McCafe (荃灣街市街)

营业中

休息中

大媽們都識歎嘅，我又豈會唔識呢? 見佢哋掃貨豐收完，一定好攰了。幾個人，夾埋先消費杯一咖啡，再問職員攞幾杯清水，坐咗好耐，大聲說話，瓜瓜叫，都幾無良。我唔會咁做囉，我會好乖，買杯泡沫咖啡，仲要係加大的，三兜嘢之嘛，抵飲!其實，我係約咗人，未夠鐘，所以要搵個地方坐下。Mc Cafe 當然係一個好選擇，買杯嘢，任你坐，甚至，唔買嘢，學佢哋都唔會有人去趕你。杯咖啡其實好好飲，好香濃，奶泡又香又滑。最盞鬼仲有招牌個M字。

首先, 作為一個小女孩(真的, 係指在下), 我是很喜歡吃麥當勞薯條的。當然, 更好吃的薯條大把多, 不過硬是沒有麥記"梗有一間o係左近"咁方便。最近看到過氣八婆書, 訪問香港麥記的掌舵。這位成功的人不但將我d麥當勞叔叔打入冷宮, 換上又怪又核突的軟x公仔, 而且將全香港多間麥記變成twenty four seven, 學生哥再不用"鐅壁偷光"。麥記這兩年的變化, 有目共睹, 不得不佩服此人也。他說: 即使mc cafe業務不及麥當勞, 也要發展mc cafe, 佔有market share為當務之急。身為麥記之友的本人, 居然沒吃過mc cafe, 說起都有d那個。故趁借洗手間, 因利成便, 吃個甜的宵夜。朋友買了double chocolate cake及blueberry cheesecake, 我就堅持要個麥樂雞餐, 好不豐富。double chocolate cake 難食到呢, 硬得可以掟人, 面層的厚朱古力很濃, 如果蛋糕新鮮d, 鬆軟d, 可能會好食少少, 我是吃剩了50%有多; blueberry cheesecake比較好少少, 芝士不夠濃郁, texture亦麻麻

Mc cafe 係一個幾好的地方坐得舒服又便宜上次試過hot green tea latte今次試埋凍飲不過味道真係比想像中…… 綠茶味欠奉淡到呢！好似奶溝水成杯都淡貿貿好采無叫到大杯否則真係浪費我銀兩

平日經常會到MC CAFE飲一杯咖啡提醒"我本身五係好中意飲咖啡既苦澀味"不過mc cafe真係好好飲"..佢d咖啡全部都係即磨嫁"推介大家一試不過每次買都要等5MIN"

2010年3月10日 ( 2-2 ) 荃灣 ( 麥當勞 - 1 ) 日程：( 耀興麵飽 - 麥當勞 ) 第一次試吃( 麥咖啡 )的林明頓蛋糕，在這裡選購了三種林明頓蛋糕，外買帶回家作飯後甜品。分別是(1)綠茶林明頓($7)，(2)朱古力林明頓($7)，(2)焦糖林明頓($7)，三款吃來不太軟熟，比較乾身，味道也不甚吸引，我不喜歡。

當日真係好凍..所以飲呢杯coffe,真係添一番暖意非常enjoy果種feel >v<不過mc cafe果道實在太多閒人坐..佢地有d唔係飲coffee,只系一味吹水令到我地呢d真係想飲coffee的顧客完全感到無奈=3=而且環境真係好迫..又好嘈=3=不過見到製作過程真係有心機..而且用的材料唔係cheap的個M字真係噴得好靚不過加少少糖會好d,近個面的coffee較為苦點點我呢個本身唔鐘意coffee的人我都鐘意飲m記的coffee =D

freshness burger執了~冇了看書的地方...而且肚子有點不舒服~好想飲朱古力之前我係飲平平地~$5.5 嗰杯的點知mc記唔聲唔聲~杯朱古力慢慢加到去9蚊了..........而且仲要稀左所以近幾次~係轉投mc cafe佢嗰杯朱古力~香濃好多~仲有棉花糖~又有朱古力粉喺面~冇飲幾個月~今日想來試下點知........................一來...cafe係冇人...我喺去mc記嗰邊想叫人~又冇人理我最好...只好大叫....mc cafe有冇人呀!!!!!唉...好啦~有人啦~有得飲啦~叫了$17 medium size坐下~慢慢飲時............o......................做乜淡食咁...............奶味...淡奶味的比例...多到呢......................................................朱古力冇味了~失色了............原本諗住~俾多一倍錢~可以飲多一倍的朱古力味...依家....sorry~同9蚊嗰杯...差唔多.......又冇左一杯好的朱古力了

食飽飯坐Mc cafe等人，男友買左一件blueberry cheesecake...一眼望落去已經知放左雪櫃好耐唔新鮮，大家食左一半已經收工~至於件lamington 好食得多~唔知大家有冇留意麥記經常派mc cafe coupon，同埋mc cafe promotion 本刊物裡面經常都印有coupon。(本書仔通常放係度派街坊) 我買咖啡前八卦企收銀機前睇下本野內容，發現到半價買中杯咖啡coupon ~大家不妨買啡前留意下

因為之後那天要考試, 因此決定「開夜車」溫書, 之前幾次都是溫書中途睡著了, 因此今次下定決心, 飲杯咖啡「打定底」!現時很多麥當勞都開通宵, 其實真的是很方便, 特別是連麥Cafe也開通宵, 既然決定開通頂, 也對自己好一點, 花廿元買杯Mc Cafe的咖啡, 以前飲過幾次, 試過維也納咖啡, Cappuccino, 今次就叫了一杯大特濃咖啡, 希望濃D有效D嘛!特別要求用紙杯, 因為怕天氣冷凍得快, 本人覺得咖啡不夠熱, 味道一定大打折扣!咖啡很香濃, 本人習慣不加糖, 就是喜歡咖啡那種香得來略帶苦澀的感覺, 其實我覺得Mc Cafe的咖啡不錯, 但很多朋友都認為其不及某些大型連鎖咖啡店的出品, 不過咖啡真的是很個人的享受, 很難一概而論。姑不論咖啡味如何, 我只知道那天我喝完咖啡後真的很精神, 或者應該說不想睡覺吧!廿元的消費, 有這樣的功效, 在那裡找呢??

今朝趕時間....在這裡買了一個blueberry muffin...本想在地鐵站既mrs. field 買...但七點幾應該未開....呢間Mc Cafe 開得好早...有時六點經過都已經開左...!講番個muffin....我叫個女仔幫我叮熱番....唔太熱...個面好脆....質感同mrs. field 差不多...不過就少啲 blueberry...但勝在無佢咁油! $12一個好貴....