Kousen Irori Sumiyaki (已結業) 查看

Upscale but really overpriced esp for lunch. There’s really no lunch specials - order from dinner menuProb due to price my parents and I were the only customers during the entire lunch session (12-1:30)Wasn’t that special. Good chicken wings tho

呢度啲嘢唔係唔好食，但沒有什麼令人驚喜的地方，份量也偏少，$85 凍蕃茄沙律得一小碗裝住一個細細哋嘅蕃茄，$36 一條燒蘆筍，$200 野生鰻魚都係薄薄四片等等。燒雞肝雞腎係全晚比較欣賞的，很原味而且保持到入面肉汁，喜歡吃內藏的必點。燒海膽都唔錯，但個人都係鍾意生食海膽多啲。講番個野生鰻魚，英文係 “wild eel"，我本身以為係平日多數食開嘅 unagi (河鰻)，但其實係 anago 即係所謂嘅穴子(海鰻)，雖然都好食但相對薄好多同冇無咁豐富膠質，肉質係纖細軟綿而非實淨彈牙，與想像有很大落差。A5 和牛牛柳$220有6粒，係粉嫩多汁同夠牛味，但可能因為係牛柳部位所以冇乜油脂，感覺同食一般美國牛或澳洲牛冇乜分別。不過最失望係個時令土鍋飯，今次時令係蟹肉，但實際上蟹肉份量好少，只係呢度一條個度一條幼幼的，食落幾乎唔覺，也沒有什麼其他配料，好似只係食緊高湯煮出來的飯，絕對唔值$300。埋單$14xx，但感覺只是一般，總括而言性質比不高。

今日犀利呀黎到北角食咗一間高級嘢一間門面冇門牌望落似啲草屋同茅屋嘅裝修風格門口都冇餐牌又冇任何指示淨係見到寫住營業中嘅一間日式串燒食店名字叫：工川圍爐裹炭燒 Kousen Irori Sumiyaki枱面擺放啲好有格調日本式風格 但感覺好高級 嘢都唔級講咁大聲咁滯個裝修都好有格調中間一個爐旁邊都仲有四人枱嘅都坐係到個感覺都幾舒服不過大門一開 好凍呀因為呢幾日天氣都好凍餐牌價錢黎講 對我黎講都算高級嘢架喇 我就點咗個野生炭燒鰻魚飯一杯冰凍嘅水沙律前菜一個沙律幾開胃呀食完有隻蛋成套前菜 仲有碗湯面鼓湯幾好飲開胃重點黎喇我盒飯呀但盒都幾精美一個全木嘅木盒裝住我個飯鰻重  Natural  Unaju  Don $400野生鰻魚飯見介紹話佢係用備長炭黎燒嘅鰻魚賣相好靚 食落都非常之好食炭燒得黎佢唔會話好濃一口咬落啲鰻魚到 真係陣好香嘅炭燒味佢唔苦架喎陣炭燒味 好吸引個飯都好好味佢冇汁嘅 咁先試到最原始嘅味非常好食 但四百蚊對我黎講都幾貴但真係好食嘅

公司附近開咗間無招牌嘅日本餐廳，由於外形太神祕，以為只招待vip. 唔係同事帶我來，我都唔知原來可以直接walk in.Lunch 有幾款set lunch任客人揀，我就揀咗烤牛肉。 非常好味，有前菜，配菜 - 類似南瓜溶，好岩我口味。另外我地有order 清酒。整個lunch 非常滿意，4個人2千幾埋單，最貴係清酒，其他set lunch 都係百兩蚊一個。 以味道，環境而言，抵食嘅。服務方面唔錯，會主動問客人岩唔岩食，作事後檢討。

經過北角嘅內街，估唔到有一間日式爐端燒。門口無明顯嘅店名，但睇落似係日式鋪頭。入去睇睇 ，店中間係一個爐端燒位置 ，店鋪裝飾都幾好 ，就坐低試一試 。 牆身用瓦片推砌成，幾有特色。食具都好有日本特色。要咗一小杯紅酒，配日本燒物都幾好，又可以坐低睇住師傅燒烤。師傅每一個都好用心去燒及不時反啲串燒，亦會留意會唔會燒燶，真係好用心。首先係南瓜小食，因為臨近Halloween，裝飾咗一個南瓜頭幾得意，味道亦唔錯。服務員附上自製辣椒配料，唔算，都幾好味。燒物第一款係燒日本銀杏，燒到金黃色...配上燈光，好似一粒粒金元寶一樣。跟住係燒雞翼，燒得好均勻，味道亦啱啱好。豚肉串 ... 豚肉包住番茄仔，食起來亦都比較清新，唔會肥膩。燒茄子日本茄子，肥嘟嘟，好cute。雞肉串燒燒得亦都好靚好均勻 串燒豚肉波波，比較少見，肉質比較嫩滑。燒薄牛舌，上面加咗蔥花檸檬汁，好好味。 薄牛舌，師傅好快就要反了。日式炸蝦加個日式蒸蛋。炸蝦外貌有啲似越式，而下面加咗啲蘿蔔絲，可以格油，所以一啲都唔油。燒甜蕃薯都幾乾身，食起嚟好甜，日本番薯係唔同啲。師傅用心地燒又反。燒日式鰻魚，睇個樣已知好肥美，食落好美味。最後，亦都係一

