Loft 7 (已結業)

機緣考合認識這間餐廳，交通方便，奧運站出嚟幾分鐘就到，員工友善🥰第一次嚟員工都會主動嚟同你傾吓偈🤭食物方面。。。。抵👍尤其係佢個牛扒餐，牛扒+紅酒=698，牛扒絕對唔係hea, 廚師用心製作😋小食拼盆同芝士火膜腿拼盤都係我最愛，價錢我個人覺得好抵，最近仲有印花優惠, 全單八折，送香檳等等都非常吸引🥂呢間餐廳主要係想promote 大家飲wine, 特別係香檳，所以好啱我😍…查看更多

星期六晚食完飯行過呢間酒吧餐廳，聽見Happy Hour買一送一就諗住坐底飲兩杯，雖然當時係星期六既7點零，黃金時段竟然一枱客都冇，心入面都覺得伏伏哋，同埋歌單都唔好聽又放得好大聲，但都係諗住只係坐一陣就算啦。入到去，有個女士，唔知係老闆娘定waitress，就遞咗個drink menu俾我哋，介紹咗幾款酒同講咗happy hour買一送一，其中提過一款highball＄68，咁我就落order啦。中間一切都正正常常，係覺得個老闆娘／waitress對個嚟拎外賣嘅嬸嬸態度好差之外同真係坐到9點都冇人幫襯之外都冇乜特別。點知到埋單嘅時候，冇為意之下俾咗錢，再check返張單，發覺＄68一杯嘅highball佢收我＄98杯，同佢講返，佢就話唔好意思搞錯咗（註：雖然佢好明顯一啲唔好意思嘅意思都冇），咁就cancel返張單再俾過，今次我醒啦望清楚張單先俾，嘩唔望尤自可，一望把幾火，你唔好意思後張單仲貴咗！再同佢講，佢就好似被踢爆咗惱羞成怒咁起哂杠，俾我哋睇返原來menu嘅另一個位有另一種highball要＄108，仲話＄68個種highball冇晒同佢冇提過＄68 highball呢樣嘢，最後不情不願同好似佢蝕咗底咁收返我哋＄98杯，真係多謝晒。跟住上嚟睇返啲comment，原來個老闆娘／waitress係慣犯，成日想搏大霧。其實即使係＄108杯買一送一圍返都係＄54杯，但佢呢種不誠實嘅做生意手法就令人好唔舒服囉，亦都明白晒點解星期六黃金時段都冇人幫襯啦，如果個女士係waitress，希望個老闆正視吓，如果係老闆娘，只可以講，I feel sorry for him:(…查看更多

今次一行四人 去大角咀搵嘢食 你到奧海城後面嘅一條小街 就去試下呢一個 面積唔算太大 大概有頻至七枱客每一個午餐嘅套餐都配咗一個湯 今日係番茄湯🍅湯味好濃郁，好足料🤩同平時飲開嘅羅宋湯或者蕃茄湯都好唔同，好好味🤤🤤🤤🐟香煎比目魚、松露薯蓉 $138比目魚整得好好食😋魚肉好滑，魚皮亦都夠脆😝😝上邊淋咗一啲切咗好細粒嘅菠蘿 ，加埋個醬汁，酸酸地好好味😊個松露薯蓉味道好重好滑，超鍾意🥰🥰🥩燒阿根廷安格斯肉眼牛扒250g $178一上枱已經見到個肉眼扒好大塊😨都配上咗蕃薯條😊肉眼岩岩好七成，肉味重亦好淋都好重👏番薯條炸到好脆，甜甜地，好好食🤤🤤🐷西班牙伊比利亞豬鞍架、松露薯蓉 $148呢個豬鞍架有啲驚喜👏店員介紹呢一個係慢煮😚平時我都唔係好食豬鞍架，但係呢一個整都好軟淋，肉味亦都好重，加埋佢配上嘅醬汁同薯蓉，又係好好味😋😋店員好熱情招待，又細心👍食物味道又好好，呢間會返轉頭再食👍👍👍…查看更多

