影片
以上资料只供参考，请与餐厅确认详情
相关文章
相信好多人都食厌平时嘅大型连锁饼店，所以有时转下其他店铺都系好醒辰。草莓乳酪蛋糕$68呢件蛋糕四四方方，好易拎，冇咁容易撞散。卖相好吸引，女子一见就会好钟意。重点系，佢有好多层，口感好丰富。啲cream唔会死甜或者太漏，本人最钟意就系果层海绵蛋糕，焗得好绵密，有咬口。少少不足之处就系我觉得粒草莓酸得济，不过可能都会有人钟意佢够酸啦。总言而之，呢个草莓乳酪蛋糕有惊喜，难怪卖呢个价钱。间唔中一次半次买黎食下都开心。
继续阅读
行过Lifetastic，发现假期买一件蛋糕会送三重朱古力蛋糕，好抵！因为平时每件都唔平，唔会成日买，所以𠮶日即刻买咗。第一次试咗桑葚蝶豆花蛋糕（无麸质）超好食！真系好新鲜。第二日食埋件赠送嘅三重朱古力蛋糕，都好香浓，真系有唔同质地同口味嘅朱古力层，面头嘅cream亦都好滑，唔会腻，不过就冇蝶豆花咁特别。过两日忍唔住又再去买，今次都系桑葚蛋糕，不过系竹炭，同埋含麸质。呢款蛋糕都系好软熟，不过始终好似蝶豆花好食啲。仲有好多口味未试，就算嚟紧冇优惠，都可能间中会嚟买件开心一下。
继续阅读