最近，返工見到北角有一間冇店名既日本餐廳，上網一查之後，就知道係食囲炉燒既日本餐廳，所以特登訂定位來試下正宗既囲炉燒。日式雞肉大蔥串燒：見到師父係店中間即時燒製，真係非常吸精。雞肉不但燒得金黃通透，而且肉汁很多，加上有少少焦口，令到雞肉更加香，此外，日本大蔥亦十分甜美，唔會太生，入口俾雞既肉汁吸晒，令到大蔥都十分有味道。大蜆昆布湯：用上原隻日本大蜆煮製既蜆湯，蜆肉十分大隻，但唔會太硬，反而入口軟身，加上昆布湯味濃，令到蜆既味道更為突出。日本蝦米飯：用上日本蝦的幼苗，鋪上白米上去蒸，所以令到蝦既咸味慘入飯內，食落咸香，但亦都有著日本醬油既甜味。水源米餅：去過日本都必定會食既水源米餅，估唔到係香港都食到，係透明既水源餅上，加上麻薯粉，再係面上加上黑糖，食落甘甜，亦都食到水源餅既軟滑。最後，這裡食物用上頂級食材，價錢又不貴，實在係聖誕必食既新地方。

We went for the $15xx set menu, the food was very average. The manager looked clueless when we voiced we don’t eat certain type of food, he said he would have to check if the set comes with those food, clearly at his price range I would expect the manager to know what ingredients would be used for the night’s menu especially when there are only two set menus to choose from.Service was lacking also as servers would just bring the dish to our table without explaining what each dish was. Environme

天氣漸冷, 剛看見朋友 facebook 資料, 介紹日本傳統 圍爐裏 在香港設店,  Kousen Lrori Sumiyaki, 位於北角寶馬道.  值得一試.  店子裝修好別緻, 令我們留下深刻印象........茅草店蓋, 找不著招牌.店內日式設計, 中央設有兩座大炭爐, 用玻璃隔著,  客人座位是三邊圍著火爐,像吧座形式.   客人可以近距離睇到廚師的精湛廚藝.另設有長檯, 旁邊有玻璃飾櫃, 內置日本石景, 配上漸變燈光.店內入口的左右主牆用了瓦片砌成, 好細緻, 擺放了三個透明玻璃展示櫃, 內介紹了日本人圍爐裏用的食具.也有酒釀, 及酒器.餐廳裝潢實在獨特, 高雅,  香港少見.至於今晚的食物, 我們有問店長意見, 他提議我們點燒物, 如生蠔, 雞翼, 串燒, 及鍋飯.  我們也贊成.桌上具備濕毛巾及餐巾紙, 餐具美觀整齊.我們品嚐玄米茶, 第一道前菜先送來了.  鮟鱇魚肝:  玻璃高腳杯盛載著鮟鱇魚肝, 上面鋪有青擰檬片, 薑絲和金箔, 擺設高尚.    魚肝質感軟綿, 油滑香濃, 入口融化, 加點酸汁伴吃, 好開胃. 接著是串燒.  廚師去中央的炭爐忙碌地把食物番來番去

北角有小福建之稱，想食傳統福建菜實會諗到北角。近排喺北角發現一間別具特色的日本餐廳——Kousen Irori Sumiyaki。餐廳門面相當低調，日式庭園設計，有茅屋頂。裝潢非常有格調，一進餐廳就被中間的圍爐給吸引了。炭燒圍爐用日本備長炭，溫度可高達900度，餐廳更請來曾任田舍家既日籍大廚主理。前菜先試下魚肝，選用高貴器皿，魚肝十分新鮮，入口即融，加埋醋汁更滋味。食完第一樣魚肝，已經引起我鍾意食海鮮既癮，呢個燒壕好大隻，原來係北海道空運到港，連殼上，食出原汁原味。呢個珍寶雞翼，超級大隻，仲要隻隻都燒得剛剛好。秋田縣鰻魚，係原條空運到港後，先劏開。先白燒後蒸再用圍爐燒，燒至外層焦脆。蒲燒汁同鰻魚真係好夾！大大個瓦煲上枱，呢個海雲土鍋飯面層鋪滿生海膽，焦飯採用日本珍珠米用瓦煲煮熟。食呢個飯一定要伴埋海膽，粒粒飯粒都有海膽汁，有陣陣飯香之餘又食飯海膽既鮮甜。最後一定要食個飯後甜品先叫完美！日本甜品水信玄餅，晶瑩剔透如果凍，加上黃豆粉同黑糖蜂蜜漿，清甜可口。