一入餐廳門口已經見到個酒櫃，牆上都擺咗好多唔同嘅酒樽，餐枱係高身吧枱，適合一班朋友飲吓嘢，主食好有驚喜。。避風塘番薯條 $78有好多避風塘調味辣辣地，番薯條屬於幼身，keep住識到唔會滯，送酒一流，推介。焗茄汁豬扒長通粉 $98 Lunch set有前菜同餐飲，前菜可以揀沙律或者湯。當日係蘑菇湯，飲到一粒粒蘑菇👍🏻。豬扒原來係吉列豬扒，炸粉好薄好脆，入面係半肥瘦豬，炸完都好腍好Juicy，勁易切開。長通粉軟硬適中，茄汁有菠蘿粒蕃茄同菇，酸酸地好開胃。用心製作，見到豬扒係即炸，意份即焗個兜好熱，同埋好大份，可能夠兩個人食。有加一收費，Openrice可以訂位十分方便。野食好大份，夜晚個meun都吸引，會回頭。推介指數：8/10 抵食指數：8/10…查看更多

Loft 7 大角咀富貴街16號地舖G/F, 16 Foo Kwai Street, Tai Kok Tsui不止只是有佐酒小食的酒吧餐廳, 呢一排為了香世界盃, 多了出街飲同食。本身很著重食物口味同質素, 唔想次次都是食炸野同雞翼, 這裡有美味媲美很多西餐廳的食物, 有猜有酒吧很CHILL 的感覺, 不論是來喝酒及品嚐美食也是好地方。Set 同要餐湯 or salad 各要一份 ，紅菜頭加藜麥salad 同忌廉蘑菇湯$268 dinner set smoked bbq sauce ribs ,連骨很大的豬肋骨哦, 很厚身呢。識食的最美味就是脂肪邊位, 一口中能嚐到肉的口感及脂肪的油香同bbq sauce 架滋味$278 法國油封鴨脾， 其實油封一點都不油，隔絕了空氣令到更入味，而煎香時油份也發揮作用，令到表皮香脆。伴以黑松露薯蓉，yummy !加埋甜品$48 先叫完滿的，當日coffee cream burlee ,好滑，原來咖啡味都幾好食架餐飲要了日本啤酒$58 同 coffee…查看更多

Staff are so nice and friendly The food are hot in plates and the taste is really good !!!! Definitely will visit again! I love the choices of fries , using sweet potatoes instead of potatoes ! 💜💜💜💜💜In love with the playlists of the restaurant as well as the decoration! The vibe is chill 😎 一I love the dishes for the lamb, juicy and good seasoning …查看更多

