影片
港铁荔枝角站 A 出口, 步行约1分钟
继续阅读
电话号码
35800836
营业时间
今日营业
12:00 - 22:00
星期一至六
12:00 - 22:00
星期日
全日休息
以上资料只供参考，请与餐厅确认详情
-
网上订座服务暂停
我哋成日喺荔枝角食饭，完全冇谂过D2以外，原来长沙湾广场都仲有其他选择！呢间居酒屋细细间，bar 枱位置好有feel，好适合同朋友倾偈摸吓酒杯底。餐厅嘅另一边就放咗好多公仔做装饰，似乎都系店主嘅私人珍藏🤩一开始先叫两杯饮品啦，highball 正常发挥，清爽醒神；另一杯好似富士山咁嘅饮品卖相一流，小朋友好钟意！一开始食咗两串串烧，腐乳酱豚肉串味道好好㖞，豚肉系用咗猪面肉嘅部份，口感爽脆！腐乳酱味道几特别，平时我唔食腐乳，点知原来佢用嚟做串烧咁好食！呢度嘅招牌菜南蛮鸡好好食，平时南蛮鸡多数系炸鸡，但呢度系用咗慢煎嘅方法，保留鸡肉嘅肉汁同埋嫩滑度；鸡肉上面铺满蛋沙律同埋秘制酱汁，所有嘢加埋一齐好好食😋之后就食个明太子意粉，明太子意粉大大碟，意粉沾满明太子，味道香浓好味。意粉铺满紫菜丝，增加香气👍最后原来仲有小甜品赠送，系两件餐厅自家制嘅花生酥🤩 花生酥近乎入口即溶，花生味道好浓郁，一定唔可以错过！如果钟意食仲可以成盒买返屋企！估唔到长沙湾广场都有好味嘅日式餐厅，下次再嚟食 🙂
继续阅读
环境好温馨，有日式居酒屋感觉，有劲多日本Figure。前菜有自家制嘅豆腐泡菜，同柚子萝卜。泡菜酸爽，仲有粒粒甘笋，非常醒胃。萝卜清爽，夹埋淡淡柚子香，食不停口。炸池鱼仔非常香脆，外面落咗大量七味粉，内里饱满鲜甜，非常惹味，送酒一流。叉烧和牛串烧，一开始以为各一串，点知系用叉烧酱嚟烧和牛，外面微焦，入面香嫩，有叉烧酱甜之余又有牛味。鸡横膈膜串烧，有咬口而不会韧，配上烧汁，系居酒屋嘅经典美味。招牌南蛮鸡，平常嘅系炸起，今次系用煎嘅形式，配上烧汁姜汁，同埋特制蛋沙律，同爆量椰菜，大满足。呢个特别嘅配搭，唔会太热气，唔会太漏，依旧系南蛮风味，更显鸡肉嘅嫩滑爆汁。最后仲送左甜品手作花生酥添，入口松化，浓香花生，回味无穷。我地仲拣咗signature cocktail 添！ 黄 有啲似益力多，用蛋酒做基底，非常易入口。青 有wasabi 调味，好清新，仲有微微果香，食完浓味嘢就至夹。
继续阅读
减碳行动继续进行中，今次去咗荔枝角嘅一间日式小店，见到个门面就觉得呢间店好有心，连Menu都自己画出嚟🤣店内环境都好舒服同温馨！前菜 free店员俾咗两款前菜我哋食，一款系腌白萝卜，另一款系腌娃娃菜，店员仲新资同我哋介绍娃娃菜系用咗豆腐、甘笋、大蒜同埋寿司醋去腌，好开胃好好味，而且系之前未食过嘅味道，好香豆味，而且又有大蒜辣辣地！富士山 $48香桃可尔必斯梳打 $48富士山呢款饮品完全系打卡able，估唔到味道都好唔错，用咗荔枝、Lemonade、菠萝同梳打等调制而成，唔太甜，啱晒香港人👍🏾而香桃可尔必斯梳打就酸酸甜甜咁样好开胃又好醒神！牛蒡山 $68店员同我哋介绍呢个牛蒡山，系将牛蒡刨成一条条再拎去炸，再用盐同糖调味。本身见到咁大份都吓亲，但呢个系食到停唔到口！牛蒡炸得啱啱好，口感有啲似新鲜炸出嚟嘅薯片咁，但感觉又好似健康啲😆调味调得啱啱好，朋友直程话好味过食过嘅所有薯片！