影片
食家推介
招牌菜
我喺Lamtei 扒房忠实Fans, 帮趁咗好多年，屯门，元朗店都会去，最近一年都系去屯门总店多，寻晚因为朋友住元朗区所以就大家去元朗店！先讲食物，我哋order都系主打菜，肉眼，牛柳都烧得好香好好味！而我喜爱嘅鹅肝黑松露饭因为鹅肝无货，而改试带子意大利饭，可惜味道真的唔夹，我点都唔明点解会改带子，一鲜一浓口味，大厨唔通无试过？讲到服务，我今次真系吓亲，侍应串嘴情度系令人觉得烦厌！首先朋友要牛扒3成medium rare , 侍应竟然话系5成，话朋友错，然后再讲我唔同你拗！到我问点解鹅肝缺货半年之久？呢个系店主打菜式，无咗主打菜，客人仲点会再嚟？ 我系Fans当然想知！点知侍应答我，鹅肝系法国直接入口，供应商无货，咁我问点解唔用第二间？又或用鸭肝呢？侍应再答：法国全国已经唔再出口鹅肝！我哋做正宗法国菜当然唔会改！侍应一讲我真系俾佢嘅尊业吓咗一跳！我真系未听过法国正宗只有鹅肝，都未听过法国唔出口鹅肝，我今年先去完法国，机场大把有售！再者法国人也爱鸭肝！我好少响open rice 写食评！因为我希望我喜爱嘅餐厅长做落去，所以我希望餐厅老板见到我嘅评语，除了食品质素外，员工尊业都好重要！请多聆听客人意见！
继续阅读
三个人叫左三个主菜转餐，见咁多好评，点知中伏。有餐汤+沙律+主菜+餐饮，老实说，很失望，野唔好食，又收得贵，冇下次。环境：好「简约」，像冇装修，只系四幅墙油了油。餐汤：一般啦。沙律：唔错。主菜：非常失望，好难「勤」。墨鱼汁（色）的意粉，竟然配忌廉汁或蒜香汁……我选了忌廉汁，食落似药水味，难顶。牛扒，超大件，要求低的肉食者至爱，五成熟仍然好鞋，冇肉汁，硬。猪手，皮唔脆，肉又系好鞋，难食。甜品：心太软，小孩坚持要点，全餐最好食，但份量不多，个人认为suger mama好好多。值得一提，D玻璃水杯竟然全部都花碌碌，满布花痕，仲衰过茶餐厅D胶杯，卫生成疑。
继续阅读
终于等到weekend可出街轻松吓, 今日节目丰富, 先到屯门探朋友亲身体验现有私人屋苑club house既酒店级设施及餐厅. 再到天水围探望亲戚后, 享受老公为我预备的神秘晚餐. 哈哈, 因为除了出名的大大件鱼生寿司店外, 我对元朗系陌生的, 他带我从西铁站左穿右插, 远望见到出名的B仔凉粉, 再兜到好多车房的街巷, 便到逹这餐厅了. Lam Tei Grill, 蓝地唔系在屯门咩? 原来这是分店. 怀著急不及待既心情第一次在元朗食西餐, 第一时间更系.....参观洗手间 男女厕分开就在水吧对出, 女厕只得1个内里较窄, 关门时要就一就位, 但总算清洁 我们拣了窗边2人枱, 这时7点没太多客人. 主要分两排的木餐枱较逼, 如满座时可能都会颇嘈杂. Waitress递上餐牌时顺带介绍如order主菜可加$45转餐, 即是有汤, 沙律及饮品. 共5版既餐牌, 分别有头盘, 厨师推介, 沙律, pasta, risotto, 意大利云吞/千层面, 甜品及饮品, 另有酒牌, 想食既都有, 一定满足到多心既我 . 首先来杯house white边饮边拣食物, 第一眼见到蟹肉他他已认定要食 (蟹痴又来啦) ; 再见到几款鹅肝选择, 分别出现在头盘/沙律/主菜/risotto, 莫非是必试..... 我们便选择配清淡既黑醋汁鹅肝沙律; 来到蓝地grill, 一定要grill一grill啦, 拣了老公最爱既美国安格斯肉眼.门面有落地玻璃窗很欧陆feel, 灯管logo很抢眼, 远望都已见到. 木家俱配白砖墙, 墙上挂了粉色油画, 很简洁.$45一杯house white/red, 味道醇和不带酸很易入口哈蜜瓜配蟹肉他他 ~ 卖相吸引, 高高的蟹肉塔分了4层, 蕃茄粒/蟹肉/蜜瓜粒/蟹肉, 伴以2条哈蜜瓜, 及画上油醋汁, 洒上烘脆香草碎. 