影片
港铁观塘站 A1 出口, 步行约7分钟
继续阅读
开饭介绍
摄影影楼x型格咖啡店─学生桌椅、原始木材家俱、店主黑白摄影作品、以相机及画框点缀的混凝土墙，格调简约；供应各地精品咖啡及特色自家制蛋糕甜品，必试新鲜冰滴咖啡、咖啡挞。适合包场举行私人派对，可安排摄影服务。
继续阅读
营业时间
星期六
14:00 - 20:00
以上资料只供参考，请与餐厅确认详情
招牌菜
环境：由影楼华丽转身变成间cafe，课室桌椅加上学生簿做menu，充满校园气息。今个月只会喺星期六开门，所以好多食物饮品都冇预备到，可惜可惜，谂住试吓啲甜品添....Photographer's signature($36)：即系Americano+Chocolat rouge wine... 闻落好似苦茶，有啲山草药味，咁得意嘅？！如果你唔讲呢，真系唔会觉得呢杯系咖啡㖞！但饮嘅时候又冇苦茶嘅苦味㖞，咖啡味香浓但又唔觉有酒味㖞，如果酒味重少少会好啲！Earl grey($24)：冇我最爱嘅Mocha，唯有叫杯earl grey饮吓，冇乜特别听住柔和嘅广东歌，叹下午茶，舒服到不得了，最美中不足争件cake.... 原来个喇叭价值30万，真系要洗耳恭听啊...其实嚟呢度除咗系想睇睇影楼cafe外，最重要嘅就系想试吓今个月个promotion！。凭任何消费+$20，即可以到楼下黑房亲自冲晒一张黑白相。由投影照片去相纸，再浸药水，由风干到完成，当而家所有野都讲求数码嘅时候，仲会有几多人有心去逐张逐张相晒出嚟？！而家嘅人每日用电话影几多张相，但你哋又知道以前影相系几咁矜贵吗？Eddie搞呢个活动其实都系想保存摄影艺术，等大家真真正正认识摄影背后嘅意义，欣赏黑房入面嘅乐趣。今个月周末得闲嘅话，不仿嚟呢度体验吓，会系一个几有趣嘅经历！
继续阅读
观塘呢间既系影楼、又系咖啡店既私密小店，系我一直想试的小店之一。友人于面书分享小店既报导，先知原来几乎全港杂志报纸、电台电视台都访问过摄影师店主，期待！小店开周四至六。位置都几隐密，入到去确系令人惊艳。周四下昼客人不算多，有一枱三、四个女仔gathering，又有d情侣黎拍拖影下相，我就同朋友坐bar枱。店内装修好清新，灰色水泥墙加湖水绿学生枱，另一边系原木bar枱，难得坚持空间感，惊喜！友人技痒四围影相，借其靓靓作品同大家share。我地点左夹饼配雪糕、焦糖炖蛋、咖啡挞，饮品就选了cappuccino同冰滴。自家制夹饼配咖啡雪糕夹饼加左亚麻籽同olive oil，健康不腻，蛋香浓，上面有浓滑朱古力浆同自制咖啡雪糕，雪糕同香脆夹饼配搭得宜！原味焦糖炖蛋烧焦既糖片好香，店员解释系用庶糖，额外清甜；入面就软绵绵，浓郁蛋香同奶香。咖啡挞其他食评大力推介咖啡挞，饼底松脆，混合即磨espresso、蛋白、忌廉既topping好滑，卖相尚可，但内涵非常惊喜，有水准。店虽小但用料唔马虎，咖啡甜品用即磨espresso而非一般咖啡精油，所以带咖啡独特既甘香！Cappuccino咖啡上枱时见无供应糖，老板话建议客人先试加糖前既咖啡甘香同奶香；一试果然唔系想像中既苦，奶泡好甜滑而咖啡好甘香！系我首次无加糖饮咖啡！冰滴咖啡店员介绍冰滴咖啡系用精品豆制作，8个钟先滴到4杯份量，最好玩系有得选豆，友人选了哥伦比亚冰滴，带柠檬香橙果味，既甜又浓。
继续阅读