聖誕節，約了好友出來食飯。奈何商場的餐廳超多人。為了晚餐的幸福，唯有行多步到其他街道，來個Early Dinner。            在橫街中看到這棵金色聖誕樹，再細看店門餐牌，價格合理，所以入內就座。    蟹肉龍蝦湯  龍蝦湯底配蟹肉，無需出動五指山就食到蟹肉。食蟹要有儀態，飲湯也要有儀態。一匙一口地慢慢享用，慢慢品嚐。  慢煮八爪魚腳沙律   幼身一條八爪魚腳，但韌度十足，下刀要比力，是新鮮的証明。並非提前煮熟可以長期雪藏的軟綿綿日式肥大八爪魚。高彈性八爪魚腳分成小件，方便跟朋友share，再搭不同種類的沙律菜和甜辣汁，正。海鮮配酸酸甜甜的醬汁 ，本是常用的調味方法。     避風塘炸雞翼    聖誕節天寒地凍，當然想要香辣美食。避風塘炸雞翼名字夠香辣吧!但是食雞翼要有儀態，用刀叉!  關節位容易鋸斷，下刀無需太多手力，即可起骨。雞翼剛炸起，肉質嫩滑，配香辣炸蒜，夠惹味。送酒一流。      紙包海鮮意粉    錫紙密封上枱，保証原汁原味。熱熱辣辣上枱後，由職員剪開之時，袋邊還在噴煙。 3青口3鑽石蜆3蝦&一扁意粉。青口肉很鮮甜，肉質又爽又彈，接近當年阿媽在街市買回來的新鮮青口的味道。蜆肉也甜，蝦肉有彈性，唔霉。 也許因為以簡單的橄欖油蒜粒鹽做調味，感覺較清新，没有蓋過海鮮的原味。但扁意粉沾上袋裡的海鮮精華，卻很夠味呢!  最後把剩下的貝殼一個一個的套在一起，排得整齊又有儀態。   西班牙乳豬      西班牙乳豬，就是最其嫩滑。豬皮剛烤至金黃，不會太脆。跟硬崛崛乾爭爭的香港燒脆皮燒乳豬口感有明顯分別。朋友負責下刀，關節容易拆分。幸好這是豬下脾，容易攤平來分件。乳豬的肉汁精華流出來，流至碟邊呢! 乳豬肉入口即化，夾著油脂口感滑滑，配附送的芥末酸汁, 中和了乳豬的油膩。而軟身豬皮，配蕃茄薯蓉一流。     朱古力布朗蛋糕配雪糕  飯後總要來個甜品才算滿足。看到熟悉的Brownie，就想要來一份。高密度Brownie夾雜核桃，濕潤之餘, 口感也很實在。 可是Cream不夠滑，還是跟滑溜Gelato更夾。Brownie表面有朱古力漿，Gelato 表面的Oreo又是朱古力，這次DOUBLE朱古力，真是完美的句號。   是日晚餐，食物味質素很好，而且不會因為聖誕節假期而限制我倆的用餐時間，感覺很舒服。另外覺得得青口好好味。聽說此店的清酒忌廉沾包包超正，下次會點清酒忌廉藍青口。 …查看更多

大角咀晏晝食咗$1000 lunch四位，平均$250都唔知食左乜嘢？諗住臨近聖誕同同事晏晝食好啲，見到網上面話呢間餐廳串燒同埋西餐都好評，就諗住試吓，牛扒本身好薄都算，味道都算OK，不過份量就係一個女仔食完都唔飽，男同事更加唔使講！我哋四個人有三個都叫左牛扒，因為唔係好飽，跟住叫多一份四川辣汁黑毛豬扁意粉，但係食落去啲豬肉好多根，好難咬，完全唔似黑毛豬😅甜品味道正常，但迷你份量⋯⋯250/1 位 lunch 尼個價錢可以係大角咀食到好多高質西餐，冇諗過今次係西餐價錢，但大家樂既質素，可以食串燒好d 既，但西餐真係我哋地四個同事都話麻麻地～🥲…查看更多

沒想到在大角咀的小巷裡找到一間這麼好的小酒館。喜歡它的私隱度很高，也很有浪漫的格調，一走進去便是一排的酒櫃，全部已經寫好了價錢，明碼實價，可以依照自己的預算去選酒，是很貼心的安排。餐廳座位不多，但勝在能夠把酒暢談，背景音樂加酒精影響，會讓人很放鬆，如果不喜歡紅白酒，也可以選擇啤酒，配搭串燒一流。作為中價位的餐廳，食物質素絕對對得起這個價錢。慢煮八爪魚腳沙律八爪魚跟沙律菜配搭得非常好，八爪魚肉彈牙，而且慢煮帶出鮮味，讓沙律菜不至於太單調，但又有一陣清新的風味。連我平日不喜歡吃的羽衣甘藍也完美地融合其中，值得一讚。避風塘炸雞翼雞翼作為開胃小食是不二之選，加上蒜和辣椒等調味料，不但辣得很過癮，而且喜歡它辛辣而不油膩，香口也有不同層次的味感。蟹肉龍蝦湯龍蝦湯一來到便香氣撲鼻！濃郁的龍蝦湯配上新鮮的蟹肉，真材實料，鮮味一流，這個我很喜歡。西班牙乳豬一向很害怕乳豬的油膩，但朋友想試唯有硬著頭皮陪食，沒想到這次的確有改變我對乳豬的感覺，它的乳豬肉很軟腍，一切好放進口便有散開的感覺，也不會太油膩，皮薄又脆，朋友說吃起來很有雞肉的嫩滑質感，超有驚喜！紙包海鮮扁意粉最初以為紙包只是噱頭，沒想過因為紙包的密度，讓海鮮和意粉的味道融為一體，海鮮的鮮味完全融入在意粉的湯汁裡，而且海鮮配料非常豐富，有蝦﹑青口和蜆，加上軟硬度剛好的扁意粉，我認為這道菜真心出色。咖啡焦糖燉蛋配雪糕最後以燉蛋作結，這裡製作的這個甜品完美避開讓人最害怕的兩件事 – 「咖啡味很苦，燉蛋會太甜」。焦糖中和了咖啡的苦味，所以有咖啡的香沒有咖啡的澀。燉蛋甜度適中，這個我很欣賞，讓人吃完之後有種舒服的感覺，作為整頓晚餐完美作結。座位不多的好處是能夠有個很舒適的環境吃飯，不用怕有壓力要交枱，或是太過嘈雜無法聊天。離開的時候我心裡想的是，下次來的時候一定要跟朋友叫酒！…查看更多

