影片
招牌菜
之前上网见到个蛋糕好靓，咁岩有朋友生日就买个试一试，最尾都系买左个signature Dancing feather蛋糕，痴线，劲好食，蛋糕味十足十，蛋糕有蛋糕味，啲cream 甜度又岩岩好，唔会太油腻，仲可以要求蛋糕少甜，少甜，少甜，好重要，所以要讲三次，同埋鸡蛋味超浓，唔会似平时出去𠮶啲连锁店咁，食得出好新鲜，应该系即日制做，同埋送货超快，已经plan 紧下次朋友生日试下另一款，同场加演，交收见到店主姐姐人靓声甜，高高瘦瘦，生日牌啲字仲写得好靓架～
继续阅读
上年生日男友晌呢度小店订左个蛋糕，男友知道我钟意kitty蛋糕，就叫左小店师傅帮手谂下蛋糕既款式，果然冇失望白雪雪既hello kitty蛋糕，圆碌碌既kitty仲有小珍珠配搭高贵感大增味道又唔算好甜 fresh 岩哂唔太食甜野既我，多谢小店师傅既心思 🤗岩岩仲见到fb post 开左新店，一睇装修就知小店主很有心思，kitty 系我大爱，其后就系笑哈哈，笑哈哈公仔带比人感觉好开心，总言整个店铺感觉好relax好舒服 会再帮衬小店 支持
继续阅读
以往啲连锁蛋糕店整蛋糕通常都最少一磅起，不过而家佢地已经了解到巿场需求，一磅对好多人/party黎讲都系太大，所以已经好识做咁开始做半磅。上星期有两个朋友咁啱同一个星期内生日，谂住夹埋买个蛋糕食完餐饭切个饼，就当简单庆祝下。提前一星期不断留意啲蛋糕店都无样啱心水，半磅始终选择系少好多，不外乎系鲜忌廉、鲜果、朱古力或抹茶𠮶啲，唔好讲话啲嘴馋嘅朋友，我𠮶关都过唔到。搭上搭有朋友介绍Mad Time Studio，之前买过蛋糕，好食又有特色，又有实体店，不妨试下。被店员 (或者老细，因为佢介绍得好专业) 推介哩个奶香焙茶千层， (当时)响某平台仲做紧优惠价，我唔系响平台落单，店员都照比优惠价，体贴。焙茶味香浓，唔甜，仲有阵坚果香味，每层中间夹住忌廉，不论口感同味道上，效果都令个蛋糕唔腻，最紧要系个份量，食完饭三个人食啱啱好，唔驶你推我我推你，不情不愿咁食埋个蛋糕。 (现实张相靓好多...)现场去拎蛋糕时见佢有macaron同件装特色蛋糕卖，顺手买埋黎试下。Macaron 系伯爵茶同玫瑰味4 件 ($88) ，钟意佢玫瑰味有香味得黎系唔太甜，(系嘅玫瑰味肯定系香精，但系起码佢唔系𠮶啲甜到一食就知假，少少幻想都无嘅味道)；反而伯爵茶比玫瑰味甜，老实说……我都系喜欢偏淡甜多啲嘅味道，所以我推玫瑰味。另外买咗𠮶件玉子焦糖蛋糕好有惊喜！佢似法式焦糖布甸 ﹐但系因为佢系正方体，五边都沾有黄糖，用火枪轻炙至焦香，焦糖微暖而香脆 (仲要系拎到返去公司成个钟后都仲有哩个效果！)，里边布甸质地挺身但仍能保持幼滑，有别于一般法式焦糖布甸，最紧要又系佢唔会得个甜字，真系有蛋香。虽然网上蛋糕店唔一定信唔过，但有间实体店系方心好多 ，讲真佢同连锁蛋糕店价钱又唔差得远，但款式更有特式，唔会一式一样又系食𠮶啲款，值得再帮衬。
继续阅读
其实已经帮衬过呢间蛋糕舖几次，因为系我屋企附近。之前有次觉得好难忘嘅系买chocolate brownie，佢系即叫即整，整完ready好就叫我过去攞。个brownie外脆内软，流心的，仲热辣辣，真系好好味😋 今次因为要买散水饼，所以拣左两款不同嘅roll cake，分别系earl grey citrus roll (伯爵茶橘皮卷蛋）同 banana chocolate crunch roll （香蕉朱古力脆脆卷）去多谢同事们的照顾。开头问店主意见应该买咩味嘅卷蛋时佢都有耐心咁解答我问题（因为我未食过佢地嘅roll cake)，最后拣左呢两款。收到嘅时候包装好靓，啲同事见到都话好靓，仲话点解我屋企附近咁好有呢啲蛋糕卖😂入正题😂 我偷食左件banana chocolate roll cake 觉得香蕉好fresh，然后啲cream好好味，唔太甜，但又好有口感，加埋啲朱古力脆脆，食落好满足🥰 其他同事都话earl grey都好味😋 加上啲roll cake都几大件（1个roll可以切到7件cake)，价钱连埋整cake嘅时间同人手，仲有心思，计落真系唔太贵。所以我应该系会再回购架，同埋试下其他味😆
继续阅读
自从上次食过Devil Chocolate cake之后，就对上面嘅蛋白脆饼念念不忘，难得今次可以散买，即刻扫左3罐🤭🤭今次嘅蛋白脆饼配上青柠，食落渗出啖啖青柠果香，亦同蛋白脆饼本身嘅甜味取得好好嘅平衡。朝早用嚟送杯咖啡，简直系100分，不过知道小店主要用蛋白脆饼嚟整蛋糕，好少散卖😂所以希望嚟紧可以多啲配搭唔同味道，整嚟散卖就好。
继续阅读