McCafe (何文田廣場)

营业中

休息中

早餐唔想咁heavy，見McCafé同Green Monday聯乘出左厚切OmniPork Luncheon新餐肉系列，就去左試。早餐Combo包埋杯Latte都幾抵。試左新餐肉碎蛋芝味多士，新餐肉無論味道同口感都同真餐肉好相似，唔講唔知係素肉，而且唔落油煎夠哂健康!多士烘得香脆，新餐肉厚切啖啖肉，同碎蛋芝士非常夾!..McCafé..

作為一名健身教練, 都係會食m記既今日晨早就去何文田做野, 同學生一齊整番個快靚正早餐先啦, 如果唔係邊有力做運動呀! 雞肉火腿碎蛋芝味多士, 蛋白質get!個多士烘得好好, 脆邊既碎蛋加芝士一定係perfect match, 平時自己整飛碟食都必用既兩樣材料黎入面d涵都幾足料, 早餐黎講真係唔錯, 同出面貴價連鎖cafe其實係有得揮, 用埋價錢黎比我會覺得mc cafe更勝一籌添。再配埋杯Iced Latte, 學生要杯Flat White, 真係一個good morning呀

McCafe學人玩芝士奶蓋, 奶蓋勁咸仲要個味好化學合成假到呢......四季春齋飲無問題, 即係綠茶包整凍嘅味, 茶包有茶味(呢句好廢), 但純屬普通野. 當奶蓋同茶攪混就hihi了, 好似飲奶水咁. 我呢杯係免費送, 用錢一定唔買, 如果送多杯畀我都唔會飲, 完敗! p.s. 呢杯野無甜味, 唔知點解個App有得揀幾甜, 我要少甜係連甜都無.

復活節假晚晚食宵夜是常識吧, 揀左McCafe爆谷焦糖芝士蛋糕. 而家啲蛋糕閒閒地四五十蚊都係得細細件, 呢個大大隻都只係$28, 仲要我買咖啡加$18就有, 但質素做得到平野之中嘅堅野. 雖然焦糖味唔係好突出, 但因為加左焦糖, 芝士蛋糕成個味濃郁左更香. 平時佢個紐約芝士蛋糕偏淡口, 我唔係非常渴望食芝士蛋糕都唔會買, 但呢個我如果想食, 又唔打算買貴野, 九成會揀佢.個新仔畀錯紐約芝士蛋糕我, 好在我堅持落去換返 (仲打埋電話落去問定係咪一定有貨換), 如果唔係就同佢有緣無份.餅底幾結實, 又有少少餅碎脆口感, 我鐘意食偏硬嘅野, 呢個質地有加分.

最喜歡早上去mc cafe 食早餐, 14蚊買一杯cappuccino, 然後加13蚊換份三文治,呢個價剩係早上先做到, 因為過左11點後要買中杯裝或以先可以優惠價加錢換三文治。講番D食物, 叩了粟米蘑菇芝士三文治, 先用微波爐叮過, 再用三文治機''hon'' 過。所以食落去果陣D 芝士係可以拉絲的。至於杯cappuccino, 同等價錢可以去7仔買到杯, 但當然, 我至愛的還是mc cafe ~~

看見大海布, McCafe 既 Cuppacinno. 平常都比較抗拒McCafe既咖啡的. 呢次既然廣告中的陳豪又講到咁好.....好吧, 就試試看, 睇下McCafe有沒有改進.夜, 沒什麼人, 服務其實不錯, 好有心機的沖, 好有心機的整返個"M"字俾你. 只是, 那個"M"字, 不是拉花拉出來的.Cuppacinno, 飲落, 泡夠哂多, 而且的確擺脫了美式的勁cream, 勁飽既咖啡. 味道同沖調法, 果然是有進步. 奶味重而不膩, 咖啡濃又帶香. 價錢實惠帶水準. 若果好似廣告咁, 呀陳豪生"對"杯Cuppacinno叫我飲, 我一定會話好味, 之後同我講呢一杯係McCafe, 我一樣會面帶驚訝.

尋日有同事慶祝升職請食西餅, 不過佢唔係請一般西餅, 佢請食McCafe流心朱古力蛋糕. 蛋糕外貌精緻討好, 有雪花圖案, 好有冬日feel. 朱古力蛋糕唔多鬆軟, 好彩流心朱古力幾多同好有朱古力味, 又有少少暖, 冬天食都係一個唔錯選擇.

很喜歡伯爵茶 所以看到新推出這款覺得必須要試咖啡沖調後已帶甜不是好甜之人 所以事先要求少甜拉花雖不是難度高的圖案但形狀工整 顏色深淺有度看着討人歡喜Earl Grey Latte一般是指伯爵茶加入奶但沒有咖啡這裡則加入咖啡 可算是西式鴛鴦伯爵茶的氣味與味道比咖啡強烈大概是6:4的比例因為Earl Grey的存在 氣味無疑是好的但味道並不討我喜心不至於難喝 但那種要苦不苦的味道就是令人困擾 懷疑是茶味太濃引起可是也不好說 這個味道太難形容還有感覺咖啡跟茶的味道混合不來喝起來是茶歸茶 咖啡歸咖啡並不是兩種的合成品喝到底還出了泥巴的口感應該是茶葉碎濕透了殘留在底下造成不過味道還不到嫌棄 喝一次嘗個新是OK但要是一早就知道這個味道當然是不會點了所以這是第一次也是最後一次貌似每次嘗試新口味都不大滿意比如之前推出的Tiramisu Latte更是連喝完也做不到甜死了(╯°Д°)╯（ ┻━┻看來以後還是只點普通的咖啡比較安全.........