影片
港铁香港站 C 出口, 步行约7分钟
继续阅读
开饭介绍
无论里外, 大厨Rene-Etienne Bedu 目标给客人个人的餐饮经验。Rene 的理论很简单, 同最好的材料才可以做出最好的菜肴‧
继续阅读
营业时间
星期一至五
12:00 - 14:30
18:00 - 22:30
星期六
18:00 - 22:30
星期日
全日休息
以上资料只供参考，请与餐厅确认详情
招牌菜
食记 (31)
团购见到有优惠，觉得好吸引又低食，5道菜仲有酒饮都只系二百几蚊，所以决定一试。优惠卷用到12月31号，我12月中打去订位，所有dinner时段经已full, 只能简lunch,仲要得几日比我简。真系好夸张,可想而知餐厅有几popular。听电话既系一位菲籍女侍应，非常有礼貌兼有耐性（但故事未完）。餐厅装修简单，以白色为主调，冇任何花巧既布置，感觉大方干净。Serve我地既系1位应该系中东或印度籍既男侍应，操一口流利广东话。态度有善，好有礼貌，说话自然。跟歺有一杯智利气泡酒，味道相当唔错，冇苦涩味，好易入口。歺前小吃：芝士+火腿+面包面包好大块，烘得啱啱好，外皮脆脆地，入面非常软熟，一啲都唔硬。蒜蓉牛油非常平均地涂系面包上面, 咬每一啖都食到蒜蓉牛油香味，而且味道啱啱好，蒜蓉味唔会太浓烈。火腿质感较湿润，唔系风干火腿，味道有D太咸，但依然好食。芝士有2款，食落囗感好滑，质地较软身。我将火腿倦住芝士泥食，芝士能够cover火腿过多既咸味，口感几特别。1st头盘：洋葱汤，青菜沙律佢既洋葱汤系根据香港人口味而制作。食过真正法国洋葱汤既都知佢所谓既洋葱汤其实系唔会饮到汤，而系将好多面包浸系啲汤度，基本上只会食到浸到淋bat bat既面包，口感十分怪仲有啲核特。但系佢依个就唔同，佢真系一碗汤。入面只有一嚿细细地既薄面包，而且烘到好脆，唔会比汤浸到淋bat bat, 汤既面层有啲焗过既芝士，味道浓郁，咬落有一条条丝。汤既味道清清地，散发住阵阵既洋葱香味。制作好有心机。沙律材料好简单，只有菜同车厘茄，用橄榄油同唶调味。蔬菜非常非常之新鲜，比一般既翠绿还要翠绿。新鲜既程度就好似即摘即食咁 ，就算系其他高级西餐厅都从未食过新鲜到咁既菜。可惜落得太多橄榄油，每片菜都沾满油，食到成囗都系油。2nd头盘：煎带子不过不失。有4片薄带子，好明显系1开2，味道唔够鲜甜，但就煎得几香，有咬口。伴碟既系切粒既红黄青蕉，望落就几新鲜，但我本身唔食蕉，所以味道不详。主菜：牛扒失望。牛扒既松软程度明显唔系天然。切落去已经觉得怪，食落口感的确系怪怪地，一咬开就咬开，连基本肉咬落去应有既质感都冇。不过又未至于食唔到，味道尚可，有肉味，有些少肉汁，勉勉强强可接受。甜品：焦糖炖蛋，云呢嗱布甸一级棒！2样口感都非常幼滑。炖蛋蛋味香浓，配合面层既焦糖简直系味蕾一大享受。布甸既质感好似炖蛋，云呢嗱味非常浓郁。虽然2样野味道好香浓，但又唔会太甜，一啲都唔腻。二百几蚊有咁多道菜仲有酒饮有咁既质素有咁既环境，已经相当唔错，其实真系冇野可挑剔。但系世事就系咁，当你以为所有野都好OK既时候，偏偏出现一位唔老实赶收工既女侍应。当时2点半未够，得返我一枱客，我食紧主菜。女侍应(订位时听电话果位)非常之唔好意思咁走过泥讲对唔住，话佢地收2点半，示意我地食快啲（当时男侍应唔系度）。都觉得奇怪边有歺厅会2点半落场，但当时冇谂咁多。于是我快快手食埋件扒，甜品都未上，佢就好有礼貌咁拎张单泥比我埋。2点九我一食完甜品就即刻起身走人，女侍应即刻准备say goodbye 。男侍应见我走得咁急就觉得好奇怪。走过泥叫我地唔洗咁赶，慢慢坐到3点都可以。其实呢啲事就好常见，但估唔到高级餐厅都会发生呢啲低级事情。虽然位女侍应好有礼貌，但为左赶收工而唔老实呃顾客就点都唔应该。何况只系午市，就算我坐到三点，其实都阻唔到妳几多。就系咁，扣哂分。
继续阅读