今日星期日係大角咀諗住飲番杯。諗住試吓新嘢，所以入咗呢間酒吧/餐廳。3-7pm happy hour 買一送一，先order兩杯紅酒，再order兩杯啤酒。只係飲嘢，所以服務都係正正常常。埋單先發現呢間餐廳真係好唔誠實。1. 亂落單，明明我哋嗌$89beer，但係就落單落$982. 明明叫1 set $78 & 1 set $89，但charge $89 &$98。見到張單有少少唔妥，其實都係$20差別，我只不過係問吓點解咁樣收費，女老闆/waitress即刻起晒鋼咁。Anyway，我都冇再問落去，$20 differences有咩好講？只不過唔會再泥。小小事就已經知道呢間餐廳嘅質素係點。小心提醒各位，記得睇下張單。大角咀有更加多好嘅選擇。我好鍾意支持小店，而且我都好唔鍾意嘥時間留負評，但係呢間我真係支持唔落。…查看更多

長駐大角嘴的我，竟然未去過Loft 7！Loft 7 採用開放式廚房，環境都幾寬敞，幾啱一班人食飯飲酒。餐廳主打西式菜餚，選料高質，擺碟夠靚，價錢唔貴， 值得一試！Loft 7好近HSBC大樓，離奧運站行5分鐘就到！今次嗌咗兩個扒餐，味道都幾高質，值得一試！（燒香草美架配薯條、燒特級美國西冷牛扒配薯菜）主菜黎之前，先上餐湯同茶飲。E. Grilled Lamb Rack W/Grilled Vegetable & Fries HKD 138 燒香草羊架配薯條有 3 件大羊架，眼見肥肉唔多，可以話係啖啖肉；肉質嫩滑又多汁，而且有少少焦香之下，外邊皮脆肉嫩，勁惹味。而且一啲都唔羶，但羊肉香味好吸引！同碟仲有啲配菜同薯條，薯條粗而炸得香脆，表面仲灑咗啲粉，幾特別！薯條多到都食唔哂，剩番1/3！G. Grilled USA Prime Striploin Steak 200g W/ Grilled Vegetables & Fries HKD 168燒特級美國西冷牛扒配薯菜西冷牛扒勁大塊，約9成都係肉，1成係脂肪，筋好少。牛扒好厚，約5成熟，肉嫩多汁，入口即融，牛味好重！同碟有醬汁配，配埋一齊食都正。同碟仲有啲配菜同薯條，薯條粗而炸得香脆，都係食唔哂。大角咀富貴街16號地舖G/F, 16 Foo Kwai Street, Tai Kok Tsui港鐵奧運站 C1 出口，步行約2分鐘電話號碼：91481075…查看更多

