影片
相关文章
喺附近返工咁耐都未试过喺度食早餐，就入嚟试下，叫咁炒蛋火腿肠配多士，蛋牛治同冻奶茶少甜虽然都系一般周围都食到嘅加工食材，但佢又真系整得好食啲，啲嘢有心机煎同炒，蛋有奶香，多士搽满牛油，蛋牛治嘅咸牛肉都够多，奶茶个茶底就淡啲，但饮落都还好嘅，如果份量大返啲就好喇
继续阅读
今日lunchtime 去左一间位于远东金钟嘅餐厅小店可以打电话外卖自取 另外都有些少座位打电话10分钟左右有得拎 超级方便！嗌左个焗海鲜饭 $72 , 价钱还可以接受 食物方面 好多𩠌！好香！好味！绝对值得推介👍🏻👍🏻支持小店！
继续阅读
虽然铺面完全唔起眼 但食物质素的确有惊喜👍🏻系港岛区食餐饭 闲闲地都6、70蚊起跳仲要唔一定好食所以 遇到一间好餐厅 真系可遇不可求今次我就试咗焗肉酱意粉+冻奶茶(少甜)肉酱意粉上的芝士咸咸香香 铺满面😋芝士控表示好满意而冻奶茶更值得一赞👍🏻茶味浓 而不涩 而且又唔会俾淡奶抢过风头埋单都只系$65附近返工的朋友 中午谂唔到食乜好大家可以一试😉外卖可先打电话Oder可省却系门口等待的时间⌛️毕竟中午时间又热又晒 以最快的速度来回先系最明智😎
继续阅读
餐厅位于远东大厦地下，地点如果系商场落去比较难揾，要小心2条电梯里面近大快活落去，而地铁站Ｃ出口一出对面先容易D揾到。餐厅大概有8个位左右，所以大部分人都会外卖，1点食饭时间店舖会企满人，所以想堂食就要早小小去了，食物价钱方面算正常，意粉平均都系$60左右，今次叫左蒜香牛肉炒意粉，意粉口感弹牙，唔会太稔，而味道不错，蒜味突出，同牛肉非常夹。餐厅亦会提供唔同调味料比客人调较口味，例如黑椒、胡椒、芝士粉等等。
继续阅读
晨早流流8点几就到金钟，当然要食返个早餐补充体力💪🏻 其实我都系落巴士行过见呢间店细细哋，但又几好坐几舒服，见早餐价钱都合理就入去试吓啦！😂见都几返工一族喺度买外卖拎走食，店员态度亦都唔错。🔸蕃茄肠仔蛋汤通粉，饮热奶茶🔸 $35 虽然系堂食，但比嘅都系外卖餐具同器皿。🍅蕃茄汤就有原嚿蕃茄系底可以成嚿食🍅🍳太阳蛋煎得几好蛋白唔会好生🍳🌭有2条厨师肠食都几好🌭蕃茄汤个人嚟讲就觉得偏酸咗少少，但至少食落唔会觉得好重味精，有杯热奶茶咁$35系金钟嚟讲都算系咁～
继续阅读