yahoo团购再一次渗入我生活...哈哈，今次豪D买左2张＄178的团购券同朋友食生日饮之用（哗，中环苏豪区仲有酒饮都系每人＄200）即 买即订位book左晚餐时间1930，地方比心目中偏远，时间迟左少少，一坐下即见到西班牙火腿加芝士，待应好快地比左水我地再选择食咩做主菜同酒只有3桌客，外国人大多数，待应都系外国人我地2个女仔叫左带子，羊架，牛扒同甜品每款要一样洋䓤汤同包：包味道好好，好有蒜茸味又有件，汤味道浓同上方有包同好多芝士，料好多同好好味，更加特显洋䓤味浓酒：有白，红，汽酒，最后我地2个都选汽酒，普通吾难入口西班牙火腿加芝士：只可说普通，芝士味吾够前菜（带子沙律）：带子厚身，大只又够鲜，但成碟觉得太油，食左带子都吾想食其他配料主菜：配料全部好好食，吾油又够味道，薯蓉好有口感吾似粉整出黎，羊架：但羊架份量3件，味道吾苏，几滑，但3口已经食完太细份了牛扒：叫了7成都差不多全熟，但好在吾硬，可想而知肉质吾差先有，份量都叫正常，汁都够味甜品：奶冻够滑同有云利拿籽味道好特出，炖蛋蛋味重而焦糖够厚身，所以可以口口都有焦糖味十分好总结：食左2小时，觉得这个团购都抵同好味，每人最后结数＄200／位，待应好好（记得我饮暖水，全程都比暖水饮）好窝心，过左一个好愉快的晚上
继续阅读
团购原因系因为上open rice 见到几高分咪试下啰。之前睇过网上又话系一个著名model介绍乜乜乜,期望都几高下架。一入到去，环境Okay o既，侍应态度都好好，我同我老公去食，个menu团购嚟讲几丰富，前菜有蒜蓉包，芝士同Parma ham 仲有得拣沙律/洋葱汤，呑拿鱼他他/煎带子。主菜有羊扒，牛扒同三文鱼。甜品有奶冻同creme brûlée 。先讲前菜(sorry 无影相太肚饿) (学某食家口吻)蒜蓉包有蒜蓉味，亦比一般其他餐厅蒜蓉包大块，蒜蓉牛油亦都系搽满块包(最憎啲蒜蓉包搽唔满，留好多白边，你懂的) 块包够热够脆，最加分o既系外脆内软，唔会成块都脆到𠝹亲口腔。芝士同Parma ham 就ok la ，无咩可以评论，同我系𠮶啲吉吉岛呀，叉叉super 呀，孖ket place呀度发姣买番屋企食𠮶啲无咩分别。洋葱汤好麻麻，有啲似用浓x宝煮o既味, 块芝士系成碗汤最好味o既o野。呑拿鱼他他好一般鸡肋型o既菜色。呑拿鱼颜色唔系几新鲜，亦冇咩特别酱汁味，净系食到黑椒味。仲食到呑拿鱼筋比起呑拿鱼他他，带子稍为好啲，个带子煎得几香，颜色都靓，食o既时候觉得ok好食，但系系𠮶种食完你就会忘记佢，同朋友讲起带子(唔好问点解无喇喇会同朋友倾带子,我都唔知) 都唔会推介俾朋友.主菜方面我试左牛扒，大中伏! 😡😡😡😡😡😡😡😡😡😡😡😡😡😡😡😡(系呀，无相呀sorry )块扒同系花x餐厅呀，第x牛扒一样，但价钱当然唔同喇！原价食超唔值。个汁稀Liao liao , 我真心觉得花x 呀，第x呀𠮶啲"咋咋"声o既汁好食好多。要食靓扒的你一定会失望至极。配菜又摆得唔靓，又太油。我知道炒菜落好多油颜色会靓啲，会滑口啲，但火侯唔够，食落除左油味，咩味都冇。好失望。甜品系唯一我觉得真系好食o既，creme brûlée 好滑，个焦糖亦好靓。奶冻个奶味好浓，会齿颊留香。可能系我期盼过高喇，唉。
继续阅读
早阵子~买左呢间餐厅既团购~ 抱住搏一搏既心态! (想去中区食下西餐, 又想平~哈哈~)Book左几个星期, 原本想订星期五六去食, 不过都冇位........ (反而咁样就比较放心..... 间餐厅咁旺, 应该好稳阵.)食物质数同味道唔错~Parma Ham and cheese - 味道唔会太咸, 好食~洋葱汤 - 少少杰身, 味道好浓, good~ (以前试过第二d餐厅, 比较"水", 呢度整得较"挺身").吞拿鱼他他 -d货应该好新鲜, 好味道~ (我太太试左都话几得), 另外煎带子一般.主菜~牛扒同埋羊架, 两者都做得唔错, 个汁好好味, 薯蓉系用薯仔整既~唔系用粉开果种.甜品反而好普通, 奶冻同埋蕉糖布甸都系一般水准.总括而言, 野食系正既~ 不得不提, 杯Sparkling wine出奇地好饮~~~
继续阅读
一周年纪念，但为了短期内拥有砖头及婚礼，男朋友及我都决定到这餐厅。其实我好想去跑马地amigx 架😫不过，为了共同目标，男朋友由肯花费的，突然便了悭家的人，也放弃了买新game. 讲返间餐厅先，男朋友book左位，我地早去到，侍应就让我们选择座位，groupon有特定的menu，其实，价钱我也不清楚，但也不过不失除了甜品，得cream brûlée 好味，另外那个像热香饼的味很怪
继续阅读