109
9
9
电话号码
28818788
28818797
开饭介绍
餐厅采用欧洲古典风格，予人典雅复古之感。主打多国菜，提供从各地选购的扒类。
继续阅读
附加资料
Pet friendly outdoor romantic dinner
营业时间
今日营业
11:00 - 22:00
星期一至日
11:00 - 22:00
公众假期
11:00 - 02:00
公众假期前夕
11:00 - 02:00
以上资料只供参考，请与餐厅确认详情
有关奖赏计划
招牌菜
食家推介
相关文章
話說今次去咗間有種歐洲度假feel嘅餐廳，梗係要分享下啦！🍴首先，我嚟咗杯Shirley Temple，色彩繽紛添，飲落去得意啲令人心情好嘅氣泡，真係解渴又開心😋。而家講重點，佢哋嘅Angus Rib Eye 12oz，啲肉呢，簡直係每啖都欲罷不能！煎得啱啱好，外面微焦香，入口肉汁四溢，咁嘅烹調技巧迫使我忍唔住奉上拍手👏🏼。至於海鮮Paella，天啊，係我今生食過最足料嘅paella！海鮮鮮得出奇，每啖飯都帶埋海鮮味，食哂都仲想再食！最後，唔得不提嘅係裝潢，真係得其濃厚復古味，令哂dining experience提升好多檔次。宜家搵間可以留低滿滿美好回憶同味覺享受嘅地方真係唔容易，而呢度，完全符合咗我嘅期望，下次我哋聚會一定會再嚟！😊🌟
继续阅读
因為住東涌，聖誕節嗰晚去咗La Rosabelle dinner. 响Open Rice book 咗6:30pm, 去到其實都唔使book位，呢度長期都有位。真心唔知佢點生存。其實佢食物，環境，Service都唔差，可能位置比較偏僻，通常去都係附近啲住戶。嗰晚見佢有Christmas set dinner, 我哋叫咗一個，再加一個pepperoni pizza. Set dinner 包龍蝦湯，－個main, 甜品，再加一個紅/白/氣泡酒，都係$488，其實都幾抵。Pizza 都好大個，上枱嗰陣都熱辣辣，餅底又脆，真心好味。個set 我哋揀咗Turkey, 我個人覺得麻麻哋。dessert 係chocolate cake with cranberry sauce, ok啦。全晚都係得小貓三四隻，真心希望佢哋捱得住。
继续阅读
星期六下晝諗住去東涌搵嘢食去咗酒店附近嘅餐廳，見到裝修幾靚就入咗去環境真係好靚嘅，座位都好大，但係似乎星期六就冇乜人，下晝嘅話就得兩台客。食物方便，冇咗個三層架，就只能夠全日餐單去嗌最後食咗個卡邦尼意粉同埋一個可麗餅。卡邦尼意粉好好食，好推介。佢嘅蛋黃汁啱啱好，煙肉鹹鹹地，意粉亦都煙靭。其實真係煮得幾好食。係個份量少啲。而個可麗餅就一般般啦，餅底唔係太好食，香蕉都唔係好新鮮。 可以試第二個 總括嚟講下午茶嚟計就還好啦，唔係特別抵食。不過都feel到呢間嘢嘅意粉係好食嘅。夜晚嚟應該會好好環境同埋feel。佢呢度仲有桌球袋同埋有Band show
继续阅读
放假同屋企人黎到東涌行下, 見到呢間餐廳感覺幾chill, 有室外位坐, 可以吹下風幾好炸魚配炸薯條份量好足, 不過炸得唔係太香, 可能係條魚本身嘅問題?黑松露白汁帶子意粉帶子好鮮甜, 煎得剛剛好, 擺盤精美, 食落都好滿足澳洲和牛芝士漢堡配炸薯條和牛份量十足, 牛夠嫩牛味又香濃, 粗薯條正, 完全食唔停口!值得一提, 個湯好好飲😂°°°°°°°°°°°°°°°°°°°°°°°°°°°°°°#MrsLong #hk #hkmami #Longs #influencer #親子 #hkkids #Yo你去食 #Yo你食西餐
继续阅读
一進店已經被他們的高級復古傢具驚艷到🤩下足本呀！淨係個環境✨都有排食📸 每角落都是打卡位！🤭經驗所得，通常打卡餐廳味道都一般，但呢間有驚喜，三層架食物色彩繽紛 排位靚之餘，味道也好！下層是咸點 🦐：西班牙可樂餅外皮酥脆，薯仔混合蟹肉、絞肉、洋蔥、咖喱等，口感豐富。鮮蝦雞尾酒杯鮮蝦爽脆，配沙律菜千島醬一起食，很新鮮。法式焗田螺是將田螺肉取出切碎，再混合蘑菇香草等材料釀入，食起嚟好香口。中層是包點🥪：蟹肉牛油果三文治牛油果醬伴鮮味蟹肉，健康好味又飽肚。明太子吐司辣辣哋令我驚喜🌶️，香脆惹味。黑松露迷你Pizza松露香氣四溢，為tea set增添不少貴氣。吞拿魚墨西哥餅這是我最鍾意嘅小食之一，吞拿魚醬加入墨西哥辣椒，酸酸辣辣。下層是甜點🧁：雜莓忌廉芝士杯🍓🫐喜歡莓的我，覺得好正，滿杯雜莓，酸甜清新。朱古力奶涷要趁涷食，我哋最後先食有點溶。Tiramisu好香咖啡味，口感綿滑，最佳甜品🍮個tea仲包4杯飲品🥂☕️☕️兩杯Prosecco氣泡酒味道清爽微酸，酒精度不高，非常適合女士們的餐前酒☺️另外兩杯coffee or tea任選
继续阅读