影片
港铁湾仔站 B2 出口, 步行约4分钟
继续阅读
开饭介绍
装潢简约，采用水泥墙设计的酒吧餐厅。主打多款西班牙美食，部分肉类、海鲜特色料理需提前预订；另外点选Tapas配特色饮品，也是不错的选择。
继续阅读
营业时间
星期一至六
11:30 - 22:00
星期日
全日休息
以上资料只供参考，请与餐厅确认详情
Happy Friday同朋友聚吓真系好开心😆约咗去湾仔食西班牙菜🇪🇸真系超挂住一个月之前嘅西班牙之旅😮💨依度好多正宗菜式拣呀，解一解我嘅思念西班牙之情🥹同朋友拣咗一个二人套餐Set dinner($468)，另外再点咗烤乳猪同甜品，仲有Sangria，够晒饱😆西班牙烤乳猪 $448————————————做依个菜式花好多功夫时间，烤乳猪皮超级薄脆，肉又嫩又够juicy，脂肪被烤成半融化状态，入口即化，甘香无比😋伴碟嘅菠萝亦劲出色🍍每一粒都烤上焦糖面，咬落去爆汁劲juicy又甜，解腻一流🫶🏾Starter————————————Starter都有成三款，超抵食！首先有cold cut，有牛肉同埋肉肠，衬埋个芝士，个人认为店舖嘅cold cut食材拣得唔错，比较贴近香港人嘅口味，成碟嘢都唔会太咸，送酒都好正。之后有西班牙风番茄沙律🍅冻盘非常Fresh，蕃茄爆汁，加埋冻汤，有风味。至于是日餐汤系洋葱汤，洋葱煮得好腍🧅入晒味。煎焗鳕鱼柳————————————Mains拣咗鳕鱼，又好食又高营养，丰富蛋白质，两大件够厚肉，外皮煎得几香，肉质仲系滑又juicy，都几抵食！西班牙海鲜饭————————————Paella系西班牙标志性嘅美食，用镬仔上嘅炖饭够晒香口🍳粒粒饭都好焦香。西班牙油条————————————至于甜品就系Churros，炸得外层香口松化，砂糖面虽然邪恶，但食落口感劲正😋另外叫咗个心太软，舖头仲送咗雪糕比我哋食🫶🏾Red Sangria (Jug) $278————————————食西班牙菜一定要衬返Sangria🍷红酒加水果超易入口，一路饮酒一路倾偈真系好开心呀！
继续阅读
La Resaca 西餐厅喺湾仔皇后大道东，提供一站式嘅饮食体验，方便客人喺一个地方就叹到美食同美酒，悭返好多时间。餐厅虽然细细间，但气氛亲切得嚟，好似系街角嘅小店一样，畀人一种家庭式嘅舒服感觉。餐厅嘅招牌菜系西班牙蛋饼，$88。佢同普通香港风格嘅蚝仔煎蛋或者菜脯煎蛋截然不同，里面加咗芝士、烟肉同埋薯仔粒，味道香浓，食落去既鲜味层次分明。炒蘑菇$58，用新鲜蘑菇配上特制酱汁，味道清新自然，健康之选。而西班牙烤乳猪配焦糖菠萝$398，厨师巧妙咁将甜菠萝同乳猪结合，菠萝甜味同乳猪鲜味互相衬托，乳猪皮烤到酥脆，食落去唔会太肥腻。总嚟讲，La Resaca 为想叹西班牙菜嘅食客提供咗一个正嘅地方。喺呢度，你唔单只可以食到传统同创新相结合嘅美味菜式，仲可以喺繁忙城市生活中揾到一片放松嘅空间。
继续阅读
年三十晚，平时好多中餐厅都已经满晒，所以我们一家人订了湾仔的这间西班牙🇪🇸餐厅本身黎到系想试吓出名嘅猪手，点知店员话冇货🤯招牌菜都冇货我们是有啲失望🫠想饮生啤，又系无货🫠唯有叫其他嘢食~🔺香炸蟹肉丸外层系吉烈，蟹肉丸炸至金黄香脆，内里酿满蟹肉丝，咬下去啖啖都系蟹肉😋🔺西班牙蛋饼 好有蛋香，入口松软，内有薯仔粒、烟肉粒同芝士等，咸咸香香又几好食😋🔺蒜片虾我哋仲嗌咗面包，点𠮶充满着蒜香嘅油😍蒜香味十足！每只虾都大只弹牙🦐唯一冇预到的是呢个虾有啲辣🥹(我唔食得辣)🔺猪鞍劲juicy~做到啱啱熟🔺西班牙海鲜饭🥘 食西班牙菜必须要叫的西班牙海鲜饭❤️一上枱就俾原只鱿鱼吸引住，仲有大虾、带子、青口😋嘢食热辣辣，特别滋味🤤配上特制sour cream，店员话可以选择捞饭，味道层次更丰富🤩🔺鸭髀外皮炸到劲脆，鸭肉松软🔺西班牙油条churros 啱啱炸起😌热辣辣金黄香脆，外面脆，咬落又松软，沾满肉桂粉配朱古力或吉士酱都得食食落去又唔系好甜😆不知不觉间食咗好多总结嘢食都满意👍🏻老板友善同我哋倾偈👍如果下次想试猪手，可能先预订吧！
继续阅读
第一次写食评因为食到一肚气，嬲到连相都无心机影。从未食过咁难食既西班牙菜，厨师个味蕾系咪有问题？我究竟食咗啲乜？叫咗 3碟Tapas 第一道炸青椒，调味正常，但青椒炸唔熟嘅。第二碟薯仔蛋饼，厨师唔记得落薯仔。第三碟是炸黑毛猪薯饼，呢两粒野系全晚最有水准。食到呢刻个心都对依间餐厅巳打折扣，之后碟尤鱼paella先系最精彩。一心以为是用正宗的平底镬上，点知系尤鱼筒塞饭。尤鱼又系未煮熟，咬住旧橡胶心情唔好，食埋咪饭就更火起，Paella既饭煮起应该是粒粒分明，佢既饭明显系煮超时，变咗一堆碎饭，本心谂住唔好浪费食物但最后唔想同自己个胃过唔去就放弃咗。我唔明呢碟野凭咩叫自己做西班牙大镬饭，个饭零调味，连最基本嘅蕃红花味道都无。问咗餐厅佢俾个匪夷所思嘅答案我，佢话返红花孕妇唔可以食，有啲孕妇食咗会中毒所以哋冇落蕃红花，呢个香料既香气系精华所在，咁不如唔好开西班牙餐厅。见到咁多正评 真系抱住期望去试，但呢间系史上最难食既西班牙菜，唔知道点解可以有咁多人赞好食。
继续阅读
位于湾仔皇后大道东既la resaca提供多款西班牙菜式，味道偏浓，必试西班牙海鲜饭。 𖦹 香煎牛舌 $78牛舌非常厚切，表面焦香而肉质软腍，油香十足。𖦹 炸鱿鱼须 $88鱿鱼须香脆，送酒一流。 𖦹 西班牙海鲜饭 $328建议3-4个人share！有大虾、带子、青口、原只鱿鱼、富咸香嘅chorizo香肠、红椒碎同豆角，配上sour cream及柠檬汁，饭既口感偏湿润，极为鲜味，层次丰富。𖦹 西班牙油条 $68churros炸至金黄色，沾满肉桂粉同砂糖，西班牙最经典既甜品。𖦹 estrella damma lemon $88由西班牙进口、以60%啤酒加40%天然地中海柠檬调配而成，酒味唔重，酸酸甜甜似柠檬蜜糖梳打，we love it!!
继续阅读