影片
食家推介
之前已经订购过佢哋原个拿破仑蛋糕，超级高质美味，心思思又想食，适逢佢哋推出咗极受欢迎 【小立方拿破仑】迷你版造型趣致可爱，更加适合下午茶、三心两意想品尝多款不同拿破仑的甜品控，更有多达9款不同口味，随时随地都可以食啦😋😋😋每日限量制作的小立方几乎日日沽清，大部分食材均由法国直送，用料优质之余，更保证新鲜松脆，不论是经典传统口味，或是自家创意新口味，均令人一试爱上，今日买咗6件同同事分享下先，个个食完讃不绝口👍🏻🍓▪️【日式草莓小立方】选用韩国草莓，配上口感烟韧的麻薯，口感层次非常丰富！🍇▪️【波子青提小立方】饱满芳香的香印提子，在松脆千层酥皮与法国鲜忌廉之中，令果香独特果的香印，甜而不腻的绝配滋味，季节限定必食之选！🌰▪️【伯爵茶无花果小立方】以Twinings 伯爵茶混入幼滑的忌廉之中，散发出阵阵茶味的芳香，牛油味香浓的酥皮层层分明，入口松脆，再加上无花果独特的果甜，口感丰富！🍌▪️【香蕉麻薯朱古力小立方】香蕉和朱古力是绝配组合，香甜的香蕉肉混入香浓醇厚的朱古力忌廉，配上口感烟韧的麻薯，非常丰富的层次感，我最爱嘅口味！🥭▪️【鲜芒果小立方】鲜芒果肉配芒果味鲜忌廉，令芒果香味及果甜更加突出，清新而芳香！
继续阅读
好日都唔入屯门，难得今日入去打算食啲特式野。之前系东京食过类似，难得呢间店都有同类雪糕，今日就去试下和粟蒙布朗尼麻薯雪糕。去到点餐，店员话冇雪糕筒，唯有要杯款。然后店员就走到店内位置不雪糕，当时店内身处嘅位置一共有三位职员。一段时间之后先走出黎，期间我就欣赏展示柜内嘅布置，柜内放咗好多猫仔嘅摆设，原本想打卡，望到里面嘅摆设布满灰尘，就决定唔打卡了，因为真系比较呕心。当我回过神嚟，店员已拎起杯出黎，准备喺唧栗子蓉机器下面唧栗子蓉，成个过程超级快，完全唔似日本会俾人欣赏，原本谂住影佢整嘅过程，但系已经唔得了。完成之后店员向我递上雪糕，补充提示，叫我「食咗雪糕上嘅士多啤梨先，跌咗我唔会补返。」我接过雪糕之后，觉得呢句说话好奇怪。味道嚟讲，其实都OK，但系粟子蓉就少啲，士多啤梨超细粒，加上店员态度，店内嘅环境清洁度，仲有最后店内堂食嘅位置系冇垃圾桶，你食完呢请你自己自行到店外处理揾垃圾桶掉，因当我离开嘅时候，发现店面完全冇职员，想问吓可唔可以帮我掉垃圾，结果原来都系要自己揾出边嘅垃圾桶掉。个人认为，一杯雪糕$68，如果有雪糕筒，栗子蓉多啲，职员态度好啲，店内环境又干净啲，绝对值得。但系今日我得不到一个值得嘅体验，我本身真系唔系住附近，咁啱今日会去屯门先满心期待特登揾呢间舖头，但系觉得实在几失望，所以其实想试佢攞奖嘅拿破仑，下次未必会再帮衬了。
继续阅读
又揾到一个买生日蛋糕嘅好地方🤤 佢嘅拿破仑真系好正‼️ 食过会一试难忙🤤 仲要嘅嘢讲咗先，佢大蛋糕款可以选择上网订 / WhatsApp预订 (Tel: 52221963)，声称1小时预订，即叫即焗，最啱临急抱佛脚嘅你😂 如果想试下先，可以试佢嘅小立方🤓 不过唔洗咁执着佢唔同款色，未必一定有货，试咗佢嘅拿破仑饼底先🤓 系仲食咗焦糖炖蛋，佢有十二生肖嘅杯仔，店员好贴心咁叫系拣返自己钟意嘅动物😜 焦糖香蕉牛角包窝夫🧇，佢唔系脆嘅窝夫，牛角包入边夹住香蕉蓉，都真系几足料🤤 和栗麻薯雪糕🍦自己选择雪糕口味，再加劲幼细嘅粟，不过叫咗一定睇佢整，成件事好治愈❤️🩹
继续阅读
去屯门市广场行街，行经韩式烘焙店「Kuru Lab」有提供雪糕甜品，喺炎炎夏日真系需要食雪糕消消暑除咗雪糕甜品外，小店仲提供拿破仑小立方、麻糬挞甜品等，甜品大多为即叫即制==========🔹和栗蒙布朗麻薯雪糕 $68选用熊本县的球磨栗子一丝丝栗子蒙布朗包裹住麻糬、日本忌廉及雪糕提供四款口味雪糕，我拣咗草莓味栗子丝软滑细致富栗香，甜度调配适中；忌廉轻怡不腻；麻糬粒软糯烟韧有弹性；草莓雪糕含丰富鲜草莓粒，食落清新滑溜又甜度不高；整体层次非常丰富==========🔹大福雪糕 $58软糯烟韧又厚薄适中的大福皮包裹住日本忌廉、十胜红豆及雪糕雪糕我拣咗曲奇妙趣味甜度同样刚好，整体配搭得宜又够Rich==========🔹小立方拿破仑 (伯爵茶无花果) $48跟姊妹品牌「Neko Puff」的拿破仑不相伯仲，同样出色拿破仑分三层，每一层均铺上伯爵茶忌廉，再加上无花果及蓝莓伯爵茶忌廉细滑又轻怡，伯爵茶香醇厚微甜；配合清甜无花果毫无违和感拿破仑酥皮焗至黄金色，酥脆松化，牛油香突出==========🔹日式麻薯鲜果挞 (黑朱古力麻薯) $38心心造型，卖相可人内馅选用日本忌廉及麻糬丸子，有别于市面上的吉士忌廉黑朱古力醇香浓厚带点享受的苦涩，面头放上香脆金莎朱古力，整体甜度适中，令人享受
继续阅读
屯门踩完单车后，食邪恶嘅甜品。小店有小量座位最后同几个朋友叫了以下食物1.和栗麻薯雪糕日本厚忌廉和麻薯，雪糕可配曲奇，士多啤梨，云呢拿，朱古力。最后选了曲奇。开头唔知道原来有麻薯，食到烟烟韧韧，有惊喜。面头铺满了满满的和栗，甜甜的，不会太腻。可选筒装或杯装。2. 日式焦糖炖蛋鸡蛋味浓，不会太甜，面头有脆脆嘅焦糖。十二生肖杯，可以攞回家中整甜品3.大福雪糕烟靭的大福饼皮，配上日本厚忌廉和十胜红豆和士多啤梨雪糕，夏天食，正4.无花果拿破仑世界冠军拿破仑，食落酥脆，多层。配上香滑的忌廉。
继续阅读