17
1
3
电话号码
95801680
营业时间
今日营业
11:00 - 18:00
星期一
全日休息
星期二至五
11:00 - 18:00
星期六至日
11:00 - 21:30
公众假期
11:00 - 21:30
付款方式
现金
其他资料
加一服务费
室外座位
素食
食记 (36)
上一篇话嚟到南丫岛,梗系唔会就咁停啦。我哋经过另一间咖啡室,见到好特别,有陶笛音乐。上网见啲相,拉花嘅图案非常之靓,即管睇睇!我哋叫咗一杯果仁Mocha同一份雪糕Waffle。大约10分钟咖啡嚟到,的确好靓,朱古力味非常之浓反而咖啡味就少咗啲。再等多20分钟,窝夫就嚟到,识落外脆内软几好,雪糕就相对可以再雪涷啲。总体食物几好,服务既女士好有礼貌,张枱既设计都几好,上菜速度可提升不过,需要讲返餐厅其他位,首先餐厅有非常之多规则,大家要有心理准备,例如系要细声讲嘢,唔prefer追单,最低消费等等。另一样野系餐厅好大声咁播陶笛音乐,墙壁同枱上面亦都啲同陶笛有关嘅资讯,电视播住陶笛老师既演奏片段,亦都有售卖陶笛,对於因好奇陶笛音乐嘅客人来讲未免太过hard sell,太多鸟。客人因爲夏天亦都唔prefer坐出面,希望餐厅可以调整吓。另外,门常关,未入去似乎睇唔到里面有几多人。 继续阅读
(以上食记乃用户个人意见 , 并不代表OpenRice之观点。)
等级2 2019-07-28
104 浏览
每次去南丫岛必食!贪佢够静,近码头,内有洗手间同埋最重要嘅⋯⋯食物质素!已经有两年冇嚟,menu都唔同咗有lunch set可以系汤加主菜(99$ UP)或汤+2前菜+主菜+饮品(149$ UP)因为我系上船前饿得滞已经食咗包所以就只系要汤加主菜(+$15的黑椒大啡菇汉堡配粗薯条,正确全名唔太记得⋯⋯)而男朋友好似好饿就叫咗汤+2前菜+墨西哥夹饼配沙律+mocha ($149)因为所有野食都系即叫即整,所以都等咗10-15分钟先上咗薯仔汤,上面仲好靓咁有块薄荷叶饮落有淡淡黑椒味,我自己本身好锺意黑椒就会想有多D但饮得出薯仔好足料!再上咗呢个肉串(又唔记得名)虽然系素食,但仍然做到沙嗲猪肉的肉质同口感沙嗲好惹味,辣度适中,如果可以想食多几串然後到呢杯(又唔记得名)入面有奇亚籽、香蕉、仲有细细片薄荷系面因为本身奇亚籽冇咩味,但胜在口感够丰富加埋薄荷成件事好fresh无耐就上埋burger黑椒汁大啡菇汉堡配薯条完完全全感受到佢有几新鲜!feel到内至外都有热!因为太大个所以要切开一半除咗大啡菇仲有蕃茄同菜只菇劲juicy!切开系有汁流出嚟!至於薯条都系热辣辣好脆好粗好正!然後仲有呢个墨西哥夹饼配沙律本身对佢冇咩兴趣因为唔太好夹饼点知好惊喜!夹饼皮唔太厚,厚度适中易入口入面馅有栗米、素虾同唔知咩酱个配撘意外地好match,会令人想食多几啖同埋素虾好有咬口好弹牙!sidedish 牛油果同沙律都好fresh牛油果仲加咗少少lemon juice令佢更清新,又唔会变色最後就系呢杯mocha喇用料丰富层次好rich下次仍会再到访! 继续阅读
(以上食记乃用户个人意见 , 并不代表OpenRice之观点。)
等级3 2019-02-22
279 浏览
