Layback Cafe & Bar

营业中

休息中

首先，個賣相已經贏晒！一大pat 金黃到發光嘅生拆蟹粉，鋪喺一碟煙韌嘅韓式年糕上面，隔離仲有幾件烘到脆卜卜嘅蒜蓉酸種麵包。未食已經聞到超香嘅蟹膏味同蒜蓉香，口水即刻標！重點講吓主角 蟹粉 ：真心足料！食得出係新鮮生拆，唔係罐頭貨色。蟹膏嘅濃郁甘香超級突出，仲有啖啖蟹肉絲，鮮味爆棚！最重要係師傅調味剛剛好，鹹鮮得嚟唔會遮咗蟹嘅本味，亦唔會腥，勁正！配嘅 韓式年糕 好有驚喜！唔係平時好硬好韌嗰種，煮得啱啱好，外層微微煙韌，咬落去係軟糯嘅，仲好索汁！掛滿咗濃稠嘅蟹粉醬汁，每一啖都係蟹香加年糕嘅米香，口感同味道都超夾！ 至於個 蒜蓉酸種麵包 ，絕對唔係配角！烘得超級香脆，蒜蓉味好香但唔會過火搶味。酸種包本身帶微微酸香同韌性，點落啲蟹粉入面，脆脆嘅包身吸滿鮮濃蟹膏... 哇！個鹹香鮮味層次即刻昇華，呢個食法真係神來之筆！成個組合睇落好似幾Heavy，但食落一啲都唔滯，反而係鮮味主導，蟹粉嘅濃郁俾年糕同麵包平衡得好好。份量都幾足，兩個人Share再叫多個小食就夠晒滿足！呢個 生拆蟹粉韓式年糕拼蒜蓉酸種麵包 絕對係Layback必試嘅招牌以咁足料嘅生拆蟹粉嚟講，算係中上價位，但個質素同獨特性真係值回

「Layback Cafe & Bar」位於銅鑼灣百樂中心，好耐無黎，曾經嘅食街，原來已經不復往日，一幢百樂中心只餘下八間餐廳，相信強者才能生存。Layback於菜式及Cocktail加入不同創意，大玩Fusion，的確係有啲特色。Mango Sticky Rice Cocktail ($108): 以椰子水做底，加入浸泡過糯米飯嘅Rum酒、斑蘭，以及芒果泡沫調製，的確係幾濃芒果糯米飯嘅味道，並不突兀，味道亦甜甜地，帶少少Rum酒香，算係好飲。Pistachi-Yo! Cocktail ($108): 同樣以椰子水做底，加入椰子利口酒、Rum酒，以及開心果奶蓋調製而成，開心果奶蓋超級濃厚香甜，出色，Base嘅椰子味突出，帶點Rum酒味，味道比上一杯更甜，亦係好好飲。芝士拼盤 ($128): 拼盤分別有藍芝士、布里芝士、無花果、杏仁、意式欖橄味餅乾，由於藍芝士於製造時故意加入黴菌使芝士發霉，所以有種獨特而濃郁嘅風味，鍾意食嘅會好鍾意，唔鍾意嘅話亦未必頂得順佢嘅氣味，味道較重咸香，適合配餅乾食；布里芝士味道較清淡，口感較奶滑，基本上都係大眾喜歡嘅味道。法式芥末子蜜糖烤羊架 ($328):

今晚同朋友慶祝生日, 特別找到一間充滿氣氛, 又可以輕鬆地暢談, 仲可以坐上好幾個鐘頭的西餐廳, 感覺又係Cafe, 但又有酒飲的餐廳, 當然食物質素都非常重要, Layback Cafe 確係好選擇！！~<日本和牛粒配喜馬拉雅山岩鹽>和牛肉粒非常高質素, 烤得好香, 外焦內嫩, 牛肉味好出, 並帶有肉汁, 岩鹽同黑胡椒令到肉粒更加惹味。<龍蝦扁意粉>龍蝦汁做得非常香濃美味, 配上龍蝦肉、蕃茄肉及意粉, 入口非常creamy好食。<法式芥末蜜糖烤羊架>羊架用上香草蜜糖等配料來烤, 烤得好香好惹味, 帶有少少脂肪, 又嫩又香口。<Pandan Mango Basque Cheesecake>呢個班蘭椰香芒果巴斯克芝士蛋糕, 帶有淡淡的班蘭香, 椰子奶香與芒果的結合, 令整件Cheesecake 味道更加豐富, 更加有層次。<Govida Espresso Martini>呢個cocktail 帶有好濃厚的Godiva 巧克力味道, 同時Martini的酒味依然保持得到, 感覺好似飲緊一杯好濃嘅朱古力酒, 酒味

