择都几多,小食、喇沙、粉面、饭、炒菜等基本嘢都齐,价钱属中等水平。可能为咗迎合大众口味,餐厅特设珍珠奶茶同水果茶嘅饮料,而唔系泰式奶茶或沙冰🤣。我哋叫咗一个主菜、一碟炒菜同一个小食拼盘Share食,好彩只系叫咗一个主菜,如果唔系一定食唔哂,因为份量都多👍!Mee...喇沙($84),喇沙造型唔错😍,铺面已经见到有好多配料,包括大虾、蚬肉、蟹柳、鱼蛋、鸡蛋、鱿鱼同豆卜,非常缤纷。面底系传统掺掺,即系油面加米粉,两样都好挂汤。汤头唔错,香辣得嚟唔会太过火、太辣,几正😋。不过我哋目测隔离枱叫龙虾喇沙好似更加不得之了,直头连个碗都大啲!Mee...小食拼盘($158),样样小食都想食,咁叫拼盘就最适合不过,份量对二人嚟讲其实都几多。炸虾饼同炸春卷各有四个半件,🍤虾饼系我最锺意嘅泰式小食,只要炸得够脆,虾胶够弹牙就好食;春卷就啱啱相反,系我至憎嘅小食,唔作点评。另外,拼盘仲有无骨凤爪、两只🐔香茅鸡翼同鸡牛串烧各一串。味道都几好,够味的!马拉盏炒通菜($68),呢个都好食,几香口,唔会太重口味,不过就冇话好特别或者好惊艳啦😌!香芒椰汁糯米饭($48),虽然已经好饱,但甜品系放第二个胃㗎嘛。卖相好吸引啵,个碟成只拖鞋咁,好搞笑。芒果糯米饭个样有啲似寿司,芒果系刺身咁😛,自己再淋椰汁🥥。芒果好甜,好好食,不过真系食唔哂大嚿饭。冻鲜果四季春茶($34),味道正正常常啦,唔太甜,亦都食到生果粒🍎,但略嫌饮品贵咗啲。总括嚟讲,我哋都估唔到餐厅嘅东南亚菜超乎预期中好食,价钱又合理,值得推介。环境大,坐得舒服,即系可以唔洗等登去九龙城都食到美味东南亚菜🇹🇭! 继续阅读
(以上食记乃用户个人意见 , 并不代表OpenRice之观点。)
MegaBox实在太多唔同嘅食肆,我之前行过呢间餐厅门口好几次,见到佢个招牌有大大碗龙虾喇沙,一直都好想试,今日终於嚟咗Mee...Lemongrass试吓佢嘅喇沙。餐牌好多菜式都系图文并茂,非常清晰。首先必食嘅当然系佢嘅原只龙虾喇沙,平时喺出面食一碗喇沙动辄都要起码$60-$70,但呢度只系$88,就有埋原只龙虾,真系平过自己煮啦!大碗面上放上一只大龙虾,简直无得输!不过要赞赏嘅唔止系只龙虾,而系佢嘅喇沙汤底真系好香甜,而且佢嘅面底系用上油面同米粉,唔系间间餐厅做嘅喇沙都会咁正宗用上混合面底,所以我谂唔到有咩理由唔食呢一个龙虾喇沙。原只龙虾肉质超弹牙!🦞🦞🦞蔗虾系越南菜中其中一道较着名的菜式,所以我就点了蔗虾,蔗虾总共有三件,而且仲配搭埋越南另一菜式滨海,蔗虾嘅虾肉爽口弹牙,带点蔗汁嘅清香,非常惹味!泰式蚝饼主要就系用蛋包住蚝仔半煎炸,再加入葱花、芽菜等一齐食。每次食泰国菜,我一定要食芒果糯米饭,呢度嘅芒果糯米饭只碟好得意,系一只拖鞋型嘅器皿,芒果糯米饭有四小件,另外再有芒果粒同埋有一兜椰汁,我觉得呢度嘅芒果糯米饭嘅特别之处就系佢上面会洒上花生碎,所以食起嚟特别香口。餐厅仲有自家制类似台式嘅饮料,我就叫咗芝士奶盖茉莉茶,茶底清香,奶盖味浓,真系非常之好嘅配搭。 继续阅读
(以上食记乃用户个人意见 , 并不代表OpenRice之观点。)
等级4 2020-06-13
760 浏览
