影片
港铁太和站 A 出口, 步行约7分钟
继续阅读
营业时间
星期一
11:00 - 15:00
18:00 - 23:00
星期二
全日休息
星期三至日
11:00 - 15:00
18:00 - 23:00
以上资料只供参考，请与餐厅确认详情
招牌菜
大埔★Lanciano Ristorante（意大利餐厅）作为意大利菜拥趸，知道大埔有间意大利餐厅成日都想黎试下。不过有次夜晚经过见d野食闲闲地都二三百蚊都系决定揾次lunch黎试下值唔值先...星期日12点几黎到只有三四枱客人，人流稀少。相信餐厅为左节流，只系开左少量射灯同埋冷气都开到好细，坐到有d出汗之余感觉上气氛都几昏沈见到天花挂起既一面面意大利旗帜仔先醒起去左间意大利餐厅...最生气勃勃都系个大鱼缸，见到d鱼游得咁happy我都好想去游水凉快一下揾食时间唔知餐厅系咪好狼死地大幅加价呢？印象中以前只系$68+10%……头盘 - 蕃茄、薯仔、烚蛋配蛋黄酱（跟餐）：★★☆☆☆ ☆☆☆☆☆卖相真系唔太掂，d酱多到浸住晒d材料炸龙脷柳配腌青瓜蛋黄酱（午餐$98+10%）：★★★★★ ★★☆☆☆仲长过手板咁大块！仲要系无花无假劲厚肉！炸粉食落有d似油炸鬼，好彩炸得香脆而唔会油林林不过入面既啖啖鱼肉先系重点，层次分明，肉质嫩滑，好满足只不过d配菜除左烧蕃茄之外真系唔太掂……西兰花白烚无味，薯条唔脆唔新鲜然后腌青瓜蛋黄酱原来只系平时点鱼柳既普通沙律酱？！虾肉西兰花忌廉汁扁意粉（午餐加半份$38+10%）：★★★★★ ★★★☆☆正，可以嗌个set再加半份意粉/饭，唔想太滞两个人分份量岩岩好中西合壁既配撘，总系觉得无啦啦加左西兰花好似去左heahea港式西餐厅…好彩个忌廉汁调得好，creamy又入味，扁意粉煮得al dente，味觉上慰藉番弱小既心灵虾肉都几弹牙㖞，不过如想像中唔系特别鲜甜啦～至于d西兰花呢，其实都好上汁几好味，又爽爽地有口感热意式咖啡（跟餐）：★★★★★ ★☆☆☆☆睇佢啡啡地色感觉上几都好似唔太浓姐，饮啖先知原来咁浓郁带苦加左成杯奶仔先叫易入口d，不过浅尝左一两啖都系比番喝得苦男人饮…埋单$150/2ppl。整体黎讲食物（除左个头盘）都几好味，但环境系败笔令人唔可以好好享受气氛欠奉而又有d局促，好有屋邨西餐厅feel。意大利菜黎讲其实都唔算贵，但以依个价钱相信会有更好既食物ｘ环境组合
继续阅读
今次路过呢间餐厅，老公话好多年都未食过，喺星期日晚饭时段大埔区正常嘅餐厅沦陷的情况下，我哋决定试下呢间餐厅。入到去，得一枱客，心谂唔知会唔会中伏，但𠮶阵已经九点我同老公都唔想再等位，我哋俾个机会佢。打开餐牌，d dishes 系有d贵，例外意粉约200蚊碟，价钱嘅问题可能系无乜客嘅原因。我哋叫咗3样嘢：1）水牛芝士蕃茄2）三文鱼烟三文鱼三文鱼子长通粉3）海鲜pizza1）水牛芝士蕃茄老公话好好食，不过呢道菜系0难道，所以无分加2）三文鱼烟三文鱼三文鱼子长通粉超好食，所有配料嘅味道都好夹，个汁沟得好好，浓得来唔会令人觉得heavy. 老公平时对饮食要求好高，佢都大赞！👍🏻👍🏻👍🏻3）海鲜pizza海鲜料好丰富，味道ok, 但看得出好有heart . 平时出面d 海鲜pizza 都唔多配料。呢度好足料！👍🏻👍🏻👍🏻我好多年都无出post, 真心觉得这间餐厅deserve 多d 客，所以出post 支持下佢。
继续阅读
此餐厅位置比较偏僻, 有意大利小店的感觉 ,有好悠闲自在的感觉, 经SERVER 介绍下点了猪手送红酒. 果然没有介绍错,猪手皮脆而肉嫩 ,好好味.而我朋友就点了羊架, 平时我不太喜欢食羊... 怕有味, 朋友吃后不停要求我试一口 , 说真是一点味都没有, 我一吃果然真是一点味都没有, 真是好好味 ! 多谢厨师的手艺 ,令我可品尝到好味的羊架, 这个晚餐食得很满足及丰富 , 正, 我一定会再光顾的 ,因为埋单时, server 给了一张$50的现金劵我, 有著数又好味, I will be back 再试下其他食物.....
继续阅读
对上一次食呢间餐厅已经系5年前, 因为位置唔就脚所以好少可嚟呢头。今日下午1 点去食时得两枱人, 好快就入左去坐。Set Dinner一位68蚊未加一。set dinner有头盘, 主菜同饮品。头盘方面有蓄茄汤同蔬菜沙律，我点左个沙律一试。啲沙律菜唔苦，几有青香味，有一两粒橄榄同蕃茄仔，配埋佢个酱酸酸地好开胃。主菜有两款意粉两款肉类拣一。我同母亲大人分别叫左个猪仔脾同埋鸡肉白汁意粉。母亲大人赏赐左一件猪仔脾俾我。虽然应该系冰鲜肉但都几有肉味，个汁唔会太浓味，冇盖左个猪肉味。鸡肉白汁意粉个白汁味入晒落鸡肉到，所以虽然浓味但冇咩鸡味。但意粉个味都几香唔错。之后我叫左杯冻朱古力，估唔到系用高杯上，另上花奶同糖水俾自己调杯完美嘅朱古力。服务赞!
继续阅读
今日同朋友经过大埔墟,见到有间意大利餐厅暗暗地好似好贵咁咪去睇下有咩食,点知有惊喜wor! 68蚊一个set lunch,有汤有沙律简,见唔多人咪入去试下,环境都唔错,(不过坐正风口位有d冻) 见到得一个侍应心谂唔系挂,咁大间餐厅得一个点做得切 , 最后我地叫左一个牛肋条,一个唔知xxx鱼(个名好长嫁唔记得,因为我唔食鱼,净系朋友食) 个餐汤好fresh唔系普通用粉开果d,仲有餐包送(香草意大利包好好食,另一个圆包麻麻地) 主菜黎到闻到好香牛味,红酒汁整得好好 overall黎讲呢间餐厅真系几正,几十蚊依家茶餐厅都差唔多啦,有咁既质素既野食仲想点? ps 个女侍应短头发几靓女,唔知系咪太子女呢,服务又好,又做得切d野
继续阅读