影片
以上资料只供参考，请与餐厅确认详情
经过金钟廊 嗅到一阵超香既芒果味 原来开左间叫Mango Madness 既芒果饮品店 舖头门口又有芒果卖 入面除左饮品仲有芒果干卖 岩晒芒果迷 亦都有埋健康饮品岩晒唔同人 我地叫左椰子风情 由芒果粒 椰子 香蕉 椰果再加上海盐 椰子片及焦糖调制而成 口感丰富且层次分明 每啖都有芒果同椰子嘅清甜 而海盐与焦糖嘅搭配更系画龙点睛 个口感好rich 可可狂热 呢杯饮品将芒果粒同可可风味完美结合 可可粉 可可糖浆同可可粒增添咗浓厚嘅巧克力香 再配埋乳酪 菠萝 香蕉、燕麦与椰奶 味道意外地和谐 口感饱满丰厚 都几饱肚架芒果木槺 好似平时既木槺布甸但相对下多阵芒果香味 劲到每一啖都嗅到 捞埋木槺食 超夹 超推介👍🏻另外黎紧Mango Madness会系3月26-28号 11am-7pm有grand opening 所有smoothies有8折 甜品仲要$30起 大家可以试下🥰
继续阅读
金钟廊新野，见店面几靓，又系做芒果，食完个lunch 就谂住买黎试下佢$45 S size $55 L Size 买完见佢整，见佢用浓缩果汁落下，个下心谂，大件事了，不过算啦，都应该唔差呱，等左3-4 分钟就有，饮第一啖，我成个人好疑惑咁望住杯野谂，x 我叫错咩?我完全饮唔岀咩味，然后我再饮，x 衰过许留山😡!成杯野十分难饮，系香港饮品店竞争咁激烈下都可以整得咁难饮，真系好难得.招牌芒果狂热(椰奶)，竟然可以一啲芒果同椰奶味都冇,我都唔知自己饮紧咩.大家唔好信咁多网上打手 ，一定无下次.
继续阅读
经过金钟廊好几次，留意到呢一间芒果饮品专门店，门口仲有售卖新鲜芒果，睇嚟真系芒果迷既朝圣地！今日早咗放工，有一个悠闲嘅下午，就谂住买杯饮品，慰劳吓自己😊😊原来除咗饮品，仲有几款甜品选择。认真睇佢哋嘅餐牌，每一款饮品都好特别，仲有一啲好健康嘅材料，好似奇亚籽、豆奶、姜黄粉、螺旋藻等等，好多超级食物！抹茶时光我都几钟意牛油果，但系从来冇谂过可以同芒果摆埋一齐，所以胆粗粗试吓😄😄依杯饮品结合左芒果、牛油果、抹茶、乳酪、椰奶，味道层次丰富，又有少少复杂，好特别！牛油果味好突出，但饮饮下又会有阵阵嘅抹茶味道，系抹茶粉发挥嘅功效，跟住又可以食到甜甜地嘅芒果粒粒，成件事几有趣，几清新👍🏼👍🏼买大杯嘅饮品，可以用优惠价买甜品，咁我嘅下午茶就更加圆满啦！木糠布甸配搭上芒果，原来都几好食！因为芒果本身都好软熟，又多汁，配上同样软熟嘅木糠布甸，口感好柔软好滑，推荐！另外买咗一杯薄荷旋风俾屋企人，评价都系一样，健康、有趣、清新如果大家都钟意创新嘅饮品食品概念，又或者好钟意芒果/ superfood，咁就可以bookmark呢间小店，分分钟有惊喜！
继续阅读
今日同朋友行过金钟廊嘅时候见到这间以芒果为主题的饮品店，见到每一款饮品都含有芒果或其他生果打造一杯健康饮品还有一些以芒果做的甜品。🌸招牌芒果狂热(L) $55这杯招牌芒果狂热应该是饮品店的主打，用了新鲜芒果肉加了浓缩橙汁、椰子奶、碎冰打成杰身，并在表面放了一些芒果肉粒及椰子干。🌸可可狂热(L) $80可可狂热也加了芒果肉、菠萝、香蕉、乳酪、椰子奶、可可粉及碎冰打成杰身，并在表面放了一些芒果肉粒、可可粒、燕麦。🌸芒果木糠 $45芒果木糠表面有一朵芒果花，这是即叫即做，可以看到职员将芒果逐片逐片整成一朵花，看到好治愈。
继续阅读
来到金钟的Mango Madness，芒果爱好者的天堂，全部饮品都有芒果㗎，仲有芒果甜品添。先点了饮品，发觉点大饮品加购甜品有半价，那也加一杯甜品吧😋⭐薄荷旋风 MINTY TWIST自己点了个薄荷旋风，水果主要有芒果、奇异果、香蕉打成，其余仲有薄荷叶、螺旋藻同椰奶，入口香甜清新，浓郁嘅水果味酸酸甜甜，好饮😋⭐夕阳滋养 SUNSET CLEANSE朋友点咗会夕阳滋养，有芒果、菠萝、石榴，再配上甜菜汁、姜黄粉，入口香甜，口感较杰身，饮完一杯好有饱足感😆⭐芒果木糠 MANGO FLOAT甜品拣咗芒果版嘅木糠布甸，就系木糠布甸上面加咗个芒果花，卖相同造型都几靓😍布甸口感较硬，但入口都系滑溜嘅，甜度刚好，正👍所有食材都系即叫即打，健康无添加，饮得安心 😋
继续阅读