放假，总想休闲享受！奈何在观塘区，原来要找个谈心的落脚点却不易！东翻西找下，到了一间位于观塘工厦里的另类咖啡店！．．．说她另类，小店本来就是一间摄影工作室，放了不少拍照的小摆设，里面只有三组不同款式的椅桌！我俩用餐的桌椅，就是中学读书时用的那种，不禁令人想起读书时的回忆呢！（笑）光顾前，特意致电查询有否咸食，如：三明治、沙律...接电话的那边有礼跟KsMeow说，还是吃饱再过来喝咖啡吧！店子除咖啡外，就只有极少量咖啡味甜点！．．．天气有点冷，姜味拿铁（$38）推荐度满高的，就点她吧！下单时，店员还细心问及对姜味的浓淡要求呢！姜味的确浓而不呛，奶泡打得绵细而滑！咖啡味却有点不足，相信是为了迁就姜味吧？（如果太多咖啡味，姜味就会无定企？哈...)喝后，身体暖和很多！．另点的拿铁（$32），咖啡味也是很淡！可取是，喝到尾段奶泡仍是挂著杯子，且泡泡有股颇浓的咖啡甘味，微带余韵，为整体拉回一点分数！．．．再尝以咖啡作主调的咖啡挞（$38）看来卖相普通，几层的质感却微妙紧扣著，有咖啡果冻，亦有浓浓忌廉香的咖啡慕丝，松化的批底吃来轻盈，不带饱滞，颇具层次！吃后，咖啡香围绕著舌头，不错！对爱摄影、爱宁静、爱回忆... 的朋友，相信这里会是一个不错的地方！但对热爱喝咖啡的，则有点保留！姜味那杯较好，但咖啡的味道不如想像般浓，有改进空间；咖啡挞的水准却出奇的高，令人想打包一个回家，跟家人一起分享呢！小分享完毕，有兴趣可按KsMeow或Openrice内其他分享！
继续阅读
latent image呢间café第二次黎了！第一次系朋友包场，今次就特登同咖啡精友人喺周末黎品味咖啡 (扮下野)！店名latent image一d都唔似café，本身系影楼，店主系摄影师，又钟意”品味咖啡”，所以就开放部分studio化身coffee corner做埋生意。Café开周三至六，不过每日净系做5个钟头生意，下午2点开，晚上7点就收舖(请人唔该揾我pls！)，想试就预早d la。店主仲话有时会因接摄影job会改开放时间，提提大家最好去佢fb睇post又或者打电话问下先woo。Order左4款甜品：咖啡挞、”摄影师推介”、拿破仑同棉花糖夹饼。作为招牌甜品既home made咖啡挞，挞馅有好浓郁咖啡口味，好滑！挞底系我最最最爱既牛油底，非常松化，赞赞赞！我地去到都未够4点，但都只系卖剩一件jar！店主话下次可以先预订咁话㖞！Menu上面有项”摄影师推介”，一问之下原来系咖啡焦糖炖蛋，又试！蛋香同咖啡又几夹bor。咖啡甜品以外，食极唔饱嘅我地仲order左拿破仑：杏仁香、奶油甜、饼脆松化；棉花糖夹饼，香口甜甜地，店主形容系”传统o靓仔味道”，又几贴切woo！同行友人系咖啡精，叫左杯精品咖啡，话好有果香、花香味…(见个friend懒认真试味挂住笑唔记得边度嘅咖啡豆嘞)；我唔系好饮得斋啡，我杯cappucino好滑好香，嗒真d又真系饮到咖啡甘甜味！但系唔好咖啡既朋友仔选择就相对少嘞，柠茶柠水外就有朱古力同埋个人认为 ”入门级咖啡”既mocha。
继续阅读
睇左杂志介绍知呢间小店系摄影X咖啡主题，今日约个Friend揾食抖下HEA下，放弃星期一至日全天候迫爆apm，决定行多两步试下呢间隐密咖啡店。虽然话系摄影主题，以为都系有几张相装饰之类，一入去个环境系真心好有惊喜！好有STYLE，角落仲展示店主黑白作品添。难得环境好有空间感，舒适！ 饮品：店主介绍冰滴咖啡，自己都算饮开咖啡，不过冰滴都系头一次，我地点左危地马拉庄园同埋肯亚既冰滴咖啡，感觉好清新，入口似冰茶但有水果、焦糖同花香味，仲有d回甘，店主好细心仲提供个别咖啡豆既＂咖啡冰＂，可以保持温度之余，又唔会令咖啡变淡，值得一试。其他精品豆新鲜供应，冰滴以外可选手冲同虹吸。 食物：share左一件咖啡挞， 加入Expresso作为馅料令咖啡挞好香浓幼滑，小量制作！其他仲有好几款咖啡甜品好似咖啡冻、咖啡奶冻、怀旧拿破仑，下次先再试。 睇下书上下网又过左个悠闲下午，劲推介！ Highlight:- 咖啡店所在既工厦大堂有好多小店，其中有一间专卖日、港、台零食，好多怀旧口立湿，可以顺便扫货！- 店内有好多咖啡题材既书、摄影集，可于店内借阅，又可以同店主倾下咖啡、影相！- 咖啡店餐具好精致，记得影相！- 咖啡店可包场for private parties，可包影相服务。
继续阅读