銅鑼灣行街行到攰想搵位Hea？即刻Bookmark呢間「Layback Cafe & Bar」！佢哋玩中西Fusion玩到出神入化，食物勁有創意，環境仲超Chill，夜晚仲會變身酒吧，cocktails一樣掂！重點推介呢三樣 生拆蟹粉半北京撈麵 — 鮮到彈起！真‧蟹粉控注意！呢碟撈麵落足本，用新鮮大閘蟹每日生拆蟹粉同蟹肉，金黃蟹油多到漏，撈勻彈牙粗麵條，每啖都係「嗦嗦聲」嘅蟹香暴擊！仲要加埋脆卜卜蟹籽，鮮味層次大爆發，食完齒頰留香，真心邪惡到喊！ 油封鴨腿配窩夫、血橙 — 鹹甜交織神組合！以為窩夫淨係配糖漿？Out喇！法式油封鴨腿煮到皮脆肉嫩，一撕就離骨，鹹香肉汁多到驚！配搭外脆內軟嘅比利時窩夫，再淋上酸甜清新嘅血橙醬，鹹甜交織竟然超夾！一啖鴨肉一啖窩夫，味蕾大滿足，影相仲呃Like一流！ Cocktails — 創意玩味超打卡！Happy Hour唔飲返杯點算？佢哋嘅調酒師好鬼馬，Cocktails名得意、造型浮誇又好飲！必試 「Sour Punch」 系列，用新鮮水果+自家浸製烈酒，酸爽易入口，女仔大愛！仲有 「Espresso Martini」 咖啡香超濃，飲完成個人醒神晒！

約咗醫生在銅鑼灣洗牙⋯⋯晴天霹靂自己嘅牙齒要補九隻⋯⋯唔係爛牙係刷牙太大力蝕咗🙈⋯⋯大出血洗咗一萬多元😩⋯⋯洗完牙行咗一陣決定要飲杯Cocktail 平息吓自己嘅心情⋯⋯橫掂都係梗係要揀間質素高啲嘅餐廳🍴⋯⋯開餐啦⋯⋯這間餐廳佈置得，非常有feel⋯⋯去到見到我嘅偶像哥哥張國榮⋯⋯非常懷念佢⋯⋯Godiva Espresso Martini 🍸 超香濃嘅Godiva嘅朱古力⋯⋯每一口都口裏便爆發朱古力香氣⋯⋯加埋Vodka、濃縮咖啡⋯⋯Cocktail非常吸睛⋯⋯店員點火好似燒煙花咁好靚⋯⋯Mango Sticky Rice呢杯Cocktail非常清爽⋯⋯每一口都充滿芒果糯米飯嘅香氣⋯⋯加咗Rum和椰子水⋯⋯又香又甜，非常消暑⋯⋯西班牙風乾火腿片3個月配季節蜜瓜蜜瓜超香甜⋯⋯西班牙火腿肉質香濃⋯⋯鮮嫩又不失結實嘅口感⋯⋯配以香甜嘅蜜瓜超正⋯⋯又甜又鹹⋯⋯ Yummy⋯⋯生拆蟹粉拌韓國年糕配蒜蓉酸種麵包蟹粉配年糕呢個新奇嘅食法，我都係第一次食⋯⋯但係出奇咁夾喎⋯⋯店員噴上女兒紅增添咗唔少風味⋯⋯頂層鋪滿的蟹肉⋯⋯香脆嘅酸種蒜蓉麵包⋯⋯呢個fusion菜式一定要食⋯⋯北海道海膽帆立貝幼蛋麵

