影片
以上资料只供参考，请与餐厅确认详情
红磡区同类型的西餐厅不多, 上一手的Jingles执左, 变左lazybones, 总叫有番个选择, 第一次去帮衬系下午茶时段, 客人不多, 所以服务正常, 叫了egg benedict 及烟三文鱼牛角酥, 食物质素一般, 但碍于同区西餐选择少, 所以仍会考虑继续光顾。第二次去谂住试lunch, 门外无人等位, 望入店内亦见有吉台, 向侍应示意两位, 正在工作中的侍应亦点头示意收到, o系门口等左一阵, 仍然未有人安排入座, 我们亦体谅可能店内人手不足, 未有人执台, 所以都未有加以催促......如是者十多分钟过后有三位中年男女黎到, 中年女士直接走入店内示意三位过后, 就企正o系门口无走开, 完全无视我地两位o既存在, 无几耐, 呢三位中年男女就可以入座了.....遇著呢种情况, 店方见到门外我俩仍然企左o系度, 亦无打算调停或再问我地几位....原来我地一直企o系门口系白等的, 所以我地呢次无帮衬到, 之后亦不打算再光顾该餐厅了。
继续阅读
本来谂住食扒做lunch, 想起"jingle's", 点知去到先发觉"jingle's" 冇咗， 转咗手俾另一间！ 叫"Lazybone"! 咁既然都黎到， 就睇下有咩食啦！ 见到满坐但d waiter话等一阵， 好快有位，咁咪等啰， 但系一直唔见有人埋单， 而其中一位waiter仲叫我地想order食乜， 可以先落单， 佢就真系当我傻架， 落咗单咪一定要食啰！ 我话坐底咗先order! 等咗差不多15mins 先有位！ 坐底睇menu, 其实都同上手差唔多，咁我想食牛扒，本来老公都想order 牛扒， 但系我话不如试下其他，咁老公就要咗"炸鱼"! 𠮶头落完order, 一分钟后就已经送上汤同面包，再过多3分钟， 我份牛扒都出现！首先，𠮶waiter 系有问过我要几成熟d 扒， 我系要medium-rare! 虽然系咁， 但系我唔觉得块牛扒系可以咁快就煮好啰 ! 已经心知不妙，一切落，根本块牛扒系全熟！ 亦即系佢地根本已经煎定一堆牛扒啦，既然系咁，问我要几成熟有咩意思？问𠮶waiter, 佢话咁帮我转另一份啦！ 又系等咗唔够5分钟就上！ 今次仲差，份牛扒系有d"血水", 但系唔等于系medium-rare, 仲要𠮶牛扒系"好水"味啰！ 超级难食！ 我咁大𠮶女都未试过食到d 咁难食嘅牛扒！ 我最后只系食咗d side dish 就成碟都冇再食过！ 真系好彩叫老公试其他，因为佢块炸鱼系ok嘅！ 不过咁， 如果连炸鱼都难食嘅话， 呢间野应该可以接埋啦！ anyway, 我绝对唔会再去呢间食野啰！ 免费都唔会！
继续阅读
中午堂食，点了两份黑毛猪扒配薯菜。份量够多，每碟有两块扒，但质素令人失望。由于煎炸嘅关系，块扒很油，觉得无用吸油纸吸过先上，旁边嘅蔬菜亦沾满油。 至于味道，偏咸，食后要饮很多水。 这种质素，只能与茶餐厅相比。比起附近同类餐厅嘅选择，我不会再考虑这间。
继续阅读
今日星期六,起身已经11:00, 谂住同妈咪食早餐但系好多餐厅11:00已经无早餐唉, 唯有出咗门口先再算,eeeeeeeeee.....俾我o地发现咗德民街条巷条有间loft style 嘅cafecafe 供应早餐嘅时间仲要系到12:00我o地即刻入去试吓老板娘热情推介下,我就拣咗egg benecdit可能我钟意食糖心蛋，连埋菠菜火腿同个包… 加上底层烘得外脆内绵软、涂抹了牛油的英式松饼，几种食材交叠在一起，「真系好好味呀！！」妈咪就拣咗烟三文鱼牛角包上枱之牛角包颇大件，论件头十分有睇头、蕃茄配上烟三文鱼味道上匹配牛角包如能热一点就更显牛油香气一定会再帮衬!!!!!!!!
继续阅读