上一次黎係一個星期五晚上次好多人 比較嘈 而好多野食我地又冇試過所以既然佢憑單可以滿五百蚊減一百蚊就再黎食多次啦( ´▽｀)今次一坐低就有一個上次冇嘅menu我諗呢個應該係限定星期一至四嘅menu黎不過今次都係冇嗌到呢啲set ( ´▽｀)落單後好快就黎咗兩杯draft beer係嗌knuckle 跟埋嘅條褲仔係香港本地最貴手工啤 少爺啤 嘅logo（source 店員話( ´▽｀) ）我就第一次飲呢個牌子但的確係好好飲嘅味道偏淡好易入口 飲落覺得有少少花香味隻酒味係好好飲嘅再等多陣 炸洋蔥圈就到咗上次食過雞翼 我麻麻地都食過薯條 雖然炸得好好但個人覺得茄汁同松露醬唔夾( ´▽｀)咁今次試多個小食就要左洋蔥圈佢整得好好食！一黎係夠熱啦 好明顯係真係即整二黎即使係炸野 但食落係一啲都唔油炸粉好薄 食完一個會想即刻食第二個( ´▽｀)但美中不足嘅係洋蔥圈個份量唔多不過佢啲main都幾耐下坐左半個鐘 個mussels 終於黎又真係好出色嘅！個包係搽完油再拎去烘四塊包件點唔點個白酒忌廉汁都好食上一次黎都冇食過個青口個青口真係好好食 有新鮮青口滑潺潺嘅感覺基本野黎講 青口係全部都有開口每一個殼都有青口喺入面嘅想讚一下個汁先！ 個白酒忌廉汁唔會好稀 有西湯個質感咁我地傾住計食 傾傾下大約四個字之後個knuckle 都到啦個醬係honey mustard 沙律跟黑醋汁雖然個豬手都真係幾耐但真係睇得出都係有啲功夫嘅豬手係拆左肉 用叉一拮就起 離哂骨我好怕豬手太鹹 但佢呢個唔會 味係好嘅都冇愈食愈熱氣嘅感覺( ´▽｀)個鹹酸菜係好食嘅店員話係自製 唔係出面嗌貨嗰啲罐頭佢講完之後我就刻意食真啲仲食哂( ´▽｀)大約個分別係 罐頭會再重口味啲同鹹啲DIY 嘅傾向酸多少少 但係比較易入口因為平時食knuckle 我都唔太食酸菜佢自製呢個係接受到嘅上次黎飲咗紅酒白酒 今次黎飲啤酒係有驚喜嘅本身想再嗌days special 嘅啤酒店員提醒一下係黑啤唔係個個女仔飲到 斟咗少少比係意見試下我飲落其實都覺得幾好飲帶香蕉味 texture少少厚不過買一送一嘅happy hour 同行友人話已飲夠咁唔緊要咪下次再黎囉埋單 其實520蚊唔止唔貴 直情係抵啦！不過可能唔係當眼嘅位置星期二晚由我地入去到走 都未試過full house 同上次星期五黎話接唔到walk in真係差好遠靜靜地吹水就吹左2個鐘…查看更多