今日，終於去左試依排好多人都話好好食既囲炉裹料理，位於北角一出地鐵就係非常方便。Ankimo 安康魚魚肝：第一次食安康魚魚肝食落不但入口即溶，而且油份十足，甜甜的魚肝係口內游一樣，加上金薄令到成個安康魚肝格然不同。日本生蠔： 望落果然同平時食開既澳洲生蠔唔同，蠔身幼長，而且蠔肉十分厚肉，入唔海水味濃烈，蠔味都十分出眾，加少少檸檬汁來吃非常惹味。日本雞翼：即場用上竹炭燒製，所以外皮不但十分金黃，而且入口肉質比平時食既雞翼嫩滑，肉汁都十分多，雞味濃香。櫻花蝦蒸飯：用上日本煲來煮製既櫻花蝦飯，食落不但米香十足，而且櫻花蝦既味道，入晒落米與米之間，飯都十分綿和軟滑，非常希特色既蒸飯。總括來說，這裡日本格調十足，坐位又舒適，環境又日本風味濃，十分岩返工眾腳之地。

朋友帶我來北角這間新開不久的日式燒物店Kousen Irori Samiyaki。餐廳以報置比較深色，但簡單舒服，廁所更是值得一讚，超級乾淨企理，還配備了一系列的牙齒洗潔用品，方便食客吃飯後作簡單的口腔清理。小食是枝豆，傳統的日本小食，等同於酒樓的花生，枝豆很腍有咬口，帶點咸味。本身不喜歡食內臟類的食物，但這個鮟康魚肝卻令我對肝類完全改觀，魚肝無腥之餘還有魚油的甘甜，入口溶化且不油膩。鹽燒雞翼表面燒到微焦，外皮的脂妨油份迫了出來，所以食落外層香脆，裏面仍保留的雞翼的肉汁，而且肉質嫩滑，有少許的咸味。金目鯛魚肉雪白且無骨，外皮充滿骨膠原，而且帶脆，肉質嫩滑鮮甜，加點青檸汁去掉油膩感，配上香葱更香口。燒蠔燒得乾爽，以為會鞋，怎料裏面有蠔肉肉汁，不會太乾，而且很腍很鮮甜，還有淡淡的海水咸味。原個瓦煲上枱的海雲土鍋飯，飯面舖滿著生海膽，鍋飯是用珍珠米放入瓦煲內原煲煮熟後放入生海膽。飯及海膽攪拌後海膽被飯的高溫焗到半熟，每粒飯粒都沾上了海膽汁，珍珠米的飯香及海膽的鮮甜充斥味蕾，整煲飯鮮味十足。甜品是水信玄餅，無色無味的水信玄餅加上了黃豆粉及黑糖蜂蜜後，有淡淡的黑糖及蜂蜜味，黃豆粉本身都有點甜香，

位於北角A3出口對面的Kousen Irori Samiyaki是新開了不久，門口的招牌都未安裝。餐廳主要是以燒物為主，吧枱對正燒爐，即叫即燒，新鮮熱辣。鮟康魚肝完全無平時食內臟的腥味，入口即溶，充滿油份的甘香，但完全沒有鵝肝的油膩感。北海道燒蠔蠔肉脹卜卜，燒到蠔殻無水，但一咬開裏面依然充滿蠔汁，有海水的咸味及鮮甜，肉質腍滑。燒秋田縣鰻魚，鰻魚表面燒得香口，肉質嫩滑，表面醬汁帶甜味，完全唔腥，配飯一流。鹽燒雞翼非常大隻，比平時的雞翼大一倍，外皮燒得香脆，裏面肉質嫩滑而且有肉汁，不會燒得太乾。海雲土鍋飯是用瓦煲原煲煲熟飯後加入海膽，飯是用日本珍珠米，每粒飽滿充滿飯香，海膽份量十足，店員會原煲上枱讓我們拍照留念，之後再把海膽及飯拌勻碗上，每啖飯都充滿著海膽的鮮甜及甘香，珍珠米飯粒分明，飯香十足，我自己足足吃了兩大碗先停手。水信玄餅配黑糖蜂蜜及黃豆粉，水信玄餅本身是無味，視覺上是透明，質感似啫喱溝大菜糕，腍中帶點彈性，要加上其他調味料配搭，配出各種不同的味道，而加上黃豆粉及黑糖蜂蜜後，有黑糖的甜品及黃豆粉的香，不會太甜。總括而言，食物味道不俗，來貨高質，燒物即叫即燒，可以食到食物最新鮮的一刻