蟹肉虽不至于鲜甜, 但至少没有雪味或罐头味, 份量很多, 啖啖蟹肉. 蜜瓜清甜. 整体没有太多调味, 可以品尝原味食材是一款很健康的前菜.跟餐杂菜沙律 ~ 1人份量, 主要是罗马生菜及紫洋葱, 够新鲜, 配以简单油醋汁.黑醋鹅肝沙律 ~ 卖相一般, 杂菜(有狗芽菜,紫生菜, 罗马生菜, 紫椰菜...)和跟餐那些菜有些分别; 黑醋+碎香草跟蟹肉他他一样; 重点是那块鹅肝, 很小很干很黑, 老公先吃内里很干, overcook了, 始终都要$116, 所以大胆跟店员提出意见, 店员很有礼貌听取及向厨师反映, 转瞬间, 厨师补煮了一件给我们..............真是和刚才的两个版本, 这件明显地肥大, 色泽焦糖, 切落有软熟, 食下肉里还微暖, 恰到好处, 要赞的是厨师不是草率的补回给我们, 而是很有心思的加上少许狗芽菜及烘碎香草, 所以我话这里不只grill得好, 还serve得好.跟餐南瓜汤 ~ 很喜欢这餐汤, 淡淡的浅黄色却带著浓浓南瓜甜味, 质地很滑. 跟汤的法包仔也很脆而不硬.美国安格斯肉眼 ~ 出名的grill真是不可不试, 很大块的肉眼传来阵阵炭烧香味, 好有bbq风味. 因为都有少少刚才鹅肝过熟的阴影, 幸好这片牛是接近medium rare. 肉质带些少肥膏很松软富肉香; 用来伴碟的菜疏都有烤香味, 虽然吃这大块肉已很饱肚, 但点可以唔食埋那个雪糕球般大既鲜制薯蓉呵, 捞入香草碎, 啖啖真薯仔蓉, 调味刚好, 欣赏表面是烧过脆脆的.心太软加雪糕 ~ 其实附近有好多糖水店, 但我想贯彻始终食西式甜品, 一于试埋这里的甜品质素又如何. 跟餐$60, 只是比单叫平$5, 其实都没有特别优惠. 不过唔试又唔知既, 软熟既蛋糕轻易切出流浆朱古力, 黑朱古力味浓, 不会过甜. 本应巳很捧腹的我, 都很轻易地连淋碟的朱古力酱也吃光了.
继续阅读
Lam Tei Grill 食过几次，无论服务环境都觉得好好，价钱合理所以今次就再泥庆祝我们的周年纪念啦。叫左个肉眼（$318）千层面（$98）两个主菜都加左$45转餐，再叫左两只芝士焗蚝（我钟意呢到既焗蚝唔会太过熟同干，仲系好有蚝味），跟餐沙拉菜好新鲜，龙虾汤好香好浓，连个餐包都做到外脆内软👍🏻个扒好食，7成岩岩好，烧得好香又唔干，略嫌烧汁无咩味，不过就咁食都已经好食。千层面我泥亲都会叫，因为个汁系用新鲜蕃茄洋葱肉碎煮，好鲜好开胃，令到成件事唔会又滞又漏，最后用个心太软为我们呢餐画上句号，唔会好甜，我钟意！侍应们收碟换碟好摆快手，同埋我钟意食完一样先会上一样，好体贴，甜品到了，我只举起只手不用多说就即刻为我们拍照留念，比个赞先。唯一一个问题系唔知我唔识用定点，个厕所门我真系唔识点锁⋯⋯
继续阅读
第一次上网见到，好似唔错，就谂住试下，行到门口企系到，无人行出黎问下都唔紧要,一开门入去，成村人牛咁眼望住我…于是我问佢有无位，有个男人就好串咁话:你有无订位㗎？无订位就无位啦，我地呢到系要订位㗎…我无言，但见佢讲到咁，我都好想试下系米好食得咁紧要。于是今晚就打去book,接电话个个其实都几无礼貌…有啲火火地想唔去！佢接电话听唔到我讲嘢，系米应该讲:唔好意思，听唔清楚，而唔系:我听唔到你讲咩呀！咁样呢？！都算！因为我真系纯粹想食嘢！系第一次帮衬，嘢食系几好的，我叫左澳洲M5和牛，无记错好似系$288，牛肉几好，合格，价钱唔ok,size 都ok,但佢无讲明系几多安士，黑松露鹅肝意大利饭$168定198…一般的意大利饭，很普通，黑松露味道完全唔出，另外，我们加左$45转左个餐，$45叫左一杯红酒，that all.整体黎讲，食环境同食物都会令我再食，但服务态度就很一般…
继续阅读