因为杯靓靓既咖啡吸引左我地去呢间cafe☺️去到其实已经过左lunch时间,所以成间铺得我地4个,包场😝之前睇左其他人讲黎呢间cafe食野系会有个大挑战,就系讲野要比较细声避免影响其他人,真系好少咁细声讲野🤣不过如果唔得但又想试的话都可以改坐户外位置我地叫左2个set lunch & salad 佢地既素食好正,劲唔似素,又唔油,好好味👍🏼最惊喜系墨西哥粟米沙律,呢个沙律等左好耐,黎到个样真系靓到呢,超有心机同心思❤️仲要好味😋😋榛子拿铁最好味👍🏼👍🏼抹茶拿铁咖啡,比平时出面饮既苦d,抹茶味浓d不过佢用既杯真系好靓呀😍😍😍 拉花又好有心思❤️虽然野食饮品都真系等得比较耐,但如果你有时间想hea下,绝对推介👍🏼因为有诚意同心思既野都系需要等既 继续阅读
(以上食记乃用户个人意见 , 并不代表OpenRice之观点。)
等级1 2019-01-13
252 浏览
我地拣左 #陶笛咖啡 ☕️,依间cafe 🍽 要讲野好细声🤭好 #安静 🤫。锺意静静地 #享受 😌 #清静 #环境 一流,同埋唔好心急追上菜。我地叫左 #吉烈素猪扒巨型汉堡配沙律菜片薯条 🍟。另一个餐就 #欧式全日套餐我地再叫左杯 #咖啡 ☕️同 #士多啤梨乳酪 饮品。首先上左杯#红菜头 整成既热 #汤 同 #沙嗲串烧 配 #有机沙律 🥗,个沙嗲串烧真系好好味。汉堡包🍔好大好高身。素猪扒好好味😋热腾腾。全日套餐就惊喜🤩位系两片多士,平时出面食多士通常都比牛油但佢系用蜜糖🍯再放上一层芝士烤焗。咖啡☕️用左只好靓既红茶杯装仲拉花同写字。士多啤梨乳酪上面仲有旧雪糕🍦,雪糕应该系用Dreyer's 雪呢嗱雪糕 ,因为食到有啲杏仁粒😁。食完依间 #cafe 觉得食物质素真系唔错,又有 #心思 又 #用心造作 ,有时间又唔赶真系可以试下。 继续阅读
(以上食记乃用户个人意见 , 并不代表OpenRice之观点。)
等级2 2018-12-03
241 浏览
难得有一日既假期,见天气又好,我就自己一个走左入去南丫岛出走一下。本身已经谂住行完山,想搵一间cafe静静地坐下,享受下一个人的时光。行过见到好多唔同既餐厅架,但我谂左好耐都无入去,直至见到这间,以陶笛为主题的餐厅。本来就好喜欢音乐既我,又喜欢恬静既环境,所以一见到佢这间既特色就决定入去坐了。个老板娘都好nice, 会走出黎开门招呼你入去坐低,又俾你慢慢拣想食咩。我本来叫左杯regular coffee, 佢都会特意提一提regular coffee 系无拉花。咁我难得今日悠悠闲,都想望下拉花开心一下,所以最後就叫左杯cappuccino.  (个老板好似系陶笛大师同拉花都好有研究的!?)今次我叫左个set lunch $98, 有四样野:(咖啡要另外加钱)1) Tomato soup个feel有点像bloody mary, 系甜酸苦辣都有的感觉,几得意。2) Fresh Salad配Olive oil和黑醋!系我最钟意既salad dressing3) 沙嗲素羊肉串个素羊肉口感都做得唔错,不过我个人喜欢清淡啲,所以觉得个沙嗲就浓左少少。4) 香草白汁素虾长通粉我好喜欢这个!个汁清清的,有微香既香草味,足够既菇,长通粉个texture都刚刚好,有点嚼口不会太淋,而个虾就有一点点弹牙的感觉得,都几得意。我本身好少食素的,所以唔太知道素虾应该系点。整体黎讲,我觉得如果你想搵一个清静既环境享慢慢坐既话,这里系一个不错的选择。餐厅背景系播放陶笛既音乐,佢唔系唔俾你讲野,只不过唔想你太大声讲野。如果想大声倾计的话,都可以坐出面。不过我觉得间餐厅最特色既都系你想享受清静既时候,就黎整理一下思绪都好。 这间cafe是颇配合我这天悠闲的心情。 继续阅读
(以上食记乃用户个人意见 , 并不代表OpenRice之观点。)