LE-TA-SU 一人一鍋

营业中

休息中

喺銅鑼灣睇完戲，雖然天熱又好想食清清地嘅shabu shabu，喺OpenRice見到呢間新開張諗住嚟試吓，排晒隊要等十幾張枱本來諗住放棄，行到登龍街逛完一圈又搵唔到其他想食，突然間Gulu叫10張枱就嗱嗱臨跑返嚟。我同老公試咗壽喜燒同No1湯底，兩個都好好味。肉份量好多，本地菜好新鮮（但菇類就麻麻地），讚岐烏冬都唔錯。整體嚟講幾抵食，會番嚟試其他湯底。 本來$88嘅套餐呢度加少少，嗰度加少少最終$240埋單。可能新開張，訓練唔係好夠，門口位阿哥針對枱嘅安排有啲混亂，仲同客嘈起上嚟，不過香港客有時真係躁啲。

原本約友人吃燒肉下午茶，等候朋友期間發現了此日式火鍋店，餐牌只有一個，不分午/晚，店員給了數張優惠券，有飲品/或優惠價加購券，原來此分店才開兩星期。 兩人各點了$88/200g 的牛肉及豚肉片，湯底是基本不用加錢的昆布及原味。首先真係要讚湯頭：這個價格、這個水準，無可挑剔，湯頭清香、不味精，不似一般以水稀釋的平價火鍋湯底，真心讚！下次會加$9試不同湯底.200g的肉片，不論牛或豚肉片，皆足量，質素也不錯，比很多差不多價位的火鍋店出色！蔬菜：看到店家標謗使用本地農家菜，門外更貼上農家資料，真心值得支持。本身套餐$88冇跟飲品，只有蔬菜籃及白飯（免費），我們加了一人$6 有一份細烏冬（急凍烏冬半份份量），這個稍為貴了點，烏冬質素也一般，只是火鍋配烏冬較合口味才選，但價格不太值，下次會選飯。由於新開店送了飲品券，對這個餐的性價比大幅提高，沒有的話就稍為太貴了！整體很滿意，店員全都很禮貌，適時會主動加高湯（非熱開水👍👍👍），環境也很好，寬敞舒適，推薦！

今日同朋友試吓呢間一人一鍋，今次兩人都選了250g 牛肩胛壽喜燒。店舖座位舒適、乾淨，服務員態度友善又helpful，食物質素高，價錢非常合理，好難得搵到個咁好嘅地方食壽喜燒，食物又美味有水準，值得推薦👍🏻