影片
港铁荃湾西站 A1/ D 出口
继续阅读
电话号码
23285655
开饭介绍
开设于1998年，由曾于多间酒店任职的大厨创立，以传统意大利菜及扒类为主打，亦有生蚝、海鲜等菜式供应，消费平易近人。
继续阅读
营业时间
*最后落单时间 22:00
星期一至日
08:00 - 22:00
公众假期前夕
08:00 - 22:00
以上资料只供参考，请与餐厅确认详情
又想食生蚝！揾下荃湾有冇边间餐厅有蚝食。呢间喺荃新天地二期，望落冷冷清清。我觉得特别系有个中东国籍叔叔喺门口弹住结他唱歌。讲返食物先，我地叫左一个套餐＋生蚝＋意粉。生蚝拣$28法国生蚝，非常新鲜，3只其实唔够喉，不过留返下次再食啦。头盘面包个酱几惹味，我食右边𠮶个吞拿鱼味。其实好普通嘅野，但佢整得系好味。汤系南瓜汤。汤比较水，睇相会见到，味道正常，唔会水得黎劲淡冇味意粉叫左个虾意粉，散叫嘅，太耐都唔记得系咩味，记忆中系正常野，味道唔差嘅意粉。然后系我最期待嘅主菜！鹅肝＋牛。男朋友麻麻地鹅肝，所以大半旧都俾我KO左。正正常常，果然两个人食ok，又牛又鹅肝真系搞唔掂，太油腻。最后系甜品，心太软配雪糕。呢次食心太软觉得有啲怪，因为配嘅系咖啡味雪糕，始终心太软配雪尼拿雪糕先系perfect match 。人均消费大概300-400蚊左右，餐厅睇落比较噏耷，家私比较旧，唔知系咪因为咁所以冇乜人黎，加上我地比较早黎食饭。我地走𠮶阵开始有客黎，但都系比较静。野食正常，都唔错。check返先知依家舖头改左名，全部家私转哂翻新，依家睇落光鲜好多，下次会去间新舖试下。
继续阅读
假日甘啱同朋友去到荃新天地，机缘巧合下就试到呢一间餐厅，初头俾佢的平价餐单吸引了。点知一坐低嘅时候，就已经发觉到餐厅内充斥着一阵非常之奇怪的味道，如果真的要我去形容，我只可以说是坑渠味，以及有一种湿湿粒粒的感觉。朋友叫了一个卡邦尼意粉，我就叫了蚬肉炒意粉。朋友的卡邦尼意粉，烟肉的部份改用了辣肉肠，个感觉，味道完全是另一回事。感觉整个意粉及辣肉肠是完全分开的两回事，只可以说，当辣肉肠单独进食是好味的。我的蚬肉炒意粉，就表现正常，味道偏淡，搞到我要落咗好多盐同胡椒粉去调味。最搞笑的是，我从来未试过喺餐厅饮过一杯可以咁难饮的冻柠茶，茶味非常之奇怪，完全冇味道，只有颜色。我只可以说水吧的员工刀功必定非常之出色，因为每一片柠檬都比纸更薄。
继续阅读
一早想试，但门牌写住oyster bar令另一半一直不肯去，直至屋企人吃过早餐后，我抱住尝试心态去带另一半试。价钱不贵，午市套餐$48也有交易。我自己叫了香草鱼扒饭，热柠茶。点餐时要求多汁，卖相不差，汁也算可以，很香口，但我还觉得不够多。鱼扒比较干，也较硬，近来要吃很林身的食物，最后一口鱼扒已经吞不下去。环境非常舒适，门口也写住通过检测，吃得较安心。
继续阅读
误打误撞入左呢间餐厅，真系有惊喜！叫左一打生蚝送左支白酒，生蚝真系好新鲜，好好食！拣咗四款唔同级数法国蚝，特别推荐女神和Gillardeau！两款生蚝分别鲜甜同好creamy，同白酒真系好夹！店员好Nice，教我哋生蚝好食啲嘅食法，分辨Gillardeau真假，今次食生蚝真系学到好多嘢！店员、表演者同客人都有互动同交流，令餐厅气氛唔错，最钟意系有真人弹结他唱歌，唯一美中不足嘅系餐厅嘅环境相对狭窄。
继续阅读
今日主题是美中不足。原本计划去溜冰，原来因为疫情关系，未开放俾公众人士。只好用美食来弥补遗憾。我们2人将下午茶配搭到正餐，full set锦食，完全系平靓正。包含了前菜沙律，主食，甜品和饮品。最爱就是心太软甜品，是黑朱古力，不会太甜，再配合咖啡味的雪糕，一冷一热的配合超赞。重点，心太软是流心的，有时候其他餐厅控制得不好，会做成实心，但这个不会。以$38的价钱包含饮品真系超值。全部加埋一都不超$150，已经食饱饱，2人share 食来做下午茶，已经非常好，会下次再去。
继续阅读