Let’s Burger (已結業)

在晚上五六点时间回到大围，时间唔上唔落，想坐低食已经无可能，买个外卖系公园食最好。Let’s Burger就mark 咗好耐，今次系第一次，即管睇吓点。餐牌都几简单，有啲小食，有个羊堡比较少见。落完order 现场等，大概十分钟可取。等等吓有蚊滋咬。现场有只黑猫，相当好奇地望住我，都几可爱。攞到就系出面食。个盒有设计有谂法，唔会整烂整湿个包又方便拎出，都几好。个包正常样子。望落都新鲜靓仔，应该唔差得去边。失望之一包烘都无烘过，微温带干身。汁酱似系沙律酱加辣椒茄汁，一般。酸瓜两片。烟肉系奥运牌一类稍微煎过。肉饼大概4安士，稍细，点解咁多食评话大份？整体有肉汁系正常发挥嘅，只可惜肉饼无调味，又无乜肉味，对比麦当当安格斯赢唔到几多。蕃茄新鲜，沙律菜用绿橡菜都帮到手，个汁酱真系争啲，个包发挥唔到偏干身救唔到。肉饼颇多筋。用筋唔系唔得，但要碎得细啲。整体而言，好就唔算得上，性价比都比较弱，最得欢心的是黑猫和外卖盒。…查看更多

今日和友人行完山到大围，第一次试这间店！我们外卖招牌芝士汉堡、脆鸡汉堡和肉酱薯条。芝士汉堡的芝士好好味，味道好夹！而脆鸡汉堡的脆鸡都颇大块，大过汉堡包很多，味道亦不错！肉酱薯条始终因为外卖，都预左会冇堂食咁脆。我们买完外卖之后用了20分钟回家，回到家后薯条都尚可！如果堂食又热又脆，应该会好好味！总括来说，我和友人都好满意！店里的猫猫好可爱，因为和店里的墙一样色，初时都冇发现佢！haha😂店舖门口倒泻了雪糕，我仲以为系真！个装饰好搞笑！…查看更多

新搬入大围，星期日中午到这间Let’s burger 买外卖，中午12:24分落单，居然等到1:20分还未有，催促外卖单时，里面大厨态度非常恶劣，说：「送多2个小食咪得咯唔好咁多声气！」。一开始只说等20-25分钟，居然接近一小时还没有，态度如此差劣，绝对不能接受！绝对没有下次！各位想试的请自行考虑！…查看更多

大围的隐世Burger小店，位置不容易找，不过水准一流，即使外卖到家，食物依然是热辣辣的。包装盒。右上角的千岛酱是神来之笔，点薯格非常匹配，会多加100分。主角汉堡，是双层芝士汉堡，HKD 108。配料有：烟肉(两块)、煎蛋、汉堡(两块)、蘑菇、已溶化的芝士、菜、蕃茄。超级厚身，一口绝对是咬不下的。虽然酱不多(下次可以remark多酱)，但有那么多材料，口感绝对不会觉得寡，每一口都很丰富。买了汉堡，加HKD 25可以有薯条/薯格 + 饮品。我叫了薯格和乌龙茶。薯格好入味，有些香草在上面，其实不需点酱都很够味，有少少硬身。不过千岛酱实在太好味，所以一定要点。另外加了小食蒜香鸡翼，HKD 45有6只，价钱合理。味道正常水准，可以一试。…查看更多

昨日的午餐叫咗网上外卖平台喺沙田新城市广场送曾经疯魔中环IFC国际金融中心商场的美国汉堡包连锁店Shake Shack的汉堡包及饮品送来我屋企午餐的时候食，味道唔错，今日决定试吓区内另一间面包店就是这间Let’s Burger。我哋三个成人叫咗一个美式汉堡包套餐包括美式汉堡包一个加大蘑菇一份（原来系成大块）+最新无糖可乐+一份四只的水牛城鸡翼，$155一个美式汉堡包加大野菇$118一个菠萝炸鸡汉堡$82，阿爸话好食！首先包装好靓，两个高身的纸盒装晒，有一支好长嘅扁身牙签喺盒上面穿过汉堡包等汉堡包唔会周身郁。两个美式汉堡都加了一份大野菇，汉堡包的汉堡牛肉很厚，味道唔错，还有蕃茄和有啲紫色嘅生菜、有惹味嘅酱汁，有芝士及烟肉，每个汉堡包有一块大野菇，面包嘅质素好过Shake Shack。呢间嘅汉堡包值90几分，Shake Shack的汉堡包值60几分，罐装的最新无糖可乐都够冻，不过呢度冇自制饮品，Shake Shack的自制饮品很出色。水牛城鸡翼一份有四只鸡中翼，超大只，好揼本！最紧要虽然唔系最正宗嘅做法，但系超好味！连阿爸唔食鸡翼嘅都食咗一只全只，连啲皮都食埋（不嬲我哋食鸡翼系唔食皮嘅！）…查看更多