来到MEGA BOX行完街都想食埋野先回家,之後就找到一间东南亚菜 - Mee...lemongrass。餐厅环境光猛,位与位有一定距离,都坐得相当舒适。看到这Poster都即时想食番碗喇沙汤面。再看看menu 内都有不少种类选择:喇沙汤面、猪扒饭、串烧等等。软壳蟹米纸卷 - $72以薄薄一层纸米卷包着牛油果、软壳蟹、三色椒、芒果和新鲜蔬菜,真的非常足料。真的不用蘸酱汁已很美味,吃起来清新又醒胃。马来蜜汁炭烧厚切猪扒 - $76厚切猪扒非常大块,份量十足。入口满布了香甜的蜜味,肉质软腍弹牙,食到停唔到口。Mee ...喇沙 - $84当然要先试一下喇沙汤底,椰香味浓郁,香甜而惹味。面底是用了渗渗(油面/米粉) ,吃起来特别烟韧、又有口感;而且Mee ...喇沙内有鲜虾、蚬肉、蟹柳、鱿鱼圈、鱼蛋、豆卜、鸡蛋相当丰富。鲜虾更是弹牙爽口,不知不觉就被我吃完整碗了。 继续阅读
(以上食记乃用户个人意见 , 并不代表OpenRice之观点。)
今日嚟MegaBox 行街🛍行到肚饿见到呢到开咗Mee…Lemongrass😻上次系马鞍山食过好好食,今日一於再去食😋餐厅位於11楼,一出𨋢就见到劲易搵😻上次食过呢个小食拼盘劲好食又可以做善事,今次当然要再叫啦😋拼盘种类共有五种😍分别有无骨凤爪、串烧、春卷、虾饼、鸡翼😋无骨凤爪酸甜适中食到好开胃😋春卷炸到甘香松脆,入面仲超级多馅料😻🦐虾饼非常弹牙,非常鲜味👍🏻鸡翼炸到香脆可口,入面仲超级Juice🤤串烧一串系牛肉🐮一串系鸡肉🐔2款串烧腌得好入味,配埋沙嗲酱食非常惹味😋我哋仲叫咗大虾炒金边粉,金边粉份量超级大碟,仲有2只大虾🦐金边粉炒得好乾身,配菜都好多,非常好食😋另外我哋仲叫咗龙虾喇沙,超级抵食大大只龙虾嘅莎莎都系88蚊碗,喇沙入面有两种粉面😍分别系幼身米粉和油面👍🏻十分正宗👍🏻汤底非常浓味,仲有鸡蛋,豆卜,芽菜等配菜,真心推介比大家👍🏻🦞龙虾劲大只仲劲多膏,龙虾肉鲜甜弹牙,非常新鲜🦞88蚊净系食龙虾都抵🤣餐厅环境以园林景观设计🌴感觉如置身於园林之中🌳好舒服🥰因为疫情关系餐厅用白色胶板分隔开,入座客人都必需要量体温🤒️餐厅也为客人准备了酒精搓手液,非常细心👍🏻餐厅食物的性价比超高👍🏻仲可以做慈善💞非常有心👍🏻食物份量都好多😋非常推荐比大家🥰 继续阅读
(以上食记乃用户个人意见 , 并不代表OpenRice之观点。)
自从喺将军澳食过呢一间Mee lemongrass嘅分店之後,成日念念不忘好想再食,好挂住佢哋嘅喇沙面。但系将军澳对我来讲太远啦,但俾我发现原来MegaBox九龙湾都有一间分店啊!太好啦!可以同男朋友过嚟睇家俬之余,就可以过嚟叹埋我哋嘅晚餐啦😍疫情仲未完全过去,餐厅嘅安全措施都做得好足。每人入去之前都要量体温同擦酒精,店舖环境亦非常企理乾净。我哋今次两个人,太为食,忍唔住叫咗四样嘢。我哋异口同声都话一定要叫喇沙,同埋嗰个青芒果汁鲈鱼✨蜜汁厚切猪扒一定走唔甩啦!我哋好欣赏呢一间店嘅猪扒,做得好好食好厚身,而且蜜糖味好香,外层香脆肉质松软。喇沙嘅汤底每次都好想饮晒啲汤,但系忍住左怕太肥啦,因为佢嘅汤底真系做得好好食😱超级浓郁!真系会好想饮晒佢🥺主菜之外,我哋都好锺意嗌呢个咖喱薯仔蔬菜。份量好够而且有好多唔同款嘅蔬菜。最锺意佢有大大嚿嘅薯仔!呢度嘅串烧第一次食,味道正常,配上沙嗲酱好好食,烧得唔会太燶,啱啱好。但系有几旧面包我用左黎点薯仔蔬菜嘅咖喱汁😂最後就系隆重登场嘅青芒果汁鲈鱼啦!卖相超好而且真系好好食㗎!佢嘅鱼皮炸到好香脆,配埋一丝一丝嘅好软熟嘅芒果丝,两样口感加埋好有层次。仲衬埋佢嘅秘制青芒果汁,减去本身炸鱼嘅油腻感。一如既往的好。真系好锺意呢间餐厅,一定会再嚟食!今次冇食到甜品,下次想试吓佢哋个芒果糯米饭。 继续阅读
(以上食记乃用户个人意见 , 并不代表OpenRice之观点。)