囲炉裏其實係日本傳統住宿一種料理， 據說當時圍爐其實只係地板挖開四方形空間鋪灰燼後燒炭火用以暖房，亦有順帶用作料理呢間新開無耐餐廳就正正係以囲炉裏作烹煮方法. 咁特別當然要試試前菜Ankimo, 其實係 あんきも鮟肝, 始終係魚肝臟,煮法中去腥就成為其中最重要一門環節. 呢個位都做得幾好, 腥味去得八八九九. 用左青檸, 柚子肉, 同果醋略帶酸味去腥同提升其味道層次. 食落軟腍, 有d 似鵝肝但無咁膩, 帶魚香, 因為調味又幾清新. 幾有水準生蠔, size有大半隻手掌,食落好新鮮,帶咸香,完全無腥味蚌煮清湯, 蚌好大隻, 肉質厚身爽滑中帶點鮮甜, 湯睇落清清地,但其實帶淡淡鮮香, 味道淡雅雞翼係用炭火即場係面前燒, 燒得剛好外脆內仍保持嫩滑,帶炭燒香. 由於無任何調味,所以按個人喜好落調味黑色係炭盐, 個人比較喜歡呢款, 簡簡單單調味,唔會遮蓋炭香後面一款係店家調製sauce,比較濃郁,都幾香之後雞肉烤蔥, 廚師煮完會放係枱上類似砧板上, 食時候再自己夾落碟. 已經用醬料調足味,雞肉嫩滑都唔錯櫻花蝦煲仔飯, 面層滿滿櫻花蝦,所以都幾香. 除左櫻花蝦就無其他配料調味. 呢個水信玄餅,

攻煮呢排因工作而身心俱疲, 只係知自己唔想要咩，唔太知道自己想要d咩。同樣地, 想食日本野但又唔想自己諗。上網冒住中伏危機搵左間omakase。見冇咩人去過，又無咩review, 勇字行頭既攻煮就去試下。奇異在間野無店名的, 搵左好耐原來係商廈隔離; 問個security, 佢又好鬼祟問我咩事, 有冇book 位...... 就因為咁，成件事變得刺激左! 㕆內充滿神秘感, 日式裝潢兼係正中間的開放式廚房任你睇。spacious 得來有個大如鱘龍魚缸的變色裝置, 老闆話代表春夏秋冬。我覺得似盤景沙漠（哈!)。講返omakase, 即係廚師發辦，代表左食客對廚師的信任，由他來為你挑選最優質、最時令的食材，也是很多美食家品味日本料理的「最高境界」。正所謂 「當晚大廚如何, 你既晚餐也必如何」。呢度所有野都好講究, 攻煮好迷戀呢個態❤️一開始上sake 也好講究。以冰鎮的手法成座上, 令冰不用溝淡洒的味道, 再用傳統的杯仔飲，更可以品嚐到清酒的香同甜。由於呢支大吟釀酒體好薄，所以座冰之後會保留香氣,不讓它揮發。Appetiser 係酸醋海藻配蕃茄, 聽個名都開胃哂。可能因為冷盤特別醒神，接下來

朋友邀請食晚飯，聞說是間隱世日本菜，特別在可以體驗廚師用傳統圍爐裹製作料理。當晚到達北角，但搵左陣才發現有間草屋裝潢的餐廳，原來就是朋友預約好的餐廳。餐廳中間有個圍爐裹（地爐），用透明玻璃包圍，讓客人清楚看到廚師專心燒食物。主要是廚師發辦，餐廳主打串燒及燒物類。先來前菜鮟鱇魚肝，用高腳杯裝著，華麗金薄和精緻裝飾，讓人細細品嚐的心思。魚肝好柔軟綿滑，味道濃郁帶香，不膩也不腥，口感質味道都極佳。圍爐裹料理正正可以品嚐鄉土的古早烹調味道，簡單而接近原味，帶點傳統日式感覺。再來就是燒蠔，燒得剛好熟，蠔身飽滿脹卜卜，望落已經好水潤嫩滑。燒蠔夠大隻，口感很好，好juicy好嫩，熟左都好滑溜，帶點點腥，加了檸汁味道更好。串燒就用另一個爐來燒，坐吧枱可欣賞廚師的廚藝。燒雞翼比一般的大，雞皮很薄，燒得極脆身，品嚐廚房燒烤時的技術。特別喜歡餐廳的沾料，右邊的是自家調製的醬料，用芝麻、魚仔乾、麻油等，味道又香又惹味。左邊的是竹炭鹽，也可沾來增味。京蔥雞肉串燒用特製醬汁來燒，傳來淡淡香味。雞肉有彈性，燒得不乾，保持肉汁又惹味可口，甜甜醬汁好夾雞肉，配埋京蔥同食更香口。大蜆清湯，打開碗蓋一看，估唔到大蜆如此珍寶