McCafe (赤柱廣場)

营业中

休息中

McCafe 出咗杯芒果冰雪。寫明係呂未芒加象牙芒。售價$37。一定要係櫃枱買。自助販售機無此項目。飲咗第一啖，許留山感覺返哂嚟。好大粒芒果肉。味道好似芒果撈。賣相滿分。$37買返個回憶。大熱天時消暑良方。

肥髀要溫習，完咗先去食下午茶，無論有無其他選擇，小朋友都係揀麥當勞，我就真係食到怕，只係食包，再去Mc Cafe買飲品！坐都係Mc Cafe嘅座位舒服，呢度啲咖啡價錢合理，味道唔錯，買杯榛子鮮奶咖啡，店員問要唔要$9加件捲蛋，上次試過伯爵茶Ok,今次試抹茶紅豆，店員又問$16可加兩件（點解唔一次過講）不過唔加喇（好在）！等5分鐘就可以攞！榛子鮮奶咖啡（中）（$27）拉花好靚，好開心，咖啡夠熱，加了鮮奶滑溜，又唔會搶咗咖啡味，易入口！好味！抹茶紅豆捲蛋（$9）雖然有膠紙包住，但個捲蛋好乾，無乜抹茶味！中央忌廉多過紅豆，餡料唔夠！忌廉已經凝固，唔滑，紅豆淋身！不過都比蛋糕太乾破壞晒！店員好爽手又有禮！唔錯！呢度嘅切餅一向唔錯！可能偶然失手！如果可以快餐套餐加錢配Mc cafe嗰邊嘅飲品，就更加彈性！明明同一間店，唔使分咁開啫！

除夕夜！唔一定要好熱鬧！出街同人迫！所以同肥髀晚飯後出赤柱逛下夜景！好多人在酒吧街食緊晚飯！唔多人，但又有除夕氣氛！行下影下相！去到赤柱廣場，已經十點幾！同肥髀入Mc Cafe坐下食件餅！我想試下新出嘅心太軟！雪櫃仲有兩件，一件「抹茶紅豆心太軟」及「朱古力心太軟」，我去櫃檯同男店員講：「要埋雪櫃兩件心太軟」當時佢超忙（唔知點解，突然間三四個人去櫃檯買嘢）佢得一對手，做唔切，同我講要等陣，我話你得時同我講，之後等了10分鐘，佢嗌我！但佢整咗兩件朱古力心太軟比我！我話我要一件抹茶、一件朱古力，個男店員好驚異，我話雪櫃兩件，我以為你哋只有兩件（點知佢雪櫃原來係demo)佢即刻黑面，叫我轉頭來，轉頭佢換咗一件抹茶比我，但無用糖粉灑花紋！我都算，費事再拗！兩件都加熱了！朱古力心太軟--切開有流心朱古力漿，熱熱地好濃，蛋糕鬆軟！花紋唔係咁突出！好味！紅豆抹茶心太軟--無花紋，唔開心！紅豆餡太甜，抹茶蛋糕硬嘅！所以唔好味！味道可以，但一年最後一日都要受氣，就唔係咁順氣！

工作後找點下午茶，同事McCafe的Earl Grey什麼的很好喝，點知去到已經轉了Menu，推出了聖誕節飲品了。我們也無所謂，隨便點些東西，志在歇息。朱古力心太軟幾好味，流心夠流，朱古力味也香濃。榛子Latte奶味頗重，不夠熱，第一口喝下去已是微暖，凍得好快。同事點的綠茶豆奶，我吃了一半綠茶紅豆心太軟。但比較之下，朱古力的較好吃。紅豆不夠流心，綠茶蛋糕也頗硬，蛋糕和流心很分離，像吃餡餅而不是蛋糕。p.s. 真心讚賞McCafe的堂食用瓷杯而非紙杯，環保簡單！