明太子包包 $48平时去日本餐厅或者居酒屋叫嘅明太子食物，好多都系捞咗大量沙律酱，呢个系冇特别捞到沙律酱，明太子味好浓郁，仲有少少辣味好过瘾！三文鱼腩串 $38平时三文鱼腩刺身就食得多，估唔到竟然会拎嚟做炸串，又几有惊喜，外脆内软而且入口即溶，仲配埋酸汁俾我哋点，可以用嚟解腻👍🏾腐乳松阪猪(两串) $88烧鱿鱼串 $48腐乳松阪猪好值得推荐，店员介绍系先用腐乳做调味，最后喺上面加少少蜜糖，真系平时好少食过嘅味道，而且啲松阪猪好爽口，好正！烧鱿鱼串就好新鲜，抵赞嘅位系我哋得两个人食唔晒原只嘅鱿鱼串，店员帮我哋安排咗单串嘅鱿鱼👍🏾茄子大阪烧 $88呢个系成餐饭最经验到我同朋友嘅食物，冇谂过茄子都可以做到平时大阪烧粉浆嘅口感😍正值减肥戒紧碳水化合物当中嘅我都可以过下口瘾，佢同大阪烧真系有90%相似，好好味呀！合桃饼 free餐厅最后仲送咗两块合桃饼俾我哋食作为饭后甜品，见份量唔多我都食咗🫢好酥脆又好香牛油味！餐厅比客人饮嘅茶唔系普通嘅绿茶同玄米茶等等，我同朋友都一致觉得好饮，问返店员先知原来系玫瑰花茶嚟🤩全餐饭嘅体验都好唔错，嘢食又好味，而且店员都好好服务，换上一道菜都会过嚟同我哋介绍点样整同埋有咩特色，真系做到日本餐厅嘅服务👍🏾希望呢间小店可以有更加多人认识同支持🥰
继续阅读
位于长沙湾广场3楼 系一间主打日式fusion嘅居酒屋🏮环境舒适 菜式有心思 老板对食物同自己嘅出品都好有要求💯而且佢哋会主动同你倾偈 介绍每款菜式 服务超高质🤗·`♡·三文鱼腩串外层烧至香脆 鱼油丰富 入口即溶 非常滋味 满口充斥著鱼油嘅满足感🥰·`♡·明太子意粉用上弹牙意粉配上浓郁太子酱 铺满紫菜 咸香开胃🤤·`♡·古法制南蛮鸡好特别🩶系日本古老嘅做法 用煎嘅方式烹调南蛮鸡 一样做到外脆内软 再用姜汁和醋整成嘅酱汁 加埋蛋沙律 食到唔停口 ·`♡·腐乳猪豚肉用上猪面颊肉腐乳调味 外层搽上蜜糖🍯咸中带甜 肉质软腍 好惹味 ·`♡· Fuji mountain富士山造型嘅mocktail🩵打卡好靓 波子汽水嘅口感 无酒精🫧·`♡·橙 CocktailSake杯上枱🧡味道酸酸甜甜 酒味唔会好重 容易入口·`♡·自家制花生酥Staff送嘅饭后甜品 👏🏻自家制嘅花生酥🥜花生味好浓 入口酥脆 有兴趣仲可以买礼盒装💖一盒有8块🍪
继续阅读
唔讲唔知，原来长沙湾广场入面有一间高质居酒屋隐藏左系三楼😍一坐低店员就即刻送上前菜🌟 酒渍萝卜萝卜系用咗日本酒去浸，入口清新，开胃又易入口🌟 黄金泡菜小食叫左🌟鳕鱼片烧到脆卜卜 好似食梗薯片沙律酱洒左小小七味味 辣辣地 好开胃 令人一块接一块甘食串烧🌟柴苏鸡皮鸡肉串呢个系我第一次食到，好有层次好特别！佢系 (鸡肉->紫苏叶->鸡皮)鸡皮包住紫苏叶咁拎去烧 外脆内嫩鸡肉多汁，紫苏叶清香解腻 咸香脆口层次丰富😍🌟鸡横膈膜 鸡横膈膜既一个小肌肉唔系内脏肉质弹牙带嚼劲 配上照烧汁 油脂适中，系我第一次食呢个部位嘅串烧，好特别😍🌟古法制南蛮鸡 有6旧 份量好多！佢特别在于其他店舖嘅南蛮鸡多数系炸，而呢度系煎鸡上脾肉，冇咁热气又好味！而且上面铺满蛋沙律同椰菜，好开胃！饮品方面，我就叫咗个Cocktail🌟蓝有好香荔枝味，酒味亦唔会好重 所以都好容易入口😋🌟提子可尔必思梳打食到最尾，店员仲请我哋食佢哋自家制嘅甜品🌟花生酥好浓郁嘅花生味，入口酥脆除咗花生味，仲有黑豆芝麻味，都系佢哋自家制㗎，真系一间好有心思嘅小店😍
继续阅读