頭盤個龍蝦湯，一飲落去，超濃龍蝦味，仲要好Creamy，成個口都係鮮甜味，正！跟住主菜個烤春雞，真係無得頂，啲雞皮烤到脆卜卜，啲肉又嫩滑！至於個蟹粉撈麵，簡直係邪惡之選！成碟都係金黃色嘅蟹膏同蟹肉，撈勻啲彈牙拉麵，每啖都係極濃蟹香，滿足到暈啊。飲品都好有驚喜。杯抹茶柚子特飲好清新，抹茶嘅甘醇同柚子嘅酸甜撞埋一齊，仲有啲氣泡感，解膩一流。另一杯草莓玫瑰紅茶就好香甜，飲落有陣陣花香同生果甜，好Fresh。最後件斑蘭芒果芝士蛋糕，斑蘭味好出，夾埋香甜芒果同濃郁芝士，又滑又香，為成餐飯寫個完美句號！

星期日下午我哋嚟咗銅鑼灣行街，先食一個豐富嘅brunch!Layback cafe and bar位於時代廣場附近商廈內café 餐廳環境舒適，設有唔同嘅位置，裝飾都好有心思鴨與蛋（法國油封鴨腿，薯餅，蛋，蘑菇，車厘茄，窩夫）油封鴨腿外皮好香，裏面嘅鴨肉鬆化甜甜嘅窩夫烘得好好，外脆內軟，仲有香脆嘅薯餅，配合埋蜜糖好滿足車厘茄超爆汁香甜好味😊其他配菜都非常好香蒜白酒露筍日本和牛粒燴扁意粉一上枱有酒嘅香氣，好吸引！和牛粒煎得好香，香蒜味都好出色，意粉配合埋和牛油脂，好香😊丹麥藍芝士，布里芝士拼盤（藍芝士，布里芝士，意式橄欖味餅乾，無花果，堅果）藍芝士發酵味道比較香濃，鹹味比較重，配合埋餅食味道更好布里芝士口感比較柔軟，順滑溫和，配無花果食感覺更香凍開心果Dirty開心果及咖啡味道都幾夾，濃郁熱焙茶latte拉花好靚😊焙茶味都好香，牛奶味道都好濃郁 斑蘭椰香芒果巴斯克蛋糕 超大份嘅蛋糕😂雙層芒果酸酸甜甜，有淡淡的椰奶香味下層班蘭同芝士味都好夾整體而言，好推介呢間 cafe地點方便，室內環境舒適，店員友善，食物質素高，正😊

銅鑼灣有唔少樓上Cafe，今次同屋企人嚟到百樂中心呢間，環境裝修好有特色，坐得好舒服，氣氛chill爆！✨飲品方面，我哋試咗兩款特色飲品：開心果 Dirty: 杯口裝飾朱古力開心果，微甜中帶點咖啡香，開心果控一定要試吓，味道好特別！🍫✨Cocktail The Dao of Life:抹茶風味突出，酒味淡雅，適合白天享用，抹茶和酒的配搭match得perfect！🍵🍸主菜選擇了 Duck & Egg，鴨髀入味十足，肉質嫩滑多汁，鴨迷必食！外脆內軟的窩夫更添層次感！🤤🦆香芒醬比目魚，魚肉鮮味，配上香芒醬食落去味道更有層次🥂小食方面，蜜糖牛油蒜香單骨雞翼邪惡到爆炸，蒜香牛油味濃郁，絕對讓你欲罷不能！🔥🍗布袋芝士 Croffle 配上蕃茄，一口咬下香濃芝士和清新蕃茄的組合，清爽又豐富，絕對是超正的選擇！🍅🧀最後，Self made 開心果巴斯克，外表精美，口感剛好達到半熟效果！開心果味道突出，完美ending！🥰🎂整體嚟講，呢間 Cafe 無論環境定食物質素都非常高，無論係約朋友、家庭聚會都好啱。下次一定會再嚟試多啲其他餐點！👍