本想著朋友在平日去東涌衝浪便介紹了朋友和她男友到來畢竟也有車直到家樓下朋友卻誤會我約她了也告知我原來東涌冬天沒有浪那錯有錯著 便約她好了( ´▽｀)到來的時候 那門牌的光管似乎是壞了六點三十分左右到了門外看到那happy hour 的告示朋友也應該喪失了開酒的興緻吧其實七點前餐廳也沒什麼人的但到後來幾位外國人想要來happy hour而老闆卻答到 餐廳已經full bookingUh oh 他們無緣了而我們其實也不過為了chill 一 chill加上朋友告訴我no mood 我想也不為吃些什麼了比起那些可能更高消費的人還是有點不好意思( ´▽｀)我們只叫了幾樣東西送酒我坐了好一段時間才落單 第一樣到來的是一份buffalo wings都幾耐下其實西芹紅蘿蔔我覺得是全生的( ´▽｀)配以一個沙律醬Buffalo wings正常辣度送酒我也不至於辣到受不了但還是挺好的 不是麻辣的類型就是吃那下辣一下的種類再來就是鑽石蜆了朋友說那個蜆很好吃我說那個配的麵包很好吃那是不知名的包 塗上牛河再烘過鬆脆到不得了 一點都不硬甚至沒有割到上顎的機會一咬 甚知只是觸碰到牙齒的那一刻麵包就碎成了碎片( ´▽｀)就好像Outback的黑糖麵包一樣雖然類別完全不相同但卻有着一樣的觸動說回了鑽石蜆 沒有沙就好吃了( ´▽｀)黑松露薯條也是等了半個世紀到我們追的一刻唱發現根本沒有下單那也不要緊那便下單了但讓我們驚奇的是竟然配的是茄汁已沒有沙律醬還以為那是黑松露沙律醬誰料到黑松露就真的是黑松露呢還配上一支茄汁因為等候時間太長了還未決定好叫什麼串燒朋友的男朋友已經來了等候她所以便買單了 也不要緊 有機會便再來好了其實酒也沒有喝了很多東西也沒有吃了很多但睜眼之間已經三個小時了House Red和House white也算是好喝的除了餐廳比較嘈吵其實不太適合閑聊員工友善老闆也禮貌友善食物質素也不錯 也值得再來了…查看更多

Happy hour最令人開心既除咗係因為有優惠外，還有那個時間尚早，夜還未深，而我已把酒歡聚，卻只是開始的那種感覺，所以happy hour 都是開心的。今天不是happy hour 優惠，卻真的是下午酒，通常係朝啡晚酒的我，因為朋友想在假期喝一杯，所以自然相陪。這間大角咀小酒館跟在火博文街上的酒吧有少少的不同，就是可以在店內選酒，然後直接開瓶，雖然選擇不算多，但對於一向是casual drink 的我們都是足夠的，而且有成支酒睇，總好過只有個drink list 更加實在，而且寫好價錢，可按自己budget 選酒，豐儉由人，若有不明，可以向在場的侍應妹妹查問，解決到我們簡單的詢問。揀好酒自然要叫點小吃配酒，今次叫了🌟芝士焗黑松露薯條芝士黑松露薯條正常普通，無乜芝士味及黑松露味🌟白酒忌廉鑽石蜆鑽石蜆個肉本身比較厚肉同硬身，我同朋友都不太喜歡，但個白酒忌廉汁就好好味，有酒香但又唔會過量變苦，下次選青口好了整體見間店既食物menu 都好多選擇，而且都幾吸引，如果唔係因為已食過lunch 先黎，會叫多啲嘢食試吓，咁唯有下次有機會再幫襯啦。P.s 個侍應妹妹好好人，除了解答到我地選酒的問題外，因為我地到既時間係廚師落場時間，沒有食物供應，所以侍應妹妹都好好咁打電話提醒我地，並且仲影晒成個menu 比我地，幫我地預先落小食order, 好貼心的服務👍🏻…查看更多

唔知點解我講呢間餐廳個名我講到好似講粗口咁，哈哈！第一次去呢間餐廳食飯，好surprise，因為有啲fusion嘅感覺。今日三個一齊嚟食lunch，叫咗一份牛扒，一份羊架，同埋最驚喜係個四川麻辣比目魚長通粉！！三個菜之中，個人來講我最滿意係個四川麻辣長通粉！食得辣嘅朋友一定好歡喜，好過癮！個比目魚啲肉好滑！我哋一行三人都覺得下次嚟一定要嗌三份通粉先夠！！羊架都係好味嘅，但係個牛扒就有啲失色，感覺係加厚版茶餐廳雜扒飯上面嗰塊牛扒，but anyway，整體來講成間餐廳都係好chill,食物ok, 只係要注意，因為地下係open kitchen，所以食完個身始終都會有少少味，如介意，可以request 坐樓上。…查看更多