影片
以上资料只供参考，请与餐厅确认详情
深水埗是个多元种族共融的地区，尤其有不少南亚风情的餐厅。这间印度/尼泊尔菜在Google Map风评不错，而且价钱实惠，午餐或晚餐有多款咖喱，可配饭或naan，连汤及饮品都不用$100。脆脆餐前小食，不知不觉便食完一整碗。咖喱鸡配白饭、蘑菇汤 ($78) 蘑菇汤很浓郁菇味，比一般西餐的餐汤要稀一点及多些香草味，不过整体可以接受。红咖喱微辣，香料味恰到好处，非常好𩠌饭。之余主食鸡肉在咖喱中主要是焖得烂透的鸡丝，肉量不算多，还有对一般成年人来说只能算刚刚好。其余材料有青瓜丝、车厘茄等等。座位坐得宽敞，店内播放着印度风情的歌曲增添气氛，加上价钱合宜，是间间中想起印度菜又在附近可以一试无妨的餐厅。
继续阅读
周六傍晚去咗呢间深水埗小店食尼泊尔菜😋 我哋叫咗两个晚餐，一个系鸡肉Masala（$98），另一个系奶油咖喱芝士粒（$88）。啲餐可以拣跟印度饼或者饭咁我哋一个叫饼一个叫饭！唔需要加一👍👍餐包咗汤、主菜同饮品。我哋其中一个餐加咗$6要甜品🍧。不过𠮶日冇晒汤，就转左炸洋葱。炸洋葱🧅香口但油咗啲。鸡肉Masala。$98。唔好睇佢细细兜其实好多件鸡好足料。咖喱香浓，加埋芫荽香料，好食🤤鸡肉唔会鞋烚烚！𠮶件印度饼叫得过，因为份量多，而且唔会油淋淋👍奶油咖喱芝士粒，$88。啲芝士食落有啲似水牛芝士，口感烟靭又有芝士味。个咖喱食落好明显系甜啲嘅，都系浓郁🤤。建议芝士唔好浸得太耐，芝士就唔会老咗👍炸鲜奶球加糖水。个糖水系姜味嘅偏甜同埋偏油，适合重口味嘅人，我就试过就可以了。总括来说两个主菜都好食。隔离枱pizza都似乎唔错🤤定价都合理👍应该会有下一次了👍
继续阅读
餐厅开喺深水埗无咁多人流嘅元洲街，价钱相比其他同类型嘅餐厅抵食，而且仲唔收加一服务费，加上食物质素都几好，店员都好殷勤咁斟水又好有笑容，希望会多啲人嚟帮衬下呢间小店啦~Menu上面除咗一般尼泊尔饺子、印度咖喱薄饼，仲有其他汉堡包薯条、牛扒意粉呢啲，其实都真系几多选择，同埋感觉到餐厅都想多元化啲。不过试异国菜餐厅，就当然系想试一啲地道嘅菜式，于是两个人就点咗一份Set Dinner再加两份小食。🍄Soup of the Day (included in Set Dinner~free)餐汤系西式新鲜蘑菇汤，热辣辣嚟到，饮落有淡淡嘅菇味，加上有隔过渣，所以系好滑。🐔🥘Chicken Tikka Masala + Naan $98 (Set Dinner)呢款烤鸡咖喱好香香料味，佢嘅辣唔会太辣，几易入口。以印度烤鸡嚟讲，佢啲鸡粒嘅肉质唔柴。不过肉喺呢道菜入面其实唔太重要，咖喱好味就得。Naan就同平时食开嘅有啲分别，无烘到好脆口，但就好软熟唔油腻，用嚟点咖喱一流。🧆Pani Puri + Dahi Puri (8pcs) $58每次食唔同餐厅嘅印度波波都无令人失望。因为想两款都试唔洗食死一款咁闷，就问下店员可唔可以双拼，听到佢话OK~劲开心！呢间个酥脆波个脆度争咗啲啲，有酸奶𠮶款比较快淋，但两款嘅味道仍然系好好味嘅。Pani Puri个薯仔味会几出，而Dahi Puri酸酸甜甜几清新几开胃。🐔🥟Chicken Momo $78饺子好似走咗汤汁嘅小笼包。外皮有小笼包𠮶种烟烟韧韧嘅感觉，系个馅由猪肉变咗鸡肉，但唔会食到一丝丝嘅鸡肉，应该系搞碎晒先用嚟做个馅，就系好正常嘅饺子。用嚟点饺子嘅辣酱系带有香料味，几特别而味道都唔错。🥭🍹Mango Lassi (Set Dinner +$18)原本set dinner系包free soft drink，但食印度嘢梗系要饮番杯Lassi！Mango Lassi嘅芒果同酸奶比例有平衡到，浓味得嚟又唔会太甜~尤其系食咖喱𠮶阵个口辣辣地嘅时候，饮番啖就最爽！📜Menu:
继续阅读
masala 好食！（少辣）食到多种香料既厚度！🍛香草香叶令佢有提升🌿鸡肉亦都唔会太干柴 都算滑饺子好食皮唔会太厚👌🏻酸奶波波好有趣！👍🏻香港好少有呢啲食😌by the way 侍应哥哥服务态度好好虽然我同佢两个嘅英文都系半桶水但系佢每一次都好有礼貌 有笑容咁递上食物又会介绍酸奶波波要点样食留意到我哋需要手套 好快就提供执枱亦都好快手set dinner有汤有咖哩有naan仲有野饮唔使$100边到揾？
继续阅读
The food was amazing and delicious plus the service was awesome. The fusion of Nepalese, Indian and western cuisine was a must to see in their menu. The Nepalese dumpling (mo:mo) was the highlight on the menu. Onion bhaji was well cooked crispy and yummy. Liked the chicken tikka and nan bread. Chatpate and samosas were mind blowing as a starter. The main course was a delight, the Nepalese thali. The Mandala Thali was awesome and well appetising. The desert Tiramisu was delicious too. Definitely trying again with friends and family.
继续阅读
您可能会有兴趣的...