做完yoga之後嚟到銅鑼灣食呢間Cafe裝修好靚，星期六有brunch Menu!! Impossible meat croffle 🤩瀑布咁嘅芝士加番茄肉醬，配上croffle食好夾！日本和牛粒份量都幾多，每一粒都好Juicy，配上少少pink 🧂 牛肉味更加出~ All day breakfast 🥞 呢度嘅窩夫真係好好食，外脆內軟，個蛋炒得好香配埋菇菇一食口感好豐富。薯餅都好香脆，又唔會好油！軟殼蟹明太子意粉🍝 軟殼蟹炸得好香脆，但係唔會太油膩！明太子意粉煮得剛剛好每一啖都有明太子醬汁，所以其實有少少膩~ 多人share食會好啲😍甜品係嗌咗兩款，一個係開心果巴斯克，好食到飛起，入面十分之流心！上面仲有好多開心果碎，所以一啖大滿足🫣🫣另一款係特別啲雙層pandan mango matcha basque 佢上面做到好似芒果糯米飯嗰種味，食落去都好香芒果味，所以比較Refreshing ！下面抹茶味都好濃架！兩款蛋糕都好值得食，因為係佢哋自己整嘅，誠意十足☺️ Iced Banana bread Matcha 😉very cute combination! 又唔會好甜，飲到抹茶香濃味加

今日去左呢間係銅鑼灣既cafe食野, 餐廳環境好特別, 播住D好Chill既音樂, 整體既感覺非常舒服,係個好適合放鬆既地方。頭盤有沙律同龍蝦湯揀, 我揀左龍蝦湯, 個湯飲落好滑帶D龍蝦味同好濃既南瓜味。叫左個炸魚黑松露薯條同北海道海膽帆立貝幼蛋面, 炸魚同薯條1上枱就熱辣辣, 炸魚好濃既魚味同好彈牙,炸得非常鬆脆, 薯條脆卜卜充滿黑松露既味道, 配搭剛剛好。而北海道海膽帆立貝幼蛋面既海膽同帆立貝都非常鮮味, 海膽一D都唔腥, 入口溶化, 帆立貝加左D黑椒配搭得好好, 幼蛋面好滑同煙韌, 醬汁味道非常獨特, 食落唔會好漏, 份量岩岩好。叫埋杯蘋果蜜桃果茶非常清新, 滿滿既蘋果味唔會搶左蜜桃既味道, 呢個配搭好match。最後叫左個斑蘭芒果椰子芝士蛋糕, 個蛋糕外觀非常吸引, 最上面個層係充滿住椰香既cream上面有芒果果粒, 下面係一層似布甸既質感, 最下面個層就好軟棉棉, 好有層次感, 食落又酸又甜非常特別。

今次同朋友去咗 Layback 試吓佢哋嘅西餐，環境好chill💫，食物質素仲幾有驚喜～🍖美國豬肋骨配蜜糖芥末醬 + 薯條啲豬肋骨超級淋身，一叉就散開🤤，蜜糖芥末醬甜甜哋又有少少芥末辣，好開胃！薯條炸得脆卜卜🍟，份量好多，兩個人share啱啱好👌🦀明太子軟殼蟹扁意粉軟殼蟹炸到超酥脆💥，成隻擺上意粉度，打卡一流📸～明太子醬汁creamy得嚟唔會膩，仲食到粒粒明太子👅🍈西班牙火腿片（3個月）配季節蜜瓜火腿鹹香十足，唔會太肥膩，配埋清甜多汁嘅蜜瓜，超夾！💯🍰Pandan Mango Basque Cheesecake呢個巴斯克芝士蛋糕好特別，分開兩層，斑蘭味突出，芝士濃郁得嚟又唔會膩，面頭嘅芒果醬就酸甜清新，平衡得啱啱好✨🍵 Banana Bread Matcha好濃抹茶味，拉花好靚喎，加埋燒香蕉做裝飾🍌，口感豐富～

在銅鑼灣一棟大廈的樓上Cafe試了幾款食物，環境清靜，適合聊天。斑蘭芒果巴斯克 ($78)： 賣相佳，斑蘭味清香，芝士綿密，甜度剛好，不錯。黑松露可樂餅 ($58/件)：外皮酥脆，黑松露香氣濃，但單價稍高。避風塘蟹肉扁意粉 ($128)：有驚喜。意粉夠鑊氣，蒜酥、辣椒惹味，蟹肉一絲絲，香辣開胃，推薦。霹靂烤法國春雞 ($148)：皮脆，肉嫩（雞腿尤佳）。*龍蝦濃湯 ($68/位)：濃稠順滑，龍蝦鮮味突出，含龍蝦肉，貴但足料。食物整體有水準，避風塘意粉和斑蘭巴斯克值得試。環境安靜，是銅鑼灣想安靜吃飯聊天的不錯選擇。

📍位於銅鑼灣百樂中心的上門小店，地理位置都方便，銅鑼灣站A岀口步行👣到餐廳約5分鐘🧭🪑到店日為平日晚上7時左右，店內約16張枱慢慢坐滿人，由落單，執枱，岀餐，埋單都只有2位店員，相對比較忙碌，等待時間較久都理解食物方面😋我地🍽️點咗2個主食，1小食，2飲品及1甜品主食是霹靂霹靂烤法國春雞，上枱時間等咗over1小時，其實春雞睇相都overcooked，好苦，肉質都偏梅，醬汁係偏泰式嘅酸辣汁，感覺上同燒春雞唔係太夾，等1小時多就吾太值得😟另外一款主食就北海道海膽帆立貝幼蛋麵相對上最出色，龍蝦汁係偏甜既口感，帆立貝有驚喜，煎到剛剛好，外脆內軟，最初以為只有2粒，結果葉下面總有2粒，果然好物沉歸底😂配幼蛋麵都掛到汁👍🏻相當岀色小食就點了日本和牛粒就好un，偏多筋位，食吾到牛肉香😟但小食嚟講份量都多，大約有12粒甜品是由店員推介既甜品，斑斕芒果巴斯克蛋糕份量好足，但味道就完全食唔到斑斕味，反而有種回甘既抹茶味，芒果雪到好硬，冰既口感，蛋糕上面有奶蓋/cream偏酸，係檸檬柚子既酸味，整體口感好怪😟甜品等咗半小時，吾太值得等啦飲品方面我們點了店員推介的cocktails-Pistachio Yo!

生拆蟹粉拌北京拉麵🌟🌟🌟🌟黎到已經覺得個擺設好靚，仲要噴埋花雕酒。蟹粉份量多到好誇張，額外仲有一碗蟹粉俾你倒落去麵度，每一啖都食到好多蟹粉蟹肉💜日本和牛粒配喜馬拉雅岩鹽🌟🌟🌟🌟和牛粒好香口軟腍，份量都比想像中多黑松露薯條🌟🌟🌟🌟薯條熱辣辣咁送上嚟，加埋黑松露醬，簡直Perfect match開心果巴斯克芝士蛋糕🌟🌟🌟🌟🌟個蛋糕好似藝術品咁好靚😍同埋有流心嘅感覺，面有啲乾花同埋果乾碎，同開心果味嘅巴斯克芝士蛋糕好夾，口感好綿密，開心果味都幾濃Layback Cafe & Bar (銅鑼灣)銅鑼灣耀華街3號百樂中心17樓1702-03號舖

🔖位於銅鑼灣百樂中心，餐牌選擇種類多 有意粉 沙律 pizza burger 意大利飯 裝潢復古又chill 牆上擺放著大量唱片&電影海報🎬📀氣氛舒服 食物有驚喜 甜品同飲品都唔錯 有榻榻米座位同埋成班朋友Gathering都好啱·`♡· 法式芥末子蜜糖烤羊架法式芥末子蜜糖烤羊架外層香脆 羊肉嫩滑多汁 完全無羶味👏🏻芥末子和蜜糖帶來微辣同甜香 完美中和羊架油膩 提升層次感🫶🏻·`♡· 油封鴨腿配窩夫、血橙油封鴨腿配窩夫、血橙呢個組合好有層次感🥰 油封鴨腿外皮酥脆、肉質嫩滑多汁，配埋血橙嘅清新微酸 令成道菜味道好balance唔會覺得膩🤩窩夫加咗柚子蜜糖同牛油 鬆軟香甜 啱晒做鴨腿嘅配角 食落去又有驚喜☺️·`♡·丹麥藍芝士、布里芝士拼盤藍芝士、布里芝士、意式橄欖味餅乾、無花果、餅乾芝士控必食😙藍芝士味極濃 配無花果同橄欖餅乾 鹹香中帶果甜 幾有驚喜·`♡·藍湖顏值高又清新 藍白色好像天空一樣加咗雲尼拿雪糕 感覺好似飲波子汽水奶昔 好清爽😋·`♡·Matcha Yuzu Tonic抹茶味清新 帶少少甘香配上柚子嘅微酸 醒神又解膩🌿·`♡·開心果巴斯克好大件cake🥳夠兩個人share巴斯克